مايموت الحب .....

[align=center]
أسعد الله قلوبكم بكل خير ,,,

,,

,,


للغياب عوده ...


ولكم هذه ...




[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
مايموت الحب لو تعلن ذبوله=ولاتحيل أشواق روحي عن مساره
منت فاهم ويش معنى اللي تقوله=ولنت عارف قيمة الحب ووقاره
ومنت قادر تلعب أدوار البطوله=وأنت دورك لايق بدور الخساره
كانت الآمال في يدْك إمقتوله=والغلا ماوافق الموت بخياره
رحت أبني بك ظهر وأرخي حموله=ورحت ترمي الحب وتْهّدم عماره
شِق صمت الليل ,وبصرخه مهوله=وإسرق الأحلام كل تاره وتاره
منت في حاجة وصاياي الخجوله=دام بيتك ضيم واطماعك دياره
خنت عهد الحب وأزرت بك حلوله=وإحتفظت بباقي أشواقي طهاره
ياحسافه هذاْ.. بس اللي أقوله=والحسايف ماتدليني مناره
كنت أول من عذق قلبي يطوله=وكنت آخر من رحل عني وزاره
خذْت لك في داخله صوله وجوله=وكل شي(ن) كان لك رهن الإشاره
عادك اللي تقدر تعود وتطوله؟ =لاوربي ماعدل عنّك قراره
عشت وياك الهوى بأربع فصوله=والذرى ماصد ..غربيه وغباره
الهوى في داخلي نادر حصوله=كيف توقف بين عمري واحتضاره!!!
شرهتي والله على القلب وميوله=وانت اصلاً ماعلى مثلك خساره
برتحل والقلب لو يعلن عدوله=مادرت يمناه عن مدة يساره[/poem]




..
..

..

..


تقبلوني ,,,[/align]

..

..