قلبي بكر ,,

.




[poem=font="Simplified Arabic,5,teal,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
قلبي بكر, ماقبلك انسان طبّه=مادونه الا عضة الناب بالناب

حاميه عشر سنين , ماحد ٍ لعبّه=لابالنظام , ولاتحت شرعة الغاب

مايستغيث احد ٍ سوى الله ربّه=ماله ربيع الا القرايب والاصحاب

يسمع بنار الشوق بين الأحبّه=من قيس الى ليلى ومن نوت لعقاب

وش جابك انت ؟ وصرت للهم سبّه=وانا منوّل كنت مرتاح الاعصاب

اثرك وانا في زعمي اني متنبّه=مدري بضعف , او تحت تأثير واسباب

فـي ليـلٍ مظلِّـم , وساااكـن مهبّـه =مثل السكون اللي قبل نـزع الاطنـاب

وضعت يدك , وضاع قلبي ولبّه=واصبحت بين مصدق وبين كذاب

سوّرت قلبي سور ماينتشبّه=الا بسور الصين , مقفول الابواب

بنيت لك صرح , ومنارة , وقبّه=واسست لك معبد , وشيدت محراب

واظهرت ماه , وسال ماء المحبّه=فيه الشفق غايب , وفيه الشهد ذاب

وعلى ضفافه يوم ينبع مصبّه=زرعت مالذ , وجنيت انت ماطاب

وانا جنيت الشوك , المَّه , واشبّه=واذا طفا مشهاب , ولعت مشهاب

من شان اداوي جرح ٍ الكيّ طبّه=وان جيت اباداويه , شميت الاطياب

عزل المريض بحالتي مستحبّه=وانا اكتفيت بعزل اذانيّ بحجاب

كني عن العذال في جوف غبّه=أطيب عذول اشوفه يمارس ارهاب

ماوحي بك مصوّت ولا سمع منبّه=مفتون بك حاضر , ومجنون بغياب

وان قالوا اجفه , قلت اعشقه , واحبّه=ماجفاه , لو يجفا النظر سود الاهداب

ان مر طيفه , قلت ياقلب لبّه=ارفع له الترحيب , واخفض له ارقاب

ان جيت ابامدح فيه , كني باسبّه=كل الكلام يتوب , والفكر ماتاب

وين المشبّه فيه , وين المشبّه=احترت افكر فيه , واقول وش جاب

قصيدي ان جا فيه زاد الطرب به=باموووت ماجافيه , والقاف ماشاب

يبقى لي آغَنيْه لاطلال حبّه=وين انت وتغنيه ياناي زرياب

.[/poem]



.