((*( السيل الكبير )*))

المشاركة الأصلية كتبت بواسطة فيصل السواط

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
وين اتجه بك ياهواجيسي وانا اشوف الدروب = تزاحمت كلٍ يبا يستوعب السيل الكبير
والسيل / جرح وصدمتين وظلم وعتاب وذنوب = أسمع هديره من شعاب القلب للظلع القصير
حاولت اوقّف للسحابه والوي ذراع الهبوب = قدّام تحداني على سفح الورق قبل استخير
اخاف تتحطم مدينه من شمال ومن جنوب = واخاف تتساقط وجيه الناس من نفحة زفير
كم لي سنه وانا احرث التربه على حلم الحبوب = ولا جنيت الاّ ورق صبّار في حقل الشعير
ملّيت اشيّد من حروف الشعر بيبان الهروب = وانا بطل قصه .. بدايتها من الفصل الآخير
هلّت عليّه من سما الايام مجموعة خطوب = اشتالها متني بعون الله ولا حولي خشير
مامرّ جرحي وقتها الاّ صادق ومية كذوب = وحمامةٍ لليوم في عش الوفا عيت تطير
أتوب واذنب يوم اريق الحبر واستغفر واتوب = ماودي اكتب شي لن الشعر في عيني خطير
احيان يبني لك وطن ويحفّز لحبك شعوب = واحيان تكبر به زهو و يبيّنك جداً صغير
والعيب ماهو فالقصيد العيب والله فالقلوب = واكثر صدور العالمين تعيش في أزمة ضمير
ما اصعب على اللي ياصل الاوزون ويسد الثقوب = الا انه يحاول يرد النور في عين الضرير
والغش حالة مجتمع مليان من كل العيوب = عصابة استنزاف موقعها تحت بشت الوزير
فوضى وقلة دين واستعمار جنب من الجنوب = من باب تصغير اكبر الاحلام في عين الفقير
اسفل حقول الورد تدفن جل اسلحة الحروب = واجمل هدايا الودّ تتغلف بسلك امن الحرير
تناقضات تزيد في وجه المقابيل الشحوب = وتعلّم الانسان بانّه فالحياه اكبر أسير[/poem]

كـ عادتك يابو ريما ,,

حضور جميل ومبهج لـ متابعيك

صح لساااانك على هـ الابداع