إلا الحماقة أعيت من يداويها !!

[align=center]بسم الله الرحمن الرحيم

للتواصل بعد غياب..

صلوا على محمد..[/align]




[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
عجزت أفكّر بحالك مع خوافيها=والنصح ماهو لنفس الخبل محييها!

كنت أحسب أن كل ضربة تجيك تعليمة!!=طلعت (دايح) تكحّلها وتعميها!!

ليت الزمن فاتك.. وعشت بزمن سابق!=مابي أشوفك سنيني لاتجي فيها!!

ماتحشم الناس.. وأسيادك وأهل أمرك!=تمشي ( تفسفس) علومك في نواحيها!!

اتعض يدّ رفعت حظّك ومقدارك!=(أخس وهبيت) الذي هذي تواليها!!

هو ليه ماصرت عنّا (قاطع وخاسي)!!=ولاّ شتمت الذي ورّاك صاليها!!

ياكم رفعناك.. مع بيّك وأخوانك..=ياكم ملينا مخابيكم.. (خراجيها)!!

ياكم حكينا دفاعاً عنكم حميّا!!=ياكم نرزّك وصورتكم نحلّيها!

ياكم نسن السواطي دون منزالك=ياكم نصلّح مشاكلكم.. ونبريها!

ياكم نفك العسر لامن تغشّاكم=ياكم سترنا بلاويك وخوافيها!!

ياكم رقينا بكم من فوق الامتاني..=أكتافنا (مركبك) رمت النجم فيها!!

ماجاك جانا ونخشركم بخبزتنا!!=حنّا ملافيك لا صكّت لياليها!!

تذكر وتذكر؟ نسيت اللي مضى كله؟=أفعالنا فيك والله صعب نحصيها!

مايشبهك كود قول الشاعر الماضي..=يومه يشخّص حياتك مع بلاويها..

(لكل داءٍ دواءٌ يستطبّ بِهِ )=(إلا الحماقة أعيت من يداويها ) !![/poem]





[align=center]وسلامتكم..


أخوكم/ساير الرماحي..[/align]