ياحيّ .. ياقيّوم ..!!

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يالله يامحيي العظام الرميمات=يامجري الأيام .. محصي عددها
ياحيّ .. ياقيّوم .. رب السموات=رفعتها سبع ٍ بليا عمدها
يامن كفلت الخلق حييّن وأموات=يامقدر أيام البشر في وعدها
ألوذ بك .. وأرجيك مما هو ات=لاكفنت نفسي وجت في لحدها
لاجا نهار ٍ فيه كشف السجلات=والحجة اللي ثبتت مع سندها
يوم الحشر .. يوم النشر .. والمشيبات=والمرضعه نسيت وعافت ولدها
والشمس تدنو ميل من روسنا جات=وأهوال ذاك اليوم وامر وادها
عفوك .. ولطفك من كبار المطمات=ورحماك .. من كثر الذنوب ونكدها
النفس .. تغريها كثير الملذات=من سوّها طول الأمل يطّردها
ماتدري أن الموت حي ٍ ولامات=وأرواح خلق الله بأمره حصدها
اللي عمل بـ .. الخير قدام مافات=لابد مايلقى النتيجة بعدها
اسألك يامولاي تصلح لي الذات=وحسن العمل وأحسن مئالي بعدها
وثبت لساني عند رد السؤلات=وأغفر خطايا عبدك اليا سردها[/poem]



ســلامتكم