هذي دروبي.......

بسم الله الرحمن الرحيم



اليكم هذه القصيدة اللتي أتمنى ان تحوز على رضاكم....



[poem=font="MS Dialog,5,black,bold,normal" bkcolor="transparent" bkimage="backgrounds/17.gif" border="groove,5,black" type=1 line=0 align=center use=ex num="0,black"]
ماني على بعض الطواريق محدود=يالي تحسب إني مضيع دليلي

ما تدري إني كان هبت لي النود=أسوق في مشهاي هجني وخيلي

عزمي على وطي المسافات معقود=وعلى مساري الليل ياويل ويلي

مالي مسافات ونطاقات وحدود=أبسط فراشي حيث ما يستوي لي

وأشب ناري وأحتسي لي بكم عود=وأجلب معاميلي وبني وهيلي

وأعجل بمن تكرم عن النقص والزود=بريةٍ يشفي طعمها غليلي

وأجر صوتي وأكثر العالم رقود=ويطول مع بدع التماثيل ليلي

ماني بلا ناقد ولاني بمنقود=لاني على سبل المراجل سبيلي

حافظ وصية عودي وجدي العود=والناقصة ما تنحسب من حصيلي

ولا جملت البيض مع جملة السود=ولا كثر فالوقت حطي وشيلي

عايش على العز وعلى العز مولود=ومن جيل جدي وارث العز جيلي

يعني على ما قالوا العلم مجرود=من دون ما أجامل وربي وكيلي

بيت الشرف مبني على ساس وعمود=وأنا أحسب حسابه فعدلي وميلي

وبيت المذله فوق بانيه مهدود=والي تربى فيه ماهو عميلي [/poem]