الصمــت

السلام عليكم جميعا ً


.
.
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

الشعر ّ ( حالَه ) ... ومن يغصّب شعوره للكتابه = والله إنه ما جنا غير الركيكه والهزيله
والسؤال المُعتبر ّ يستاهل أكبر ّ من إجابه .. = والتطفل ّ ..( مبدأ ) الغايه تبرر للوسيله
والجراءه .. لو طغت ّ قلة ّ أدب واكبر معابه =والحيا ... في غير حِلّه ضعف ّ للرجل وفشيله
الرجل ّ يعرف مقامه يعتلي عز ّ ومهابه .. = والضعيّف تطرقه ريح ّ الرخامه والرذيله
لو ّ يجي ويروح محد ٍ يفقده ولا ّ .. درى به=ماقوى عظمه على شيل الخفيفه .. والثقيله
يقنع بدور المهانه لين دوّح به شبابه = إن رضى عينه .. ذليله / وان زعل عينه.. ذليله
والمراقيب المنيفه.. للحرار.. وللذيابه = مايروم الصعب غير اللي يبا كسب الجميله
والله اني أملك اسرار اللغه .. فن ّ الخطابه = ماخذ ٍ قسمي من إسمي .. في البَيان وبالفضيله
فالصدر ّ هم ٍ يجر الصوت مع قوس الربابه =والجفن ّ طير ّ غبار النوم ينفض في شليله
آه .. ياطول السفر ّ والليل موحش ّ من سرى به=في دروب ٍ ممّحله أبطت على سَقو ّ المخيله
كل وادي .. ضامي ٍ يرسم على صدره سَرابه = ثم توّجد ّ في زمان ٍ لاهدر ّ يغرق مسيله
يا رفيقي .. والليالي لو تشابه .. ما تـّشابه =مالي بكثر الكلام ّ ودام يغنيني قليله
إنسحابي .. لا تقول انه هزيمه .. ويش جابه = قد ّ نحت ّ الشعر ّ وصدوف الليالي ما تزيله
آه من هون السؤال .. وآه يا مر ّ الاجابه = خلّني والصمت ّ غايه .. مارضت بأية ّ وسيله





[/poem]

.
.