قويه صدة الغالي قويّه !!

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
سلام الله على دروب المنيّه = عقب ما اقفى وأنا عيني شقيّه
مودعني وطوّل في وداعـــه = قويه صدة الغالي قويّه
حداني للعنا يا رحمة الله = وأنا ما قد بدا مني خطيّه
على الله وين قلبي هو غدابه = ما دام الوصل ما هو في يديّه
على الفرقا كتبت اله القوافي = عساه يحن وضاح الثنيّه
تعلاّ في سما حبي تعلاّ = غلاه يزود ما ينقص شويّه
على بالي يمر بوسط فكري = خياله والمشاعر له نديّه
تسج النفس من ذكـراه ساعـه = وأعوّد واثرها العله خفيه !!
الا يا بري حالي شق جيبي = عقب ما غاب عني نور ضيّه
أكيد أنه سمع هرج العواذل = وشايا هروجهم عني رديّه
يا ثقل الصبر .. يا ثقل الليالي = أنا والهم والدمعه سويّه
وانا رجل ٍ على ما قيل صابر = لو القى فالعرب شخص ٍ حليه
احب بصـدق ما هو بالتسلـي = هني من لا عشق لا وا هنيّه
اسـج احيـان وآهيجن واغني = ليا زار الفكر روحه وجيه
وليا هبـت نسايـم قلـت حظي = وأثر للحزن في عيني بقيّه
[/poem]