عاصمة ارض الشعر...اهداء لمنتديات المرقاب الادبيه..

السلام عليكم ورحمة الله وبركاته


اهداء بسيط لمنتداي الرائع


المرقاب


اللذي كل يوم اكتشف شيء من ثروته الادبيه الهائله



[poem=font="Traditional Arabic,6,darkblue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
في موقع المرقاب مابه مِشتهر او مَشتهر=غنت لي الشهره وانا ماجيت ادور بابها
سلم على هاجوس ابن مبخوت لامنّه سهر=لو ان بعض اذواق خلق الله خسرت اعجابها
ان جيت اوضحّها قهر وان جيت امررها قهر=لكن عسى الله يصلح اقلوب البشر لصحابها
مرات نفقد في خلال ايام محصولة شهر=بس المرابح فالرجال اللي تحشم اشنابها
لو تمطر الحيله عذر قلب الردي يبقا دهر=وش حيلة الرجل الحليم ان ماعرف اسبابها
بعض الحكي ورى الظهر لانه طلع خلف الظهر=اخر كلامٍ قيل وش سجادتةٍ صلى بها!
هذي ضريبة شاعرٍ مشهور لكن ماظهر=وشلون لو كان الصحف في مكتبة عرابها
والشجره اللي ماتموت الا على جال النهر=ماغيرت مجرى النهر ولازعل حطابها
الفل والريحان والنوير من غير الزهر=ماهيب مثل العود الازرق لا شعل شبابها
ياموقع المرقاب شعري في ضواحيك ازدهر=ياعاصمة ارض الشعر واشعوبها واربابها
مانختلف في موطنك ذا مِشتهر او مَشتهر=لانك جمعت ازحولها من مختلف كتّابها[/poem]


.
.
.