عذبوا قلب العطاوي

صديقي العزيز خالد الرويس يلقبه الزملاء في العمل بـ ( زعيم الطيب )
كان مخاطبا في القصيدة
أتمنى أن ترتقي لنبيل ذوائقكم



[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يازعيم الطيب عذبت العطاوي=يوم جيت من المحبة تشتكي له
بعد ماسليت روحي بالسلاوي=بعد ما غنيت في راس الطويلة
يوم كني في الهوى صرت متشاوي=عوّد القلب المعنى في عويله
الهوى يا صاحبي راس البلاوي=يذبح اللي طاح به ويهد حيله
الهوى لا طاح به رجل ٍ هواوي=صار شكله مختلف عن شكل جيله
ما يفيد مع الهوى زود المناوي=لا طبع في القلب ذاق القلب ويله
لو يفيد مع الهوى كثر النخاوي=والله إني لاعتزي باسم القبيلة
وأشهد إني يا رفيقي كنت ناوي=أترك دروب الهوى وأترك سبيله
مير صوتك حرك القلب الشقاوي=ثم طرى لي راعي العين الكحيلة
لا ذكرته تختلط كل الدعاوي=يرتعش قلبي وأضيّع كل حيلة
فز قلبي فزة الحر النداوي=لاذكرت حبيـّـــبي راعي الجديلة
بلا شعور أسري وأزود في الخطاوي=مقصدي بيته ولاشي بديله
دايم المسرى عوايد للمهاوي=كم قضى لأجل المساري نصف ليله
ذيب صدري في ضلوع الصدر عاوي=ومن عشق قلبه تحمل ما يجيله
ذكروني صاحب الزين الرهاوي=ذكروني فتنتي والله وكيله
عذبوا قلب العطاوي والعطاوي=لا ذكرها هل دمعه عزتي له[/poem]