.. روس و عزاوي ..

صبحكم الله بالخير



[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
جبت القسا من وين يا ناعم القد؟=من صحبتك ؟والا من أهل الفتاوي؟
أخذت لك غيبه على محمل الجد=منها عرفت انك على البعد .. قاوي
ترى المصده .. سيفها قاطع و حد=الله يبيحك .. كيف ما كنت تاوي
يكفخ عليك القلب بالشوق .. و يهد=أنت الفضا .. و القلب حرّ و نداوي
عطني يدك .. من دون نشده و لا رد=كثر الكلام .. يزيد طول الدعاوي
انت اتعرفني ساعة الجذب و الشد=ضيق حشا .. ما اعرف افكر و اراوي
يوم انت سافط لي من اخيارك .. الصد=وانا امفهق لك .. كبار الهقاوي
لك منزل ٍ في ريف ضلعي و لك ِخد=ما هوب مع جمع النزيل متساوي
عنك الصدور تبور .. و يبيّح السد =و يساق لجل ارضاك .. روس و عزاوي
لك كل ما فيني من الحد للحد=يا مبعثر ٍ صدري و ماكان حاوي
ياللي جمعت بجوفك .. الطفل و الجد=غيبتك موت .. و جيتك عود جاوي[/poem]