نصوص مرقابية راقت لي

للمبدع / خولان بن عامر


[poem= font="Simplified Arabic,4,blue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
ياللي تحكّم فـي ريمـوت القنـوات=طالبـك طلبـه لاتزيـد المعـا نـاه
ادميت قلبـي بالمجـازر والامـوات=ويلاه من ماشفـت العيـن ويـلاه
غيّر وتلقى لـك قصايـد وشيـلات=ولا مـزايـن ذود ولا مـبــاراه
ولا سوالـف شـات ولا دعـايـات=ولا مسلسـل بـدو نصفـه مـلالاه
حنّـا تعودنـا لهـاذي المحـطـات=دائم كذا.. والحرب ما قـد عرفنـاه
مانعرف إلا ركـب لكـز ورنجـات=واموالنا نعمل بهـا فـي المرابـاه
والصنف الاخر من قشر عيشته مات=باقي الغـداء لجـاه لليلـه تعشـاه
حنا العـرب ياكـم كلينـا مطبـات=يامـا ويامـا مـن مطـب كلينـاه
تومـي بنـا رغابتنـا والهوايـات=ويضحك علينا الغرب حتـى تبعنـاه
متى نوقف فـي نحـور الخواجـات=الى متى والذيب خوفه مـن الشـاه
إنفّـز لشفنـا فلسطيـن بـالـذات=ناخذ ثلاث ايـام والوضـع ننسـاه
ناكل ونشـرب ماحسبنـا المهمـات=اهم شـي المـال والوجـه والجـاه
وابداعنا في نغمـة العـود واهـاات=افضل شعر واجمل قصيـده مغنـاه
حتى القصايد والصـور والمجـلات=ياكثرها في ساحـة الشعـر كثـراه
والاّ الصناعة ماش ما من صناعات=يمكـن مصانـع خاليـات إمبّـنـاه
نزرع ونحصد في وجـود المعـدات=ولاّ درينـا ويـش زرعٍ حصدنـاه
مـزارع التمبـاك والتبـغ والقـات=فزنا بها وليا نقـص شـي جبنـاه
ياما ويامـا عندنـا مـن حكايـات=يضحك بها اللـي بسمتـه ماتعـداه
والله يالولا دعـاء اهـل الصلـوات=اللي علـى سنـة محمـد وممشـاه
اللـي دعاهـم بالبكـاء والمناجـات=الـلـي بتـالـي اللـيـل يالله يالله
لولا. دعاهـم بعـد رب السمـوات=رحنا مراح الطير ومقيـط وارشـاه [/poem]


...