صدري المشحون لـ / عبدالله السياري !

[align=center]انا ظني احياء ما بقا لي وانـا محـزون
من الصدمه اللي رب الارباب خابرهـا
الى شفت ساره تدّرج بينهـم بالهـون
تعثر وتنهض واقشـر الحـظ عاثرهـا
تنادي ببابا مادرت ذخرهـا مدفـون!
تعلق بمن شافـت وتنخـا عشايرهـا
تنحيت عنهم واسبلت عيني المخـزون
اطمن والـد بناظري لا يناظرهـا



الله يعطيك العافية يا أخ مشخص على نقل هالقصيدة المؤثرة


وصح لسان الشاعر الكبير بإبداعه وبرجولته عبدالله السياري

الله يرحم الأخ خالد السياري ويرحم جميع المسلمين[/align]


[align=center]واسمح لي أنقل هنا رثائية أخرى لعبدالله السياري في (خالد) .. ويخاطب فيها شقيقه (فهد):[/align]

[poem=font="Simplified Arabic,6,black,normal,normal" bkcolor="transparent" bkimage="" border="double,4,black" type=0 line=0 align=center use=ex num="0,black"]
وراك عنّي يا فهد غبت وأبطيت=و انا على خدي مـن الوقت مصفوق
الشهر ذا رابع حرامٍ فلا اغفيت=والقلب من نزف أحمر الدم محروق
ليسلهمت عيني تبي النوم فزيت=فيض الدموع الساخنة حرّق الموق
ضاق الفضا في ناظري واظلم البيت=الحزن تاجي واسود الهم لي طوق
قلبي جريح لو صبرت وتعزيت=حاير فكر شوفي للأفاق بفتوق
فقدت نصفي عقب ما ارهيت واشفيت=وامسيت لهمومي والأحزان ماسوق
عِزيت في الميّت وأنا عقبه الميت=نصفي معه لو كان أنا عايشٍ فوق
بستان عمري عقب ما اسقيت وارويت=وبديت اقطف من نواميه وآذوق
هبت عليه العاصفه عقب ما امسيت=وأصبحت الملم ما بقى شوك وعروق
عليك يا خالد من الحزن ونيت =ونة كسيرٍ طاح مـن راس شاهوق
ما زل يوم إلا لطيفك تحرّيت=اكذّب الواقع و انا منه مصعوق
طيفك معي من حيث ما اقبلت واقفيت=وصوتك صداه بمسمعي يبعث الشوق
من يوم ودعتك و انا ما تهنيت=واصبحت من فرقاك من عوق في عوق
بالصدر عبرات على ذايع الصيت= كنّي من العبره على الطول مخنوق
يا من على العرش استويت وتعليت=يا من له التسبيح من كل مخلوق
رحماك انا بحماك يا حامي البيت =يا من يسوق المزن لليابسه سوق
يا من رجيت ولا لغيرك ترجّيت=لعل خالد من لظا النار معتوق [/poem]