إحـسـاس مُـطـلَـقْ ..!!

التاريخ اليوم : 1 / 5 / 2009 م



لا كنت أريد التحدث عن هذا اليوم


ولا كنت أريد أظهار هذا النص

الأسباب شخصيه

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
في مثل هـذا اليوم/ ستـه وثمانيـن=صرخة طفل .. متوقـع ايامـه السـود
بمهـاده الابيـض .. خـذوه المهنيـن=مولـود لكنـه .. بــلا أب مـولـود
أسمه على أسمه .. رغم أنف المسمّين=تخالـط احزانـه مـع العـز والجـود
يتيـم .. مـن قبـل الـولاده بشهريـن=عادي اجل .. لو ينقلـب خافقـه عـود
كبـر.. ولا يلعـب سـوات الوراعيـن=نادوه .. لكنـه جلـس يرسـم حـدود
صامت وصمته صمت .. من عاسره دين=في ناظره غيمه وفـي صـدره رعـود
أصحابـه .. الأوراق وأقلام تلوين =بالرسـم تعبيـره محدد ومقـصـود
وكانو يقولون ../الولـد صابتـه عيـن=يعني عشانه مبتعد ../ صار محسـود ؟
وكان يتألم .. بأنعزاله مـع البيـن=مابيـن جـرح وبيـن تاخيـر ووعـود
تشكـلـت طبـايـعـه والـمـوازيـن=بيـن الاكابـر والمساكـيـن ببـنـود
مـن الأكابـر رحمـتـه للمساكـيـن=ويأخذ من المسكين رجـوى ومجهـود
كان يتسائـل لـو فـرح كـذب بعديـن=وشلون يفرح صدق .. والكذب معهـود
سنه..سنـه يكبـر وتبقـى عنـاويـن=(إحساس مٌطَلقْ)أو (أمل مات مـوؤود) [/poem]

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
وصار المخبـى غيـر مابيـن قوسيـن=وراه .. اصل وفصل واسمـاء وجـدود
يكون جنـب النـاس بالعسـر والليـن=ويكفخ سما .. عن كل هافـي ومنقـود
ويكـرم جنـاب الطيبيـن العزيـزيـن=وبينه وبيـن النـاس ميثـاق وعهـود
خطواتـه ابطـى لا مشـى للمعـزيـن=يمكـن إذا أتأخـر .. فقيدتهـم يـعـود
وخطواته اسرع في عروس العروسيـن=وده يقـول ان الصبـر آخـره فــود [/poem]

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
رجال لازم ..يعـرف الزيـن والشيـن=الزين مـو موجـود والشيـن موجـود
ودام الأمل غايب .. يجي وقـت ويحيـن=مدام غايـب .. صـار ماهـو بمفقـود
مؤمن .. لو همومـه مرافقتـه سنيـن=والله يصبّـر كـل راضـي ومـوعـود
وفي هالسنه عمـره ثلاثـه وعشريـن=مطلق بن مطلـق سمـي جـده العـود
مدامنـي عايـش ابـي بـس شيئيـن=امـي تكـون بخيـر وافـرح بمولـود
من بنت تعشقني .. وأنـا أحبهـا ليـن=أصبحت أحـب العمـر وأيامـه السـود [/poem]

ولا أملك بالنهايه أي كلمه .. تترجمني







رسالة من أخي وأبن عمي العزيز / نواف الدويش






[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
كل عام يمر وإحساسك بـ خير =وكل عآم يمر .. وتصوغ القصيد
وكل عآم يمر .. عشاقك كثير = وكل عآم يمر للشعر انت [ عيد ][/poem]




شعورك يرفع هامتي للسماء فرحا ً