(( && ^ ذائــقـة الشــعر && ^ ))

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
(( حداني على البيت المطرف غلا راعيـه "=" ولا يستوي جناب بيتـه وهـو غالـي))

على البيت هذا حن قلبي من اقصى فيه "=" على موقف ٍ قدام عيني وانا سالي

يفز الرجل في موقف العم وبناخيه "=" وانا افز فزت ذيب لاشفته أقبالـي

يقولون ياعايض على كثر ماتغليه "=" نشوفك تقصّر فيه في بدع الامثالي

وأنا خابر ٍ الشعر والله مايوفيه "=" لو أنسج خيالي فيه وأداعب اخيالي

وليفي أعرفه.. وأبخصه ..كل مايعنيه "=" وجودي معه.. يكفيه ..وأحواله أحوالي

تربى مثل طير ٍ تربى على راعيه "=" وسميته اشواق المحبين وأمالي

وهديته بشوق ٍ من القلب مايخفيه "=" عسى فدوته حساد قلبي وعذالي

على كل دار أطب رجلي لذا طاريه "=" حرام أن زولــه كـل يوم إيتهيـالـي

خذانـي مـثـل مـن ياخذ الحكم من قاضـيه "=" وحكمني تحت حكمه وانا خابر ٍ حالي

ويا حالي اللي عقب فرقاه ما أدانيه "=" مثل حال عود ٍ مبطي ٍ فيه الأمحالـي

قضا صبره اللي جاه.. من حر مايكنيه "=" ودارت عليه أسنين بقعا وهو خالـي

على راس ماله يسري الليل مايضويه "=" وكنيبه يقول البلا ضيمة أعيالي

ابيهم سند واثر الزمن بيح بخافيه "=" وكبوني بداري وخلوني الحالـي

عليهم لعن ربي وملكه ومافي يديه "=" وصواعق سما ربي عليهم بزلزالي

هذا اللي أحسه يوم قلبي جرا جاريه "=" وأنا عارف ٍ مخراج دربي ومدخالـي

لكنّ الولع فاللي يبيني وأنا مابيه "=" مثل من يغيّر جاري السيل لا سالي[/poem]