(( ألقا/سميّه)) لــ بنت القصيد

[poem=font="simplified arabic,5,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
(يالجازي) التقدير بالوقت ذا عار=والناس يظهر اصلها بالشدايد
حتى القريب اللي تحسبينه ستار=يدرا عليك من الفتن والحقايد
صار اول اللي يجحدك وقت الاضرار=وانتي تحشمينه عشان العوايد
ماللوفا في تالي الوقت مقدار=صيري مع الاصحاب عنصر محايد
مالك شغل بالنصح لوّه بالاخطار=كلن يشوف انه على العرف سايد
كلن يشوف انه على حق وان جار=لبّسك ظلمه لين ساق النكايد
وانتي كبيره من عزيزين وكبار=خلي نباح الكلب في كل حايد
وشهو يحدك في وراعين وصغار=هراجهم هرجه بليا فوايد
لا جو يبون النار ..؟!! تحرقهم النار=يالله عسا تزداد فيهم وقايد
جيتي تبين النصح في وقت بوّار=تمد له خيرك وعاف المدايد
هذي نصيحه والزمن حيل دوار=مابه خوي ينفعك وقت الشدايد
لازم تكون انسان ساكت وغدار=وتصير للاصحاب عنصر محايد[/poem]