النجوميّه !

السلام عليكم ورحمة الله وبركااته

متواضعه من ارشيف الركن الى المواهب , تقبلووهاا كما هي

[poem= font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
ماني بـ / نجمٍ ولااسعى للنجوميّه=استغفر الله واليه مْن النفاق ابرى
ماني بـ / راعي علاقات اجتماعيّه=تُبنى على ( شدّ واقطع لك ).. / وبالاحرى:
مااواطن اهل الدسايس والانانيّه=اللي تحيك الغدر فالليله الغدرى
عفوي/ ومع خلق ربي صافي النيّه=واضح ومجراي واضح مااخلف المجرى
عندي مبادي ومن جملة مباديّه:=[ لن تَبْلُغ الَمجْدَ حتّى تلْعَق الصِّبْرا ]
ان كان ماارقى القمم والفضل ليديّه=ماوالله ارقى ولااسري مع هل المسرى
والساحه اللي تسمّى اليوم شعبيّه=الواسطه في بدنها / سمّ واستشرى
تولّو زْمامها شلّة حراميّه=كسرى وقيصر ..وشلّة قيصر وكسرى
وصحافةٍ دنّسوها بالشلَليّه=شلّة جهاهيل لاتكتب ولاتقرا
الشعر قلّ احترامه وانسلب زِيّه=من عقب ماهو حشيم القدر مايَعْرى
من يوم صار الشعر سلعه تجاريه=صارو شواعيره [مْع الخيل ياشقرا]
وجهة نظر ماتعمّ الكلّ موليّه=به ناس مما ذكرته سابقاً تبرى[/poem]