( حُب تغيير ) !!

المشاركة الأصلية كتبت بواسطة عيوف

السلام عليكم ورحمة الله وبركاته :

مع احترامي للحب ، اقبلوها بصدر ٍ رحب

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""] الحب عالم من حكاوي و آساطير=وعن تجربه سميته ( آكذب خُرافه )
وما عاد له في عالمـي آي تبرير=حتى بقايا ذكرياته حسافه
غيري يشوفه في حياته تباشير=وانا ماعاد اشوفه الا سخافه
لان اغلبه صاير بهالوقت تزوير=تضييع وقت ، ولعب يعني / طرافه
عالم غريب وحبهم ( حُب تغيير )=اليوم يعشق شخص بكره يعافه
الحب في مفهومهم / خير ياطير=وفي حبهم مافيه اساسا ً كلافه
يعني بواقعهم امانه وش يصير ..؟=صور ، مقاطع ، نت ، حذف واضافه ؟
الحب هذا مالقيت اله تفسير=نقول حب ؟ الا نسمّيه ( آفه )
الله يذكر حبنا الصادق بخير=اللي دليله ربكته وارتجافه
الحب مايفرض شروط و معايير=لانه آمان ٍ مايشوبه مخافه
يعيش في قلب ٍ على اخلاقه يغير=الصدق فرشه والكرامه لحافه
يفوق في وصفه جميع التعابير=هذا هو الحب الذي مانخافه
الحب شي ٍ غير في ذمتي غير=الحب تكمن روعته في عفافه[/poem]

وسلامتكم ،

الله الله الله الله الله
الله الله الله الله
الله الله الله
الله الله
الله

مفروض تعلّق على باب المواهب ،
كواحده من أفضل القصائد هنا على الإطلاق ..
صحّ لسانك