الشاعر سلطان الهاجري والمنشد عبدالعزيز الرفيدي في الكويت‎

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يسعد مساكم من الاعماق شعب وبلد=ويليه فحوى رسالتنا وعنوانها
الله يرحمك ياجابر ويرحم سعد=ويعز أمير البلد ويذل عدوانها
لعل عين(ن)ماهي تحبها للرمد=درة شعوب الخليج وقرة أعيانها
هذي كويت الثقافة والرخى والرغد=اللي رمينا عمايمنا على شانها
نهار صدام أخوهدلا بجيشة حشد=في ليلة(ن)خانت الجاره بجيرانها
واستيقظ الشيخ جابر وانتخى واستعد=نخوة بطل هزة العارض وضلعانها
قال الكويت الحبيبة روحت يافهد=ولاغيرك أحد(ن)يبشرني بعقلانها
قال احتزم بي وانا والله حزام السعد=لا قلت كلمه تشوف العين برهانها
واخذ الوعد من عصاميٍ صدوق الوعد=دعو(ن)يراهن عليها يكسب أرهانها
وخطب على شاشة التلفاز يوم الأحد=ووقد على الحرب شعلتها ودخانها
الارض جمر ولهب والجو برق ورعد=وأم المعارك يدك الجيش ميدانها
لا كبرت المشكله والشر قام وقعد=ما تغرق الباخره والفهد ربانها
ما حال دون الأسود ألا عرين الأسد=نهار صم الرمك تومي بفرسانها
وطى جبروت روس(ن) ما يوطيها أحد=ونزع عن الروس هيبتها وطغيانها
يصول صولة حصان وهبدته لا هبد=ترج دم القلوب ودم شريانها
عزالله ان السديريه ولدها ولد=يا الله عسا جنة الفردوس مسكانها[/poem]


صح الله لسان الهاجري ولا هنت