مرسى ( هاجوس فكري )

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
وين العلاج اللي يهدي ثورة اعصاب العنيد = إليا حصل لي شد للاعصاب ياعين المهاه
بيني و بينك ما قدر فل الحديد الا الحديد = قدرت تتسيطر على قلبي و منيت بدواه
هذا و انا من قبل اعرفك كل ما يكفخ يهيد = و اليوم اشوفه صار قلبي ناقل(ن) داه برداه
امانتك لا تسرف بقلبي وتبتر للوريد = ثم عاد ما تلقى وليف (ن) صد عنّك من حياه [/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ان سرح فكري بعيد اشوفك تغششني = و إن لقيت الحرف ضايع قل وراك اخفيته
انت تفهمني دليلي ساعة تناقشني = كيف اهبل بك وانا اللي لإسمها ما اطريته[/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
إن بخلت بجرعة البلسم لطب جروحي = لا تقول الجرح ليه ابطى وهو ماطابي
والله اني كل ما اشم العبير يفوحي = صرت شرِه بكثرته و اشفق على الاطيابي
لو تقول اني شرِه يالصاحب ومشفوحي = قلت هذا الصح لو هم يزعلون اصحابي
مير لا تبخل بسجعك ياحمام الدوحي = كل ماهبت هبوب النود هد اعصابي [/poem]

,
,,
,

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
حط النعش خلوني بوجهه اويق = ياللي تشد اطراف كمي بيمناك
بقول له كلمه وانا ناشف الريق = ياخوي كل الغرب والعُرب تفداك
اودعك و دموع عيني غواريق = يا صعب توديعك ويامر فرقاك
واعاهدك واعطيك مني مواثيق = لأخذ بثارك عند كبري من اعداك [/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لعبت دورك بكل الفن واتقنته = لو كان ماجبت لي طاري المحبيني
والشوق لك في حروف الشعر بينته = قلت الغلا لك علن يمك يقدّيني
ويوم إن ودي مع الاحباب قارنته = ودي لك اللي مرجّح للموازيني
و من بعد ما رجّح بميزانه اعلنته = و انته تصدد يسار ومر (ن) ءيميني
و ما ودي انك تصير الا مثل ما انته = لو كان في البعد تذبحني وتحييني
و أنا اشهد اني معك عهد الوفاء صنته = و خليت قدرك مثل قدر السلاطيني[/poem]

,
,,
,

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
محتاج لك وين انت , يوم الزمن دار = إن كان للذكرى مـع النـاس قيمـة
عليك ادوّر , و أعرف الفلـك دوار = إلا ليـا قلـت , العلاقـة قديـمـة[/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ودي آخذها ولكن ماقدرت = يوم قالت نجد قدمك شلّها
و الله اني مقبل إلها ما استدرت = لكن إن الشوك يحمى فلّها [/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ثلاثة ارباع وقتك لو خذيته حلال = بس انتي الوقت كله تأخذينه سدى
ما قد تذمرت من سرقك لو الوقت طال = ساعات مثل الدقايق لو يطول المدى
و ساعة غيابك تعادل في قياسي ليال =و ما عاد اميز خطأ دربي من اللي قدا
قل لي وش اللي تبي مافيه شي(ن) محال = لو تطلب الروح مني قلت سم وفدى
المستحيل إني ارضى منك قطع الوصال = و المستحيل إني اضحّك عليك العدا[/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا ذا الخيال اللي تخيّلت في الكأس = مع شربة الماء اللي يزود المناعة
لو ما ظروف الوقت تحكم على الناس = وصلت لك واعطيك مني و داعه
عهد الوفاء اللي له مع الناس مقياس = ما اغث لك خاطر بكل استطاعه
لكن ,, على بعد المواصيل هوجاس = فكري يوصّل لك وداعة براعه
ابيات شعري كل ماهب نسناس = معهن عبير الورد يوصل بساعة
ضمانة الاحساس مني للاحساس = إن إلك قدر (ن) ما يهان ارتفاعه[/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ما انساك ياليل السفر, ذكرى الوداع = حتى بنومي باقيه في الذاكره
و اجادلك حتى تقول الحق ضاع = فعل الليالي و الليالي ماكره[/poem]

[rplayer]http://www.xooxup.com/fmixffid35z5[/rplayer]
[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا صاحبي كل باب (ن) و إله مزلاجه = لا تقفل ابواب وصلي لك وميرادي
و انا عنادك صحيح احيان محتاجه = ما بين جِدّك و مزحك يعزف الشادي
و ميزة عنادك ليا عاندت في حاجه = تحصل على مرادك و تمنعني مرادي
و قدرت تسطي على فكري ومنهاجه = لو منهج الجد سردادي و مردادي
و ما ابيك تزعل وطرفك تعقد حجاجه = سلهام طرفك يصيب ويُفرِح فوادي
قل ليه بلسم جروحي تقفل ادراجه = و تنبش قديم الجروح وتجرح جدادي
و الشوق له نار رغم البعد وهاجه = مع ساري الليل دق الشوق الأوتادي
و إن قلت لي كيف شوق ولا به مواجه = قلت إن لك شوق في قربك والإبعادي
للشوق ذكرى وريشة رسمك سراجه = والروح تبقى السفيره و الصدر نادي
أُمرح بناديك يا نبعه و ثجاجه = و ساقي الزروع العطاشا و اعلن اعيادي [/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
بيني وبينك يالعواطف مسافات = الا لمن في القلب ثبّت رسومه
خل(ن) خليل(ن) حط بي عشر كيّات = كيّة غلا ماهيب كيّة خصومه
اعانده و اجادله كل الاوقات = تهديده القاسي يخالط نعومه
لحظة غيابه كنها عشر ساعات = و ما امل قربه طول ليله ويومه[/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
سلطن غلاك بخفوقي وانت ماتدري = قدرت تبني قصر في داخل ضلوعي
وسط الشرايين ودك يالغلا يجري = و تساقي القلب حتى بودك يفوعي [/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تعالي :_ من حروف القافية سويت لك سلسال = مثل عقد (ن) من الإلماس تزهى به ويزهى بك
تعالي :_ واخذي العقد المرصع و ابني الاطلال = عليها شاهد الذكرى , وشاعرها تغى بك
[/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لعله يعود عيدك يا نظر عيني = سبقتك بتهنئه مني , لك ( اجحدها )
اعايدك مني بكلمة وحرفيني = يا من لك الروح تسبق في معايدها [/poem]

قصيدة اسندتها للاخ الشاعر
ناصر بن عبيد السيحاني

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لوحة مفاتيح الجهاز إلهن اسرار = حلّت عن الأقلام في كل حالي
وكل الاصابع معهن يمين ويسار = تختار منها كل حرف(ن) مثالي
بنات فكري كلهن قحّص مهار = سمعن عزاوي مكرمين السبالي
صالن وجالن معركة ماش مضمار =فرّه وكرّه يلحقن التوالي
في صوغ قاف الشعر نستزل اشعار = عن هزلهن نختار صوغ الجزالي
واستدرجت من فكر همال الامطار = و يسيل وادي قاف ما قط سالي
و اسند قوافي الشعر جزلات وخيار = للشاعر اللي في القسى ما يبالي
يا ناصر ابن عبيد يوم الفلك دار = واستنزفت عمر , الليال الخوالي
مر(ن) بسجات الوطى ديار وقفار = قامة وشدّة والسفر باعتجالي
ما به ديار الا بها رسم تذكار = تطري ليا ذعذع هبوب الشمالي
ويا كم وصلنا من بعيدات الأمصار = لو في سماهن ما لمثلي ظلالي
نطرد ورى الدنيا ونستعلم ديار = و نسابق احداث الزمن والليالي
و تنبه الغافل و طال به مشوار = و لجلج صدى الونه بصدرٍ هلالي
و عاينت و ليا البحر ما معه معبار = ولديت وليا البر والدار خالي
و صديت ما ودي بصلفات الافكار = و اعذل على نفسي ولا نيب سالي
و الشيب من عصر الصبا يطلب الثار = يوم الصبا قفى و شد الرحالي
لو كل ذكرى فيه ما ناشها العار = كيف انطوى طوي الرشاء بالمحالي
و يا ما انطوت صفحاته بناس ٍ ابرار = فيهم صفاة(ن) قاربت للزوالي[/poem]

و قد شرفني بهذا الرد

[poem=font="Simplified Arabic,6,green,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
البارحة كني غريبٍ عن الدار=بين العرب جالس وحيدٍ لحالي
اسوج كن الراس جا فيه دوار=شفت القصيد وكل شيٍ طرالي
والجفن عارض زيلة النوم بإنكار=ماعاد يبغى النوم للسهر مالي
ودكت هواجيسي هميمات واكثار=لهن براسي من عصير اجتوالي
وبنات فكري جن غريبات الاطوار=سون الشخصية سواي انتحالي
قالن نجاري من بالاشعار بيطار=(ابو فلاح)وقلت ياهملالي
ساق الجوا ما قط جا مثل سنجار=رجمٍ قصير وذاك مزموم عالي
يامرحبا عرفان واجلال واكبار=للي بقافة بعد ما انحى نحالي
ترحيبةٍ تحمل شذا ريحة ازهار=روضٍ قفر نبته من الوسم مالي
شهر يساقيها من الديم مدرار=الماء من الحجّر تخرم وسالي
غنى ذبابه واختلف فيه نوار=وقت الاصيل اتقول معرض زوالي
كديميس انا مثلك من الوقت محتار=ماعاد للماضي بسوقه مجالي
وقتٍ تغير صار به للثعل كار=واد السباع يحوم به ما يبالي
واليوم اشوف ان الفلك فيه مندار=كل التواقيت اصبحت بالزوالي
وتبدلت عج وعواصيف وغبار=من عقب ما وبل الغمام امتوالي
فالبحر لاترمي بنفسك للاخطار=سج القدم مع مجرهد السهالي
وقيّس صحاصيح الجزيرة بالامتار=وربك يبدل كل حالٍ بحالي
ولا استحكمت والا عليك الزمن جار=عنز على من هو يسوق الخيالي
ويحيي موات الحزم من غب الامطار=مجيب من يدعيه جزل النوالي
وانا تراي اجهل بخافيت الاسرار=وما هس من قولي تتمه فعالي
وسلم على كل السياحين الاخيار=واختص من هو لك عزيزٍ موالي [/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يعيد العيد لك يا اغلا من انفاسي على صدري = ليا ضميتك لصدري يصير العيد عيديني
نظر عيني بعد قلبي غلاك مع النفس يجري = علي تغار و أنا , اقول غيرك ما ملا عيني
هلا بنتي هلا قلبي هلابك يابعد عمري = غلاك من الله اللي حط لك في الصدر قصريني[/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لا واهني اللي ليا منه بغى نومه يجيه = ماهوب مثل اللي عيونه ساهره عيت تنام
يسري بي الهاجوس يم اللي عيوني تحتريه = ولا ادري ليا اشقاني , هذا عنده حلال أو هو حرام[/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تثيرني غايب و حاضر و مشغول = و تثيرني بعتاب وعناد و بصمت
يا كم عطيت الفكر حجه و مدلول = و ياما بنصحك تعطي و لو لي ابهمت[/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
كل وقت اجي و اعسّ رياض مرتاع الجوازي = و اتشوّف للجليلة مثل من يقتّص جره
مالقيت لها مقيل و لا الأثر في ارض ٍ عَزازي = ذيّروها وطيّروها عن غدير أول , تمرّه
و لو بغيت أواصل المشوار يتعطّل جهازي = شفرة احداثية الموقع لها تسعين فرّه
دونها الليل وظلامه مع دروب (ن) ما تهازي = لو بغيت اسريه تاه الفكر مع نجم المجرّه
و معه سن الشيب حاديني ويفرض لإحترازي = التهور راح في عصر الصبا ما هناش كرّه
و يا ظلام الليل ليه تصير للظرف انتهازي = تخفي دروب الوصول لساري ٍ لله دره [/poem]

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
حسة (ن) في خاطري جات درس من الدروس = بيّض الله وجه الأيام هي و دروسها
الندم تصحيح غلطة بلا وجه(ن) عبوس = عاطفه والعاطفه ضافي (ن) ملبوسها
و هد يا قلب العنا ليه تشغلك الحسوس = عش جديدات الليالي وخل مروسها
لا تحيّر في خفاف و ثقيلات النفوس = ولا تفكّر في الأوادم و وزن نفوسها[/poem]

,
,,
,

http://www.shy22.com/dld4Yh88317.mp3.html
,
,,
,

[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لا تسـرج البيـد وكفوفـك تهـدم الغديـر=والصيف لاهب سمومـه لـك يسبـب ضمـى
البيد مـا هـي بمفروشـة بـزل و حريـر=وَعُورة الأرض لـك فـرش وغطـاك السمـا
ياموقد الشمع وانته فـي النهـار السفيـر=مـا باقـي الا القوايـل تهـتـدي بأنجـمـا
و خزاين الارض لو هبـت ريـاح العبيـر=مـا تعلـم الغيـب عمـا يحـوي المنجـمـا
لا يجرح اشراق شمسك حد سيـفٌ شطيـر=يكسـر سلـوك الشعـاع اللـي لهـا سلّمـا
خمسين عام التجـارب بيـن فـيّ وهجيـر=و أحمـد إلـهٌ جعـل منـي بشـر مسلـمـا
من باب نصح وتناصـح مـوردك للنميـر=عـل البصـر والبصيـرة طـوع لا مرغـمـا
اعقل , توكّل , و علّق بالأمـل كـل خيـر=لا تمتطي يأس , لـو عشـت العمـر معدمـا
اعرض عن اللغو , حد السيف , يجرح جفير=وخذ منهجك هـدي طـه وعـفّ مـا حرمـا
ومن قبل تقفي وحولك جمع نـاسٌ غفيـر=ما معـك ممـا جمعـت ولـو ربـع درهمـا
وتنزل بمنزال مابه فرش حتـى الحصيـر=وفي الأمس من كان غالي لك بحضن ارتمـى
يقفون عنك الحبايب مـن صغيـر وكبيـر=وبرهه من الوقـت تبقـى بـه اصـم ابكمـا
و لموحشات الليالي خذ زهـاب المصيـر=من قبل تُسأل , وفصح لسـان صـار ألجمـا
احذر مساراللضى وحذراك مـن زمهريـر=تغيـض تطلـب مزيـد سياجـهـا محكـمـا
وعمود دينك ليا حافظـت فجـر وعصيـر=ضمنـت بـاقـي فـروضـه والله المنعـمـا
واغنم غناتـك قبـل فقـرك ولا تستشيـر=إطعـام ممـا طعمـك الــرازق المطعـمـا
وقرشٌ كسبته تحاسب بـه وربـك خبيـر=طـيّـب ولا يقـبـل الا طـيّـب المكـرمـا
و اغنم شبابك قبل شيبك وحـث المسيـر=دامـك قـوي قبـل ضعفـك عجّـل ودرهمـا
قدّم بلا منّ والهـج مـع شهيـق وزفيـر=مطلب حثيـث ٌ بفصـح لسـان والا أعجمـا
الرحم لا تقطعه لـو كـان وقتـك قصيـر=لو هو قطعك اوصلـه فـي وصلـه المغنمـا
عُلق بعرش الإلـه ومنـه جانـا النذيـر=من لا وصـل رحـم يقطعـه الإلـه أو كمـا
وصلوا على من جعله الله نذيـر وبشيـر=اعداد من طـاف حـول البيـت مـن مُحرمـا [/poem]