قســم العـوايل !

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
النـوكيا والذبـذبه والـرسايل = أسرع مناديبً تـوصّل سلامي
للشاعر المطنوخ ذرب الفعايل = النادر الشهم الكريم العصامي
واحد ولكن عن شعوب وقبايل = لو باآتكـلم عنه ماأوفى كلامي
لكن عزاي إنه يعرف الصمايل = إليا أحتمى الميقاف والضرب حامي
قم يالمسرّي وأسرج أسبق الأصايل = ذودي سـرى به توّ عيني حرامي
ردّه بحـد السيف والاّ التحـايل = أهم شي آشوف ذودي أمامـي
وأن كان مارديـته الشك زايل = جعله فدى حجازي وفدوة تهامي
على العموم إحذر ترى الحمل مايل = والوضع كله شين والجرح دامي
أعزب ولاقـد رحت قسم العوايل = واليوم راحت ملح كل الأسـامي !
ترى الزمن هذا زمان الهوايل = اللاش يروى فيه والكفو ظامي
حتى الذهب معروض جنب الفنايل = وصـار القفص للببــغا والقطامي
قلنا خطا وبــْلا شهـود ودلايـل = قالو نظـام وسر وخلك نظـامي
ها يالمسـرّي قل لضلعـان حايل = هـذيك واشنطن وهـذي ميــامي
وإقدح يازنـــد وولعـــي يا فتايل = وإدحم يا جنبي وإنكـرب يا حزامي !
[/poem]