جريدة الرياض وابداع شاعر مرقابي

تصفحت جريدة الرياض قبل عدة أيام
عادة صفحة ( خزامى الصحارى ) اتابعها بدقه لمحبتي للشعر وللقصص فيها
وقعت عيني على صورة شاعر قد انزل قصيدة جميلة
قلت في نفسي هذا الشاعر شاهدت صورته من قبل
ولكن أين أين ياشمس ؟؟
نعم في المرقاب

الجريدة الرياض
العدد 15450
ليوم الثلاثاء الموافق 4/11/1431هـ

وهنا الرابط :

http://www.alriyadh.com/2010/10/12/article567326.html

.
.

والآن مع رائعة الشاعر ماجد هلال بعنوان :
يا صاحبي ما تعرف الحب ودروبه

من بعد ما قالوا إن البنت مخطوبه
وأنا عيوني لذيذ النوم حاربها

عرفت طعم الفراق وفقد محبوبه
وإن الحياة إتكدّر من سبايبها

كن الوناسات والأفراح منهوبه
من دنيتي والحزن والهم أحاط بها

الموت ان كان وإن البنت مغصوبه
الله يدمر حياته كان غاصبها

وإن كانها راضيه ماهيب مذنوبه
يا الله بما سوت إنك لا تحاسبها

الزين ما يحتمل لو زادت ذنوبه
يا الله ياربي إنك لا تعاقبها

بلقى لها العذر والأقدار مكتوبه
الله خلقها ولي ماهوب كاتبها

والسالفه كلها الصاحب ومطلوبه
يبغى قصيده وقلت أبشر لأرتبها

ويا صاحبي ما تعرف الحب ودروبه
كل المصايب لزوم إنه يجيك بها

لكن يا صاحبي لا تعلن التوبه
تلقى حبايب وهي تلقى حبايبها

ماجد بن هلال الشيباني