نصوص مرقابية راقت لي

المشاركة الأصلية كتبت بواسطة نايف بن صنهات

السلام عليكم ورحمة الله وبركاته

نص متواضع أتمنّى أن يشفع لي عن غيابي

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
على الله ياأهل سود النوايا وضحك اللوم=عسى الله لايفرح شموتي وعذالي
تقولون هات علوم وأقول ماش علوم =لو إن العلوم اللي تدوّر على بالي
هذا اللي جعلني كل ماأجلس شوي أقوم=ماوالله يجيني لوم لو أجلس لحالي
لو أقضي حياتي كلها فاالعمل والنوم=عليّ أشرف من مقابل وجيه الأنذالي
يحسبون مرجلة الرياجيل حب خشوم=وعلمني بفالك وأعلمك وش فالي
تقول إن خالقهم خلقهم بدون هموم=يزيدون راع الهم هم(ن) وغربالي
على الركض باالإخبارمابين ليل ويوم=حريصين كنّ لسعيهم مبلغٍ مالي
تخصص (خراب السمعه) لهم عليه وسوم=من أسبابهم كم شخص عن ديرته جالي
لكن دام صدري قبرٍ لسرّي المرحوم=من اللي يجيب العلم عن ميتٍ بالي
ليا صار عذروبي ظهر في عيون رخوم= فلاباس ياعمي ولاباس ياخالي
لو تطيح روس القوم فدوة حلال القوم=عذاريب الأول فاالقفا حيلة التالي
سلمنا ولاباقي على إسم السلوم سلوم=عسى الله لايبلاني ولايكشف أحوالي
وأنا أعرف متى أبفطر وانا أعرف متى أبصوم=لوجه الكريم اللي على بابه آمالي
راع الهرج ماعمره حفظ للرجال علوم=ولاعمر الرخيص أصلاً حفظ قيمة الغالي
أبموت ماسلّمت له سرّي المكتوم=ولاقلت هذا مرّ ..والا هذا حالي[/poem]

صح لسانك ولا هنت