لـ الشعر نقـّاده ولـ الجزل مرقاب .. يجْمّع مِنَ الإبداع صوره وتركيب

المشاركة الأصلية كتبت بواسطة ضيف الله العالي

{السـلام عليكم ورحمة الله وبركاتـه }
صبـاح / مساء .. الخير
إن شاء الله تكونون بـ أتمّ الصحّه والعافيه
أقدّم لنواظركم هذه المتواضعـه عسى أنْ تحوز على رضـى الجميـع

للخيل خيّآله ولـ النـار شبـّآب
والضيف مايقلط بليّا معازيب
ولـ الفاس حطابٍ ولـ الوقت حسـّاب
وانا مقضّي خبرتي بـ التجاريب
للشعر نقّـاده ولـ الجزل مــرقاب
يجمع من الابداع صوره وتركيب
اجيه واروح وانا كلي اعجاب
وقصايده دايم لذوقي مناديــب
اجيه خطواتي تسابق ليا الباب
وابطي بخطواتي ليا كنت باغيب
يصقل مواهب كل شاعر وكتّاب
شعره وشعّاره خيار المكاسيب
لأهل الجزل يهدي عطورات واطياب
ولاهل الوفا دايم مكمّل مواجيب
ولأهل الهزل ماسك بيمناه مشعاب
ويسراه مشذاب ٍ يقص العراقيب
والكل ياتي له وهو حاسب حساب
ياكم شاعر منه عدّآ المراقيب
يالله يامعبود يارب الأرباب
انك تعاونّي على مـدّة الطيب
تم الكلام وخاطري توّ ماطاب
من قاف سويته بصوره و ترتيب

وسلامـة نواظرَكم

صح كلك ياضيف الله


عديت بها الفاتنه على قلوبنا

الله لايظرك جزاله وابداع لايقاس

اتمنى لك التوفيق

تقبل

احترامي