==( ونــــقلب ــــــــة)==

استغفر الله من كثـر الزلـل يالطيـف
.............................يارب عفوك على اللي كل عمـره زلـل
غرته الايام والصحـه وعقلـه خفيـف
.............................يسوقه ابليس واحلام الصباء والشلـل
لين ابحرت به ذنوبه بين لجه وزيـف
...........................وبعد امعن الفكر شاف الخطب قدمه جلل
اقفى زمان الربيع ولا بقى الا الخريـف
...............................وش باقي الا الهرم والا حيـاة الملـل
وين انت يالعمر الاول والزمان الطريف
................................العافيه والتغطـرس والحيـل والفلـل
مهما بلغ مستوى الانسان يرجع ضعيف
................................لوكابد العسر والشـده يـذوق الذلـل
مايدرك الخطب غير ابو الظمير النظيف
...............................اللي يرد المطايـا عـن دروب الخلـل
يارب انا ضيفك القادم ونعم المضيـف
...............................رحمتك تكسي ضيوفك فالشدايـد حلـل
يارب اجرني لياعاف الوليـف الوليـف
..............................وانهارت اعصاب عبدك واستبد الكلـل
لياتمعنت فاليـوم العصيـب المخيـف
..............................ماعاد تسوى حياتي في عيونـي هلـل