شرهه وعتب ياشفق

المشاركة الأصلية كتبت بواسطة سنجار

8

لا بلاه الشرهه عليك انت

اثرك تعاين نهارك كله في العرب وهم يحرفون في شفق وساكت ............ حتى لو منت داري انه شفق . كان لازم يكون لك موقف ......... مجموعه على واحد لابد اقل شي تصير فراع . وتحمي هالوحيد .....

لكن الظاهر العرب بعضهم بدأ يتبرأ من بعض , يوم شافوا جحافل الجيوش والقاده تتقدم على اسوار مناطقهم .

شوف ياناصر الشيباني انا تراني ادورها معك بشمعه .....

اما انك رجال تقول لاو الله انا معكم والي ياساني ياساكم في الهينه والقويه .

ولا تطلع بوجه جلي وتعلمنا ان مالك في معتقل شفق لا كثير ولا قليل . ثم هاك الحزه اليا بان لك شي من شفق ولا منا ,,,,,, حنا وياك على حاض مورود على بيبان عتابه .



اما الرجال اله حول اسبوعين معتقل وجاي هالحين تقول وين رشاشك ..... انت تدري ان الرشاش الي معطيه شفق مافيه شي تمام ورصاصك ماهو مكاذيب ..... لكن ماش مخزن ذكرتني بلي يقول
الخاتم الي في يدي ويش ابيبه
................. مغار اعاين فيه والمصلحه ماش


سلاح بلا مخزن ......... من بدأ المكارم فليتمها .

امحق رشاش

امحق

امحق

ههههههههههااي

انا في صفكم بس اللي حصل مايرضيني

اجل يطرحون شفق في ( بقالة السعاده ) والله غبينه يارياجيل .. بعدين

مافيه رشاش بلا مخزن

على وزن

مافيه نار ٍ بلا دخان

لا بالله معطيه الرشاش والحزام مليان من الذخيره .. وعقبها تلموووني

بعدين تقول ليه مالحقتهم انا وش عرفني انه شفق احسبنه من الشباب الطايش
اللي يفحطون لاطلعو من المدارس / وانت خابر شكل شفق فالسياره كنه من عيال
الثانويه هههههههههااي <<< جاب العيد في شفق

والا انت خابر لو اني داري انه شفق ماطرحووه ولا مسكووه / ابك انا من اللي
يفكوون القوم من القووم

مثل ماقال مرزوق المقاطي

وابوك حنا حاربة كل حرّاب
لنا على العليا مكان ومراقي

ناطا على الحيه وناطا على الداب
بالهوش والا بالشعر والسباقي


بعدين يوم تقول تبي تبيعها معي بشمعه / هو انا مزعلك بشي

تراك ذكرتني بيت لـ رحيّم الغنامي في قصيده له قديمه يقول

بعتي هواي ومحبتنا برخص التراب
والله ولا سعر علبة شاهي البنتليز


بعدين يو انه اعترف هو نسى مشعان البراق يوم اعتقلوه هاك الايام ولا اعترف
رغم انه كان مخطئ / الرجال مايعترف قدام الرياجيل لو يقطعون رقبته ..

تبا عااد الكلام

( ااااااااااح يافح الضلوع وياشقاها )