قال: سعد( رجع لنا خريج بومبي وبنكوك) ورد: ضيدان( إسمك سعد وأنت السعد منك غايب )

الله الله


حي ذا العين من قصيد سعد و ضيدان الله يرحم ميتهم ويفك عوق الحي


ضيدان سيّر على سعد ولا قهواه بعد قصيدة خذ لك بياله وانقلع مني هناك


المهم ضيدان يقول :


جاك المسيّر مالقى منك ترحيب
------------- ما فيه لا قهوه ولا من قدوعي
انشهد انك ما تعرف المواجيب
-------------- وانشهد ان طبعك مخالف طبوعي
حنا لا جانا ضيف ننفض له الجيب
-------------- ونكرّمه من كل شكل ٍ ونوعي
(.......... ؟؟ .......... يب
------------------ هذا وانا اردى واحد ٍ في ربوعي ..




قال سعد الله يرحمه


اقدع عسى يقدع على راسك الذيب
في خايع ٍ مابه من الناس دوعي


متعطل ٍ موترك شرقي تناجيب
من ليلة الجمعه ليوم الربوعي

ومروك ربع ٍ غايب ٍ منهم الطيب
وخلوك وحدك في مكان ٍ يروعي

ويجيك ذيب ٍ ما سنونه بتركيب
ذيبٍ ولد ذيبٍ وطبعه بتوعي

وسوى بك سواة ٍ على غير ترتيب
يجزع لها قلب الشجاع القطوعي


مرحوم يا عودٍ غزا راسه الشيب
ومصريّته عقبه تهل الدموعي ...




...