الفصول

المشاركة الأصلية كتبت بواسطة عوض ابو فقايا

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
بسم الله الرحمن الرحيم
اسعد الله اوقات الجميع
هذي القصيده اللي فازت في مسابقة جريدة الانباء عام 2000م واعتذر من اللي طلبها على التاخير.

بالنسبه للفخر حق مشروع للجميع والناس كلن فيه حقه.

يقول

تعاقبت كل الفصول وكل فصل له رياح=والريح لاهبت على الشجره تهز غصونها
طال الصبر والليل طول والعنا والسد باح=والعين من طول السهر كن القلق في نونها
خذت القلم والطرس والفنجال الاشقر يوم فاح=وامسيت افكر من ورى ذيك النجوم ودونها
لا طرف طاب له الكرى ولا خفوق استراح=تقول كن البهذله ليلى وانا مجنونها
صقه الاذان المصغيه لو هو نفع معها صياح=كان القلوب السود يمديها تغير لونها
مالي ومال ام الكباير والحرام المستباح=رسالةٍ ماودي اكشف للبشر مضمونها
رجل بلا ربع مثل طير بلا ريش وجناح=مايندرى بكره عن الدنيا وعن مكنونها
وانا احمد الله لابتي يوم الخناجر والرماح=لهم الكرم عنوان وعيون العدو يعمونها
وان طوحت بالصوت تنخا جدنا سيد الملاح=حياتنا لام الجديل وموتنا لعيونها
نموت يذبحنا العطش والبير قرهود قراح=تردنا الشيمه ولا اللي مثلنا يردونها
الله يجمل صبرنا ونطيب وتطيب الجراح=ويعينها نفس تحلا بالصبر ويصونها
اموت ماذليت نفسي والعمر لو طال راح=اشري لنفسي عزها لو العمر عربونها
ان قلتها تزهاني اكتبها ويزهاها الوشاح=قصيدتي وانا محيسنها وابن لعبونها
شرحت فيها بعض الاشيا يوم شفت البرق لاح=كتبتها بالخط الاحمر خلهم يقرونها
وان عودت للجد قم ياحظ هبي يارياح=الله ولا المنه ولا اشجار تطيح غصونها
وسلامة الجميع[/poem]

والله انها تستاهل الفوز جزلة من شاعر جزل بعيدا عن المجاملة


صح لسانك مدد بلاعدد وسلمت للشعر وللمرقاب


لك مني كل المتابعة والتقدير وابقاك الله


اخوك