(((سرمديات الدروب)))

المشاركة الأصلية كتبت بواسطة ناصر المرشدي

السلام عليكم ورحمة الله وبركاته

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]خيلت تبرق وترعد وتدفعها الهبوب=قبل لانسمع رعدها تلوح بروقـها

مدلهمه برقها في مقادمها شبوب=يالله انك يم هاك الديار تسوقها

بامر رزاق المخاليق غفار الذنوب=لاتساوت فوقها تنثر الماء فـــــــــــوقـها

ديرتن في صوب عني وانا عنهابصوب=والمشاعر صادقه مستحيل تبـوقـها

والله اني يوم تطري عليه دوب دوب=اتحايل في ظميرن يتله شوقها

الهوا سقم الهواوي وسلال القلوب=والهواويه طوال الدروب تعـوقها

وكل ماذكر دونها سرمديات الدروب=قلت كيف اقوى عليها وكيف اطـوقها

بس اناحاسي لها اللي يجوب الارض جوب=لامشى من سرعته كن الارض يحـوقها

لعترض لك كنه الذيب مبري الجنوب=صنعت الي نصنا ماعرف منطـوقها

بالطبايع والقيم والعوايد والسلوب=عالــــــــمٍ مايتــــفق ذوقـنا مع ذوقها

عالمٍ تلبست غير ثوب الحق ثوب=جعلها في شعلة النار لين تذوقها

المهم اني من الوجد يانجد مغصوب=ابدع بيوت القصيده على طـاروقها

ترتفع شمس الضحى واتحرى لغروب=وكل ماغابت عيوني تخيل شروقها

يابعد من فالشمال وبعد من فالجنوب=الكرى حارب عيوني وفارق مـوقها

شاربٍ غلاك يانور عيني كوب كوب=لين رويت منه كبدي وبل عـروقها

مال غيرك في سفينة معاليقي ركوب=لبستك وسامها من غلاك وطـوقها

نوب اخيلك قدم عيني بعيني بس نوب=الوسيعه لاختفت صورتك ياظـوقها

ادري ان الهجر منبوذ والوصل محبوب=والوفاء شجره علينا تميل عذوقها

لو ذكرى من تمنيت عن شوفه تنوب=كان ماتعبت الاقدام يوم اسوقها

الهواوي عن مهاويه مايقدر يتوب=لو عبرات الولايف تغص حلـوقها

الهوى غلاب ومولع القلب مغلوب=لو ربعه فاللقا ماتضيع حقـوقها

والقدم تنساق والوقت يجري ومحسوب=يالله انك يم هاك الديار تسوقها[/POEM]

تحياتي

ناصر المرشدي

والله انها من اروع

القصائد .. وسلامتك

بيض الله وجهك