قصيدة بالحروف المهملة غير المنقطه

[QUOTE=محمد ابو نيان
[size=5] مشكور على هذه الرائعه
وصح لسان قايلها
حقيقه يصعب على السواد الاعظم من الشعراء الاتيان بمثلها .
ورغم انني لا استطيع ان اجيب بيت مهمل الا انني استميحكم عذرا
لحذف حرفين من القصيده واستبدالهما (( من عهد )) تستبدل (( على دور))[/size]

[poem=font="Simplified Arabic,7,tomato,bold,normal" bkcolor="transparent" bkimage="backgrounds/26.gif" border="double,4,gray" type=2 line=0 align=center use=ex num="0,black"]
على صدا ماوصل للرد سار المداد=وسطر على اسطار مرسال صداه الردود
رسم على الطرس حاو للعلوم الوكاد=احساس راع الهوى والسر لاع السدود
سلام سلام لك مرّه ومره معاد=عداد ماهل وامطر ماطر له رعود
واسمع كلام الصراحه والعلوم السداد=مالك ومال الصراع وكل هم كمود
مادام سالم ولا للود حولك مراد=ماحدك الله على دعواه واسلم و عود
راع الموده ولو روحه طواها الوداد=عوّد لحلم الهوى لو كان حلمه صدود
حلم الهوى دوم سلمه للموده لهاد=همٍّ لهد مولع لاعه مودٍ لهود
ماللمولع سعاده لو طمح للسعاد=مهما حلم للامل حلمه محال الورود
حلمه على كل مدلا لو علا معه عاد=ماطال عالٍ ولا له لو طمح له صعود
حلمه كما حلم رامٍ حط حوله رصاد=كود المها لا وصل لحماه صاده رصود
مار المها مارماها رام ودٍ وصاد=دام المها لا رمى للسهم صاد الاسود
علمٍ وكاد وحصل على دورهودٍ وعاد=مصادره رسمها مع عصر عادٍ وهود
عهدٍ طواه الدهر مع أرم ام العماد=سار الاوادم مساره كل صمدا صمود
اعوام وادهور للعالم مسالك طراد=للوصل سرداد مردادٍ لوهمٍ طرود
ماحد حصل له وصال ودام وصله وساد=ولا حد محى هم ود راس ماله وعود
راع الهوى لو سعى مسعاه ماله حماد=طرّاد لمعٍ كسى الصحرا مراده ورود
حاله كما حال راع السلعه ام الكساد=ما حدها الا على مر الكساد محدود
حصاد محصول كدّاد سعى للحصاد=طوى حلومه عطال المروحه والعمود
طوى حلومه وهو طامع لوصل السداد=لو سدده سلمه وصله وعاد محمود
راع الهوى لو طلع مسرور ساعه معاد=كامل سروره هموم طول عمره مدود
لو طال عمره طواه وراح سهر وكماد=لو هو صمد للصمود المر لاطول حدود
سم المولع سهومه كل روسه حداد=مرمى السهم لا لحم للصدر مرمى سكود
مسار سمه مسار الدم صدر او وراد=للاورده مسلكه مسلك عدوٍ لدود
هدّام دار السعد لداد راع الهداد=لو كل ساعه وطاره للمصاد مهدود
واسلم ودم والعلوم الوارده لك حماد=ما احطها لك على مسلك حمد او حمود
والوعد عهدٍ و وعد الحر ماله سداد=الا وهو مدرك اوعاد الحرار العهود
واكمل سلام المسلّم لك سلامه عداد=ماهل همال رعاد ملا للسدود[/poem]