الى محمد آل عبدان ,,,

حسبنـا اللهُ تعالـى وهـو نعـم الحسيـب
كل مـا احتـاج البنـآدم لنصرتـه زهمـه
الكريـم الواحـد الهـادي الحـي الرقيـب
كافل ارزاق المخاليـق مـن عبـد و أمـه
والف صلى الله وسلم علـى طـه الحبيـب
بعثته للنـاس مـن فضـل ربـي وكرمـه
لا تضايق صدر الانسان بالكـون الرحيـب
يمكن يحـل المشاكـل بكلمـه مـن فمـه
والصديق بساعة الضيق دام الطيـب طيـب
ما يصد مـن الاصاحيـب ياكـون رخمـه
مرحبا بالصاحب الغالـي الشهـم العريـب
من رجـالٍ فالمواجيـب منهجهـم سمـه
فالوفا والطيـب كلـه وفالـراي الصويـب
وفالنهار اللي من اجلـه تمـس الاحزمـه
يا محمد .. والربابه لهـا قـوس وسبيـب
دونهن ما عـاد نسمـع للالحـان نغمـه
بس انا في رايي ان الغـلا ماهـوب عيـب
والغلا في القلب ماهوب وسـط الجمجمـه
والدوا ماهوب ينفع مـع القلـب العطيـب
والشهيق اذا تسيطر علـى الصـدر كتمـه
وكان حدتك المتاهات سيـب اللـي تسيـب
ومن جهل له علم مفهوم عمره ما افهمه !!
يا محمـد مـا يجـوز المعايـر والسبيـب
وراعـي القصـه كتبهـا بحبـره وقلمـه
تكثر الامثال والذيـب فـي بطـن القليـب
ومـن تهايـق وده يـرد الاخبـار لهمـه
غالباً مـا كـل مـن يجتهـد لازم يصيـب
يمكـن تعـود الكـوراث عليـه مدمدمـه
وانت دام انك تولّجـت ذا الذيـب المهيـب
من كلامك كنّـك تحـاول تحلـل دمـه ؟؟
لا تغـارب دورة الوقـت مافيهـا غريـب
الغرابـه غيـر غربـه وكـل ٍ وسهـمـه
تالي الايام صـف العسـل يطلـع حليـب!!
شي عادي دامك تعيـش عصـر العولمـه
نعلم المعلوم يا اخـوك والا الغيـب غيـب
وما يجيب العيد في الجمد غيـر العكرمـه
زبدة الموضوع من دون شـك ودون ريـب
من تعرض سكـة الريـن لا جـاه دعمـه


ابداع من الطراز الرفيع والنادر يامبارك

صح لسانك ووفقك الله

تقبل مروري وتحياتي واعجابي المستمرر