!! .. الأسامي والألقاب .. !!

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
مع احترامي للأسامي والألقاب=ومعزّةٍ في خافقي للعزيزين

ماودي أخسر قطب من بين الاقطاب=ذولاك غالين وهذولاك غالين

وعشان نبقى اخوان وأحباب وأصحاب=وقفت بين مْعارضين ومُوالين

يمكنّي أخفي داخلي عدّة أسباب=وأحتاط مافي الصّدر لاتفضحه عين !

عشنا سنين العمر مانمتلك .. باب=من يد ذاك ل يد هذا من سنين

ماعندنا في الموقف الصعب مخلاب=يِقِص لجل حقوقنا لسان وايدين

كنّا نكشّر بس من غير أنياب=رغم اجتهادات الرجال الميامين !

ياللي بنيت مروبعك مسّ الأطناب=الريح واصلْتك من يسار ويمين

مواقفك عمدان وأخلاقك حجاب=وصدرك وسيع ويوسع المستغيثين

كفٍ ماهيب تكفّ عكفان الأشناب=تشكر .. وعنها كلّبونا غنيّين

لو تِمْدح وتكسب من الرابح اعجاب=مسّاحة الجوخ بْرضوخ .. امْعروفين

الصدق يفضح كل غاوي وكذّاب=مكروه في الدنيا وملعون في الدين

واللي كلامه صمت وحضوره غياب=وراه ماصلّوا جموع المصلّين

الدرب توّه ياعريبين الأنساب=والقاسيه بالعزم والحزم بتلين

من يحتمل كلمة ثنا وكلمة عتاب=نوره بيطوي ظلمة الليل ويبين
[/poem]