والـوقت بـحر من المـشاكل ماعرفنا قاعـته ,,,

السلام عليكم ورحمة الله وبركاته



نص بسيط وارجو ان ينال إستحسان الجميع


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياالله ياخالق جميع الخلق في كل البقاع=والناس تسعا جاهده تطلب رضاه بطاعته
يااللي بذكره تطمئن النفس ويصير المتاع=مشفي جروح اللي صواديف الشقاوه لاعته
تجلى الهموم اللي كما المركب ليا فل الشراع=والوقت بحر من المشاكل ماعرفنا قاعته
امشي واساير وقتي الماخوذ قدر المستطاع=ولاني على كثر الظروف اللي تجيني ناعته
وياهاجسي مهما حصل بالوقت فامر الله مطاع=يزين حال الادمي مهما المشاكل صاعته
مابعد عسر الحال غير اليسر لو طال النزاع=لابد تصدف مع مرور الوقت موعد ساعته
يجي فرجها من ولي العرش مالك كل باع=مادام من يشري رضا دنيا الشقاوه باعته
والرجل لو يشفق على كسب الجزايل بااندفاع=كل العرب وسط المجالس بالجزايل ذاعته
لا جاته الجزله يفز وينتهض نهضة شجاع=يشبع بها واليا تأخر عن لقاها جاعته
يصبح سعيد" دام ذكره بالنعم دايم يذاع=ويكبر فخر قدام الاجناب ونظر جماعته
لان الذي يبذر بذور الخير من دون اصطناع=يجني بها حب الخلايق من سبب زراعته
ولابد يكعم من وساويس المريد بكل قاع=لان الحرايق ماتجينا غير من ولاعته[/poem]




وسلامتكم