نوم العوافي !

السلام عليكم ورحمة الله وبركاته


بعد الغياب الغير مبرر


استميح منكم العذر


واقدم لكم هذه الابيات علَها ان تشفع لي عن الغياب


وترضي ذائقتكم الكريمه



يقول


[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
إرقد وخل الضيق لي و الكئابه=نوم العوافي يا منى القلب و الروح

قلوبنا فيها الغرام يتشابه=مير الليالي خلّت الوصل مكبوح

ياليت أعرف آجر قوس الربابه=وياليت صوتي عذب واناجي الدوح

لزعج بصوتي لين اشوف السحابه=تهل ماطرها من الدمع و النوح

لو كنت ماني منفرد بالكتابه=انا احمدالله من هل القاف ممدوح

والشاعر اللي واثق ٍ من زهابه=يدخل وباب الشعر للناس مفتوح

احد ٍ قنيبه مثل صوت الذيابه=واحد ٍ يجر الصوت و الصوت مبحوح

واحد ٍ يكبّر بالقصيد الذبابه=سخّر شعور الذات من شان مصلوح

واحد ٍ يقول الحقّ لو في جنابه=يعدّ ما واجه من الناس بوظوح

واحد ٍ من احساسه يحمّل ركابه=يحشم مقام الشعر لو كان مجروح

كل ٍ على قدّه يفصّل ثيابه=وتبيّن أخلاقه على منبر البوح

اطرح سؤالك لا بغيت الإجابه=وجاوب سؤال الناس لا جاك مطروح

يا صاحبي والوقت يضرس بنابه=ياما و ياما هدّم قصور وصروح

اللي يبي يصمل تعب من عذابه=تلقاه في غب البهاذيل مطروح

حسبي على اللي ما حسبنا حسابه=اللي على تفريق الاحباب مشفوح

خذاك منّي و الوصل صك بابه=وانا على شوفك من العام مذبوح

البعد صحرا و الموصيل غابه=وذكراك ورد ٍ دايم عطوره تفوح

إرحم شباب ٍ ما هنا في شبابه=قام يتأسف لك لو العذر مشروح

لو كان قلبي ما شكى من صوابه=بعيون خلق الله ترا الحال مفضوح

إن كان خوفك بالعتاب إنتجابه=إعرف ترا كل الخطا منك مدموح

حالف لو إن الوقت غبّر ترابه=مابيع حبّك في هوى أي مملوح

ان جيت صدري يمتلي بالرحابه=وان رحت عنّي يا غلآ الروح مسموح

خابر ظروفك مثل حدّ الحرابه=والله يعلم عاذرك لو تبا تروح[/poem]


وسلامتكم