أنطباعات .. مفاجأت .. صدمات (ملتقى المرقااب الثاني) ..!!

اقول يبو محارب

الاوادم غلقوا علومهم وانت صبراً قليلاً صبراً قليلاً

الهمام الهمام ياذيبان

السلااااام عليكم


ياللله حيهم <----- ها اخلص ويش عندك


ابد ابد


اما الصدمات والمفأجات فواجد


اولها عندنا تونا محركين من قطر ويم طلعنا من قطر وداخلين الاحساء الا تلطمني ذيك السخونه والله لا يوريكم اول ما وصلنا الرياض على اول صيدليه واتهاوش انا وراعي الصيدليه في الشارع .
عينته مسكر الباب ويبي يبيعني وانا في الشارع يقول هذا امر من وزارة الداخليه ...
المهم اني تفهمت الموضوع وعطاني الرجال العلاج ومشينا


المهم وصلنا الطايف ويوم وصلنا وعينا الشباب جعلهم يسلمون عزالله عينا هل الطيب واهم هله
المهم انا تعشينا وعقب العشاء قالوا قصايد ((( وليني مانيب في حال القصايد راكبتني الحمى ولا نيب في حالها وحنا ماحن بشوي ويدور الدور الاول واتعذر ويعذروني ويجي الدور الثاني <--- يعنك ان في راسهم شعر

حنا يمكن عشرين رجال ويمشي الدور مرتين المهم جاء الدور الثاني ويغزني غالب الا الا الا

((الاوله والاخيره )) ويرفعلي ويهايطبي ويحسسني ان القصيده مشهور والله واقولها ويوم خذيت لي بيتين وانسى باقيه واختمها وقلت وسلامتكم الا يوم تلافتوا علي قالوا ذا من صدقه بغوا يصفقون غالب بالبيالات <--- مذينا .. الاوله والاخير ..الاوله والاخيره واخر شي طلعت اربع بيوت


المهم انا الله منع غالب ذاك الليل من البيالات

المهم سرينا ويوم سرينا ..
قلنا لغالب انا وابو عبدالله ( مبارك ال خليفه ) انت ادل في الطايف
غالب : التفت علينا وقال ياعيب الشوم ... افا عليكم بس افا وين تبون
قلنا نبي الفندق الانتر
غالب : حرك حرك بس الفندق بس ... انا احسبنكم تبون اتقنصون امش امش
والله ونمشي ويوم قمنا نرتفع ونطلع جبال وطولنا وحن ماشي
واللي وصفنا وحنا في قطر عن الفندق قال ماهوب بعيد
ووقفنا في نقطة تفتيش وانا اشك في غالب قامت اعيونه اتلاقط دريت انه ظيعنا
والله واسئل العسكري عن الفندق لا يوم بغى يرمين قال انت صاحي والا خبل
قلت ليه ويش فيه قال ياخوي انت ماعاد باقي الا كيلو على الحرم المكي


الا يوم قام غالب يسولف مع مبارك ومسوي فيها ان مبارك الهاه من الطريقه المهم اندور لنا على فندق عندك ونمسي



*واصبحنا وكلمنا ناصر الهاجري وقال باجيكم والكلام هذا في العصر المهم ما عاد شفناه الا في لحفل




*رحنا لشفى ويشوف ابو عبدالله الجو الزين اللي ماهوب في الريان وتقوم الملعبه وطاروقٍ حامي مع غالب وياهوووووووو من طارق بس ياخساره ما سجلته






*غالب كل ما بغى يدلنا عيّنا




*رحنا لفندق اليوم الثاني اللي حنا اندوره البارحه ويوم وصلناه وحجزنا وانتهاوش على الحساب ويرتفع الصوت وتطيح الغتر وتجمعوا اللي في الوبي يحسبونا تهاوشنا ويوم عينوا السالفه سهلات بغوا يخذفون شناطنا في نافورة اللي قدام الفندق المهم ان حن طلبناهم يسكنونا ووافقوا <--- لزوم المهايط




*اليوم الثاني للملتقى


ايوه هذا يوم المفاجات

ونعين لنا وجيه جديده من ضمن الوجيه


عبدالرحمن حمد ... عبدالله بن قنيص .... عبداللطيف الغامدي ..... ماهر النمر..... علي سالم ... فيصل السواط... محمد المريبد ...عوض ناشي ....والله وناس واجد بس ناسيهم جعله ينساهم االموت من غير اللي واجهناهم البارحه من اهل الطايف والاداره الموقره...



*وعينا واحد سرى علينا بالضحك .... المدعو (( عبدالرحمن حمد العتيبي )) .. اما ياطويل العمر لا تلخبط الاوراق .



*مشعان : كما عهدته ذيبان خشمٍ سافي .




* عبدالطيف الغامدي : ذاك اللي احسبنه ما يتكلم لين سرينا جيت حوله وقلت تمسون على خير قال وانتوا من اهل الخير ودريت انه يتكلم .... من كثرهدوءه .




*علي سالم : شاعر من الطراز الاول وشاعر تستمتع بقصائده . وخوّفنا من عصاه اللي معه



*عبدالله بن قنيص: عرفوبه وانا قد تعديته بغيت ارجع اسلم عليه مره ثاني مهوب من زينه غير كذا حبٍ من الله .




*فيصل السواط :يشبه الصوره ومسك له زاويه وكم ينتقد مدري على وجيهنا والا قصايدنا .




*حمد الوذيناني : فاكهة المجلس بس لو يصدبه الله من خويه راعي المدينه والا تمام




*خالد الذيابي : كان شمعت الملتقى ... كلمة حق لابد ان تنقال من غير قصور في الباقين



*مسعود المقاطي
محمد بن مصوي
طائل الذويبي
مبطي العالي
عبدالله القثامي
خالد الذيابي
موسم سفر القثامي
سمران القثامي
حمد الوذيناني
سنجار
عوض ناشي
محمد القثامي
شبيب البقمي



بيض الله وجيهم ولا يستغرب منكم لانكم اهلٍ لذالك





*اليوم الثالث :



يوم الملتقى


جينا للحفل والا الجماهير والناس وحضور طاغي ويوم شافوهم مبارك وغالب الا يوم قاموا يتلطمون يحسبونهم بيحرجونهم وبتجمعون عليهم الناس ومسوين فيها مشاهير المهم ما حد عبرنا الا اعضاء المرقاب يوم عيناهم المهم مبارك وغالب لعنوا الشيطان وفكوا اللطم... ودخلنا وايضاً الى بوجيه جديده ايضاً اول ما به عينا ابراهيم الشيخي ومناحي وبعيد المراميس و راجح المقاطي ومرزوق بن جريس ورحيم الغنامي عبدالرزاق الذيابي ووناس واجد وانا داري اني بنسى لي ناس واجد غير يسامحوني من كثر الله يزيدهم ....




*وشوي


ويوم دخل علينا اهل قطر (( حمد الزكيبا و زايد بن كروز )) ويوم شفناهم انا ومبارك تشققنا علشانهم من هل قطر ....< ---- يامال فرقاء العين




* وبداء برنامج الحفل بتقديم الاستاذ : فهد الثبيتي



وبداءة بقصائد ترحيبيه من شعراء الطائف والله لا يهينهم عزالله وفوا وكفوا



وتتالت القصايد



وخذينا شوي الا يوم قال نرحب بالشاعر محمد بن شباب واحسبنه بيقول تعال قل قصيده بغيت اطمر مع الطوفه من الروعه وبغى يموت غالب من الضحك .... معليه معليه ياغالب والوعد قدام




*كلفوني باستلام تكريم (( خالد الحصين )) شهادة تقدير له ودرع ومدري ويش المهم اني سرداد مرداد على المنصه وسريت ما معي شي وهذا شرف لي .




وعقبها سرينا من الحفل


وما بعد الحفل هذا له موضع ثاني


انتظروني قريباً


مع


((((( مبارك وغالب ومكه المكرمه )))))

الحقيقه فيه لقطه ماتفوت ياطوال الاعمار

بعد ماطلعنا من المكان اللي فيه هضيمه وحنا ندور بديل ونكلم بالتلفون كلماشفنا لوحه فيها تلفون ديقينا عليه حتى الحلاقين

المهم بن قنيص كلم له راعي فندق قال انتم كم قال ابو الشباب اربعه قال اقلطو جاي محلكم موجود ونروحله وننزل انا وياه نشوف الغرف لقيناها تمشي الحال

انا والله من يوم شفت وجهه ونا داري انما وراه فايده ركبنا اللفت اهو كبر الله يكرمكم حمام الطياره لاخشومنا متلاصقه ويالله وصلنا والظاهران الدور اللي وداناله تحت الارض لانوافذ لاشي ,,,, قلنا حيلة المحدود يالله

وحنا متوجهين للغرف يعنيانا بنعاينها وينقز ابوصالح ( الا بكم الغرفه )
قاله السعر وهويقول بصوت عالي ( مستخفا دمه) ياراقـــل

ردعليه وهومعصب .. لوسمحت (خفزسوتك ) فيه عالم نايمين
هههههههه قلت والله شكل مقبرتك ذي مافيها الاان كانواموات قال نعم ,, قلت الغرفه وين

ويودينا ونعاينها لاهي تمشي الحال ونكلم تعلوا وساعه يالله (مايكل شومخر) لقي موقف وينزلون
لاهم في ذاك المدخل اللي الدخون معجعج فيه ولا الرسبشن المضبوط والاستقبال اللي مايحتاج
لاهومعلق صور جدانه حول اربعه ياسلام ياسلام
هاه يالامير قال تمام ونتفق معه ,, شوي وهويعدنا لاحنا خمسه قال (اسبر) انتو خمسه مواربعه

قال ابوحمد يارجال اذعندك غرفه ثانيه خذناها قال خويكم اللي كلمني يقول اربعه وانتم خمسه مالكم عندي سكن تسهلوا ,, يالاجودي يرضيك يهديك قال ابدا القصه قصة مبدا

اهاه وهي تقفل مع ابوحمد وهذاك يقوله انا جاهل وانت متعلم ,,, ادعلي بالهدايه << وشدخلها مدري
قال الامير لا انت شكلك مارايح تهتدي انت ووجهك اللي كنه ايقون المرقاب
هههههههههههههههه

عاد تعال تشوف الضحك ونمشي لين الباب لامع فتح الباب صوت وحد من جدان الرجال يردد دعاء الخروج ( مبرمج مع فتحك للباب) ويستلمهم خوينا هو وجدانه ماخلا عنهم شي
ويكلم ابومحارب مسعود المقاطي بيض الله وجهه ووجيه اهل الطايف كلهم قال الاستراحه وراها فله فاضيه مجهزه للنوم
ونروح لهم وعينـك ما تشوف الا النووووووم

:
:
وتتوالى الأنطبـاعات :
(( أبونـوره ))
كان شعـله من نشـاط ..
ويبـدو أنه حـان الوقت لـ (( تكـريمه ))
لمعيـض دور فعـال في نجـاحات المرقاب ..

(( نـاصر تراحيب ))
قابلتـه أخـيراً ..
كان الملتقـى على راسـه .. ونجـاح الملتقى كان ابوليد عنصر مهم فيه ..
وجـدته (( هادئ )) جداً ..
ومن زود هدؤه قلت : لايكـون زعلان علي .. ؟؟

حسـين فهمي كان فالملتقـى :
زميلنـا محمد مصوّي كان يلبس فالنهار نظـاره شمسيه ..
أذا فصخهـا درينـا أنه ابومصوّي ..
أما أذا لبسـها قلنـا (( حسين فهمي ))

وقصـة (( عز الله مقـامك )) :
مبارك ال خليفـه تفاجأت بضخـامته .. هذا وأنا طولي زين ..
أما (( قصـار )) المرقابيين فقد أنصدموا ..
وكنت أسمع بعضهم يوم يسلمون على مبارك يقولون :
(( عز الله مقـامك )) رغم أنهم يسلمون واقفين .. !!

والعضو الذي فقـد (( 10 )) سنوات دفعة واحدة :
عبدالله الرقيب صدمني بشكله ..
وبصراحه على الطبيعـه الرجال اصغر من صورة المرقاب بـ (( 10 )) سنوات .. !!
بأمانه أعجبني طموحـه ومثابرته ..
وبـأذن الله بيكون له شـأن أدبي كبير ..

الغلـطة اللتي طردتنـا :
فضحـها أبوراكـان قبلي ..
بس نسى يقول أن اللي قال أننا اربعـه هو أبن قنيـص ..
اللي نسى يحسب نفسـه بسبب أرتفـاع منسوب الأيثـار او الهيـاط مدري بالضبط .. !!
والسيارات اللتي داهمت الأستراحة :
في الليله الثـانيه كان فيـه أجتمـاع وليـله شعر سـاخنه ..
قلبـوها الشعراء (( معارض سيارات )) من كـثر ماتغزلوا فيهـا ..
جيوب وشبحـات .. ويوم طلعت وشفت السيارات برا الأستراحـه ..
لين السواد الأعظم (( دساتن ))
صدق ليـه محد يمدح (( الددسن ))

أبشركم علي (( سـالم )) من الذيب :
علي سـالم كشف أنه يربي (( ذيب )) في مزرعته ..
ويبدو أنه حـاط الذيب لكشف الشعراء الملبوسين بالجن ..
ومن الشعراء المكشوفين حبيب ونايف صقر ..
ويقول علي أنه يجي عند الذيب و(( يتمسح )) الذيب فيه ..
يبالفيت انه مافيه (( جن ))
والرجال ماكذب بس تراه يروح له (( متلطم )) عشان الذيب مايشوف صح ..
عندي سؤال لعلي :
الذيب اللي عندك يقدر يحدد (( الجني )) ذكر والا أنثى .. ؟؟

محاولة (( سرق )) فـاشلة :
محمد بن شباب كان أكـثر الحضور أناقه ..
طبعـا ماهو من كـثر(( الأناقه ))
لكن لأن اغلب المرقابيين (( لاناقة لهم ولا جمل )) فالأناقه ..
كان مع محمد جوال وكانت عيني عليـه ..
الجوال خلص شحنه وحطه فالشـاحن وأنا حطيت عيني عليه صدق ..
قلت يبي ينسـاه .. وأنا ابي ألطشـه ..
وفعلاً نسـاه ..
وفطن واحد من الملاقيف له واتصلوا على غالب الشريف وقالوا :
جوال محمد هنا تعالوا أخذوه ..
ورجعوا اخذوه (( وأنا عيني تراعيـه ))

(( حمد الوذينـاني ))
حكى لنـا تجربته (( الخضـراء )) مع النت ..
وحكى قصة صاحب المدينـه ..كان ابوجـاسم فاكهـه المتلقى ..


فالحلقـة القـادمة تقرؤن :
كيف أنقذت مبارك ال خليفـة من السوداني ..
الشيخي ماعرفتة لين حط الجوال على أذنة ..
ماذا (( زعم )) بعيـد المراميس .. ؟؟

أنتظرونـا .. !!

هههههههههههههههههههههههههههههههه


عز الله مقامك يابو حمد




برايفت لابن شباب :

تشقق انت بروحك رجاءً انا مالي شغل

اما جووال ابن شبااب فيستااهل الطشه صدق
انا احسبنه جووال مباارك بغيت اخذه واحطه عندي بدوون استخداام اواستخدمه استخداام حشمه فقط لذكرى الله الله

قصة الهضيمه في الطريق انتضرووهااا
<<< برنامج انتم نجومه دووووس

ماذا (( زعم )) بعيـد المراميس .. ؟؟



راح فيها بعيد الجنّي!

.

برايفت لابن شباب :

تشقق انت بروحك رجاءً انا مالي شغل





بمانك اطولنا فا نت الاكثر تشقق .... والا ويش رايك ياالامير (( عبدالرحمن حمد )) <--- من كثر الامراء قمنا نسميهم

المشاركة الأصلية كتبت بواسطة ســـلطان

ابن قنيص .. لازال عندك الكثير من المواقف .. وترى مايمنع انك تذكر بعض من مواقف الرحله الهضيميه

مواقف الرحله الهضيميه وااجد وااجد

نبدا بالهضيمه الاساسيه الله الله

هذي ياطواال العماار سالفتها سالفه << ها اخلص عليناا

بعد مشقة الطريق والعناا والنووم المفقوود اثناا هذه الرحله وصلنا الطايف الساعه ثمان الصبح والله من الجو الزين ومن السااعه ثمان لين جات السااعه عشر وحنا من شقه في شقه من داعوس في داعووس من مطب في مطب المهم ان الشقق كلها فل مالكم في الطويله نزلووني الربع عند شقةً مدري وش اسمها رسبشنهاا فووق في الدوور الاول الله لايبلاناا المهم وانا اجيه قلت فيه شقه لـ خمس اشخااص محترمين << مفارقهم الاحتراام
قال لا مافيه كل الشقق فل قلت سلامو عليكم وانزل لاذا مشعاان واقف وينتظرني لحاله الله الله ونركب قلت ها بشر لقيتو شقه قال ايه وانا استانس النووم ابي النوووم

المهم ونرووح لشقه ونسكنهاا مهيب ذاك الزوود بس انها زوينه اخوونا ابوو حمد انطوو على ذاك الكرسي ورقد وانا ومشعان وعبداللطيف ومااهر جلسناا نسوولف ومشعاان يكبسنا بالتصووير المهم ويروح ويدق على الرسبشن يوم الله اراد ان يحرمنا من النووم اللي عليه الكلام قاله متى الخرووج قال الساعه اربع العصر قال تسيف اربع العصر قال هذا نظامنا ويجينا مشعان ويعلمناا قلنا طيب وش الحل المهم وانزل انا والذيب مشعاان راع الهضيمه لرسبشن بغينا نتهاد حنا ويااه وقصرنا الشر << مايحب المشاكل هو صادق لاوالله ذال
قال مشعان خلاص نبي نطلع قلت يامشعان ابو حمد راقد وصعبه انا نطلع قال يعني قصدك ابوحمد قلت ايه قال ابد ازهله عندي وانا ابو محاارب قلت كفوو
ويرووح لعبدالرحمن ويصحيه يابو حمد قم الدعوو فيهاا تلاعم وغش وهذا لايرضي الله ولا يرضي رسووله اربع مية ريااال اربع ساعات بس قال ابو حمد وطيب وش المشكله قال مشعاان يابو حمد هضيمه يابو حمد هضيمه انا اول مره اسمع كلمة هضيمه غير هضم المعده الطعاام بعد الاكل
<<< والله اللي مايعرف يسوولف
المهم ونصفط اغراضنا ونطووي فرشناا ونسحب اذياال الصلف معناااا وابو حمد الضغط عنده مثل شقق الطايف كلها فل قال انتو ماتراعوون مشاعر الاخرين ماتعرفوون الا الطواريق مع الدرج طارووق في السياره طارووق حتى في النوم طارووق خلووووووهاا ياخي رجعووني لريااض <<< هذي من عندي انا

عزالله يبو محارب انك سويت فينا خير بلاشقق بلا هم

الله الله ويتصل مشعاان على مسعود المقااطي قال اهنا استراحةً فاضيه مافيها ولا واحد تعالو والله ونرووح ونواجهم ونسلم عليهم ونتقهوو ونسولف معهم شوي ونعين خير ونرقد السااعه 12 ويوم جت السااعه 3 العصر لاذا ابو حمد مصحصح ويزعجناا قوموو ذبحكم النووم .. يابو حمد خلنا نرق قال اقوول قومو لاينقدون عليكم الرياجيل يقوولوون ذولا ماجاو الا يبون يرقدوون قووووووموا والله ونقووم ونصلي ونتغدا وياليل من انت ليله

وهذي سالفة الهضيمه
<<< ها لاعاد تسوولف ثاني مره

ولسواف تواااالي

الله يبيض وجهك يابن قنيص على هالهضيميّه اللي تشرح الصدر ..

اجل الرجال يقول رجعوني للرياض ايه دائما الانسان عدو لما جهل ..!!

لازلت اكرر والله وبالله يالربع انكم عيشتونا اجواء الملتقى كأننا معكم طوال فترته ..


الله لايهينكم جميع .. وخل نشوف الرجال اللي له ثلاث ايام وهو يقول اصبروا اصبروا .. وش عنده


سلامي عليكمـ ..

هذي انطباعات اللي قبلي ..


أما انطباعاتي انا -----> اقول اطلع برا

8
8
ما حضر هو ووجهه وعنده انطباعات ----> وانت شتبي ؟

هههههههههههههههههههههههههههههههههههههههههههههههه



اما موقفي مع ناصر تراحيب طلعته مؤلف غصب والرجال يقول ماالفت يابن الحلال شي واقول اكيد ان واحد اخذ اسمك لانه شوي مميز(غريب)............يعني اسمي محمد مريبد ماهو غريب

واقلت انا لازم اتأكد والله وادق على المره طلعي الديوان اللي في الدولاب رقم 111 وتلقين ديوان شعراء من قبيلة عتيبه منهو المؤلف
واكتشف الفضيحه .................................................. .................

ان ماهو بناصر تراحيب

المصيبه ان الرقيب يقول يامحمد ماهوب ناصر ذاك اعرفه فلان واقول ماعندك سالفه


مدري وش جابني لناصر وخليته مشهور


بس ماقسم الله شي




في الحلقه القادمه



اكثر الاعضاء كل واحد ينسبني لقبيله ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

دخلت ثلاث قبايل
حتى الشايب الدوسري لخبط



تحياتي لك يابن قنيص

الله الله

<---- عانه تواسى في جلسته
يوم انكم تحبون العلوم الطيبه
<--- تحريبها

على الخشم :

(1)
الطياره ( راجع المواهب ص 1)

طلعت من ابها الساعه 2.30 ظهرا" و صلت جده 4.15 عصرا"
لقيت لي ( كداد ) والله الظاهر انه مكمل اسبوعه الثاني ( ما همجلت عينه ) المهم
مدري انا مني في يده يالله يالله وصلت ( الطايف عقب العنا والكلايف )



(2)
الوصول للطايف

اول ما به رحت لشقة واحد من عيال اخوي توني اقول يالله الا واليماني اللي يشغل في الشقه يقول ( ترى ما فيه ماء ) .!
قلت بصوت متحشرج ( جعلك القوم ) المهم قلت له زيّـن لي قهوة عان ( مياة نوفا ) مليانه قال تم
سواها الرجال و توني اتقهوى الكلام ذا حول الساعه 9 مساء الا والله الجوّال يدق ( محمد ابن شباب يتصل بك )
اللهم اجعله خير

ارحب يا بن شباب
محمد : تبقا يا غالب ؟؟ انت وينك ؟؟
انا : انا في شقة في وسط الطايف ؟ انتم وينكم قال حنا عند ( مصنع الألبان ) في الحويه و ثيابنا في المغسله .!
وبنروح للعيال انت وش رايك ؟؟ ( انا والله ما كان في ترتيبي اني اروح للإستراحه ذالليل ( صلف ) ملعون جد
قلت ( هدا ) خلاص عاني بجيكم

محمد : بتجينا والا نجيك ؟؟
انا : لا بجيكم شوي واجيكم
المهم واندب لي واحد عندي قلت تعرف مصنع الألبان قال ايه ايه قلت ها اركبببببب الرياجيل يتحروني


(3)
مصنع الألبان

وصلت ( مصنع الألبان ) انا مع الرجال اللي جايبني ومعنا اثنين ما اعرفهم من خوياه المهم قال اخوياك وينهم ؟؟
قلت تشوف ذالجيب الاسود الجديد ( جيب اخو محمد يقال له خالد ) قال انا وش علي من محمد وخالد
الرياجيل ( المصكات ) ذولا .!! قلت الله الله


(4)
السلام
سلام وحب خشوم واستاذن من اخوياي ( عزمتهم وعيوا ) وأطمر معهم ..
خمس دقايق الا ( ومعيض يتصل بك )
ارحب يابو نوره
معيض : تبقا يا غالب ؟؟ انت وينك ؟؟ واجهت العيال والا لا ؟؟
انا : الله الله عاني معهم و عاننا جايينكم
معيض : عجلوا علينا ترانا نتحراكم على العشا ..!!
الكلام هذا ( الساعه 11 و ربع ) مساء


( 5 )
الوصول للإستراحه

يوم وصلنا الإستراحه ( الا والله صف كنه صف محاوره )
ارحبوووووووا ارحبواااااا
( مبارك و محمد عليهم حالتن ما يعلم بها الا الله حتى لحالهم ما بعد حلقوها والا انا محتسي جاي محلق وزاهب)



(6)
معيض الأول

نطحنا معيض يرحب الا والله ذالوجيه اللي ( تعرف منها وتنكر )

الا والله ذا :
موسم بن سفر القثامي
( عرفته عقب تفحصته وحنا جالسين )

عبدالله القثامي
( عرفته والرجال ذا حبيته على طول رجال ذرب )

سمران القثامي
( عرفته وعان رقمه قده في الجوال عندي - انشدوه عن عمارته هي خلصت ؟ )

ضاوي العصيمي
( لو اني مغمض عرفته نفس الصورة بالكربون ما تغير )

حسين ابن ضيف الله الدوسري
( ما عرفته لين قلطنا على العشا )

سعود الدهيمي
( والله ما ضربت له بحروه لين قال لي مبارك وحنا على العشا ترى الرجال ذاك سعود - الرجال مطلدز الدقن جزاه الله خير )

خالد الذيابي( عرفته بالشبه عليه طاقيتن وش كبرها خالد مختلف عن صورته شوووي
رجال نحيف لا طويل ولا قصير طوله زين - بو حميد من اكثر اللي شدوني في الحفل كثيرا كثيرا )

ناصر بن تراحيب
( عرفته على طول - فيه من يوسف الثنيان وااااجد خاصة الابتسامه )

عبدالله الرقيب
( هو هو راعي الصورة والله ما تعداها ذا طول عبدالله اللي يجلس معه يدري انه رجال له طموح و اجزم انه بيكون يوم من الايام مرجع شعبي
عبدالله رجال قصير مهوب طويل اسمر شوي لكنه مقبول الشكل والمظهر )

عبدالله السميري
( ما عرفته الا لين قالوا ذا عبدالله السميري مختلف عن صورته مية وثمانين درجه
رجال دقاق مهوب طويل ولا قصير عطانا كم قصيده و سرى بدري )

حمد الوذيناني
( رجال ياصل وزنه حدود الميه وعليها - عليه نظارات مدوّره
و خفيف نفس وراعي ضحووووك وسوالف عطانا قصيدته في الاسهم و سهم المكيرش )

محمد القثامي ( عرفته على طوووول ما يبي له - رجال حبيته من اول ما شفته خلوق الى ابعد درجه هو هو ما تغير شوفوا الصورة و تعرفونه )

طايل الذويبي ( رجال مهوب صغير قد الشيب في عوارض وجهه لو اني ما شفت صورة في امسيته الاخيره كان ما عرفته )

مبطي العالي
( ما عرفته مره مررره لين قالوا لي ذا مبطي - عليه شيلات ولا اروع
مبطي رجال قصيـّر مسكسك ( مسوي سكسوكه ) وجهه دقاق وعليه ابتسامه ساحره )

سنجار
( من يوم شفته وانا ذاكره صورته واضحه مره مره قلت لمحمد بن شباب جنبي ذا سنجار هو ه ما تغير )

جانا عاد عقب العشاء حبيب العازمي اللي انتم خابرينه

و جانا علي بن سالم ( علي اول مره اشوفه لكنه رجال مرح و رجال خفيف نفس و شاااااااااااعر مجنون - رجال اسمر طوله زين معه خزران في يده يلوّح بها )


المهم انهم واجد انا يورى لي اني ضيعت منهم واااااااجد
المهم ما سرينا من عندهم الا تقريب الساعه 2.30 او 3 المهم انها كانت ليله ولا اروع
غلب عليها الطابع الرسمي مع بعض الضحك خاصة مع قصيدة الاسهم ( حقت محمد القثامي و حقت الوذيناني )


الله الله هذي اول ليله
عاد خلوني اعلمكم بسالفة ( الفندق اللي عرّج عليها ابن شباب في عجالتن من امره )

انتظروا القادم المدهش

^
^
انت توصف العاالم والله اللي ماغوويت ماشاء الله تبارك الرحمن


هااااااااااااااااا اعجل علينااا الليله الليله لازم تعلمنااا بعلووم الفندق كلهااااااااااااااااا والا علمتهم بعلومك اللي ماتبي يدري عنهااااااا الا اناااااااااااااااااااااااا

ايوه اسلم اسلم
<<< ينتظر

المشاركة الأصلية كتبت بواسطة مشعان البراق

,

الكلام واجد .. والصور واجد ..

صبراً قليلاً ..

يالله المستعااااااااان
لا بالله لاعااد تجي ولاتشوووفك عيني في العااام كله انت (وصبراً قليلاً)

ايقونة المرقااااااب لحاااااااااااال يابو حمد





صحت السنتكم جميع

ماشاء الله عليك ياغالب ميزان لو اعرف اصكك عين كان صكيتك عين



وابك واشدراك ان وزني مئة كيلو حتى ما اخطيت بس ترى قبل كنت 120 بس مسوي رجيم


اهم شي ان شوفتك اسعتنا انت وامبارك وابن شباب وكل الشباب اللي معكم

غالب ..

ماشاء الله عليك .. أغبطك ياخي على هالاسلوب المحنتف في سرد الوقائع بكل اتقان وسهوله
وتابع تابع سرد قصّة الفندق ..

ابن قنيـص .. ولاعليك أمر يابوصالح .. علم راعي صبـرا ً قليـلاً .. ان الصبر باااااح ..

:
:

لقطـات سريعـة :
موسم (( سفر )) ممتع لاتمله ..
تعجـز الكلمـات عن وصف أريحية هذا الرجل النبيـل قولاً وعملاً ..

سنجـار .. الصـوره طبـق الأصل ..
مع أن الصوره كانت قبل كوارث الأسهم ..

خـالد الذيـابي .. في كل مره يتجدد حبي لهذا الرجل ..
دوماً تخذلني الكلمـات في وصفه ..
خـالد محب عنيف .. وهو اللي ناكب حمد الوذيناني ..
على طاري حمد الوذيناني أكتشفت أنه (( نضول )) فـاشل .. !!
يمكن المشكلة فالنظاره اللي تنسدح مرتاحه على أرنبة أنفـه .. !!

ابووو سالم
هو من يوم قال صبراً قليلاً وانا داري انه بيجيب العيد ولكني اخاطبه من هذاا المنبر اصالةً عن نفسي ونيابةً عن زملانا واقووله مايلي :-
ارجووووك لاتجيب العيد خلها سوالف ودردشه وفكناا من الصووور