ミ♡彡 ( ســلّــــطـنــــه ) ミ♡彡

[poem=font="Simplified Arabic,4,white,bold,normal" bkcolor="transparent" bkimage="backgrounds/3.gif" border="none,4,gray" type=2 line=0 align=center use=ex num="0,black"]
هات الهموم وهاك ضحكة شفاياي=تعوّدت على الهموم الحنايا

متعوّد ٍ سمعي على نغمة الناي=معي الحزن ماهو بحاجة وصايا[/poem]

[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
تقول :نزرع توت في مزرعتنا =واقول ربي زارع بشفّتك توت
ياللي تورينا ولاذوقتنا =احسّنا جوعا وشافوا لهم قوت[/poem]
//
::
//

[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] ان جمّعت دنياك وان فرقتنا=انتي وصالك موت ومفارقك موت
معك وعليك وفيك عشنا ومتنا =واحسّ دونك حظ الاحباب ممقوت [/poem]

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
راح وقتك حبيبي جا بدالك بديل=واحد ٍ لايخون ولايعرف يغدر

في وصاله كريم وفي بعاده بخيل=وكل ٍ يوم ٍ يزيد بخافقي له قدر

مانقول الوفا بالوقت ذا مستحيل=خلنا نقول هو ماقلّ والا ندر

انت مثل الكثير وهوّ مثل القليل=اللذي مايبّيت نية ٍ بالصدر[/poem]

[poem=font="Simplified Arabic,4,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
تبسّم الصبح واهدا بسمته للبحر=يوم ان سطحه عكس نور الصباح وحواه

يامحمد اللي نشوفه جدّ والا سحر؟=سبحان خلاّق هالروعه وجل ّ الاله

ياخي لاشفت السحاب اشبّهه بالنحر=نحر فتاة ٍ مهو باية نحر في فتاه

الجادل اللي الحسن في غيرها يندحر=عنقا وبارق جسدها ماتغطّه عباه

كنّ الجمال احتوى هذا الوطن وانتحر=ولاشفت لون الخضار اقول باقي حياه[/poem]

[poem=font="Simplified Arabic,4,royalblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
قبل تسافر .. كنت اردّد واعلّمك:=مافيه داعي..تشتري لي هدايا[/poem]

واليوم جيت وجبتها الله يسلّمك

((شكراً))

:
:
:
:
:
:




وهذا اللي بقا في يدايا










[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
جايب معك شخص ٍ جديد ٍ يقاسمك =اكذوبة العشق وكلام الحكايا

وانا احسبني كنت عشقك ومُلهمك=الله يلعن جد بيض النوايا [/poem]

[frame="7 80"][poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياغثا القلب من بعض السوالف= ودك انك تسد افواه اهلها

اهل الكذب وكثار المحالف=جدّها ماتعرفه من هزلها

لو يسبّك خبل قل مايخالف= انت ذيب الرياجيل وفحلها

ماانت في هرجة الجهّال كالف=والجهاهيل لو تعرف جهلها !

كان ماشفت نص الهرج تالف=وكان ماشفت نص الناس بلها[/poem][/frame]

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لاحشا ست البنات ونظرتك ذبّاحه=وبسمتك مثل الدوا لمكابد الالامي

بس تبغين الصراحه؟؟..( والصراحه راحه )=كل مابالمسأله مانتي فتاة احلامي !!![/poem]

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]

العاقل ماتبلش به=ممكن يفهم بالتلميح

اما لاجاك النشبه=لاتلميح ولاتصريح

ينبت لك مثل العشبه=ويقعد في كبدك ويطيح[/poem]

[poem=font="Simplified Arabic,4,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
رحتي ولاعد بقالي غير هالصوره=ارسم وصوفك ثم امسحها ثم ارسمها

من كثر ما العين في صورتك مبهوره=احياناً أقـبّل الصوره واكلمها[/poem]

س / تدرين وشوله احبك؟؟






ج/ لانك انا








وشلون مااحبّني واهتمّ بك واحتويك!!!!

















مانتي ببيت اهلك وانتي مكانك هنا



في قلب ٍ خل ٍ
تبينه من غلاه ويبيك..

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياخوي لو طاوعت هرج الصعاليك=يمديهم بدرب الردا صعلكوني

لكني اسمع ذيك وامشي على ذيك=بحساب تفكيري وشوفة عيوني

مافيه شي ٍ غير عقلك يقدّيك=يرضون والا جعلهم يزعلوني

اسمع كلام اللي يعزّك ويغليك=واترك كلام اهل الحسد والغبوني[/poem]

[poem=font="Simplified Arabic,4,tomato,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياللي خذيتي مفاهيم الهوى سلوه=في ظنّك انك بنزواتك غلبتيني؟؟

ماهكذا (تاكلين الكتف) ياحلوه=ولاهكذا راح احبك ..او تحبيني[/poem]

[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
لاترتجف يدك ولاتحمّر اوجانك=مدام هرجتك معروفه ومقيوله

ماهوب لازم تقول الحكي بلسانك=اصلاً عيونك تخلي ّ حكي ٍ تقوله؟

شعور قلبك فضحته نظرة اعيانك=يعني نعيد ونزيد الحكي وشهوله؟

ادري بشاني بقلبك..وتعرف شانك..=يالغالي اللي عساني مااعدم زوله[/poem]

[frame="7 80"][poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لاتشعرين انك حزينه ولاشيّ=مهما حكوا بالقصه وكبرّوها

الله يطول عمرك السالفه هيّ=(( لايمكن احني راسي لـ بنت ابوها ))

حبيبتي تقبلني بكل ّ مافي ّ=ماهو تطاوعهم اليا وجّهوها !![/poem][/frame]

ياخويّتهـا نصيحـه كــان ودك تفلحـيـن
امشـي لحالـك ولاتمشيـن معهـا لامشـت


( دفاشه,وكسر خاطر عارف ) بس ..



ذيـك لايمشـي معاهـا لاحليـو ولازويـن
جـادل ٍ علـى مثالـي ّ الوصايـف كوّشـت
ويش خد وويش قد وويش عنق وويش عين؟؟
كنها تعزف على اوتار المشاعـر لاارمشـت
تحفـه الا والله مـن آيـات رب العالمـيـن
وين ماطالعتهـا شـدّت عيونـك وادهشـت
جيت ابوصفها عجزت اجمع بحكيـي كلمتيـن
جيـت ابنصفهـا بعذبـات القصايـد وبلشـت
جيت امثّلها عجـزت القـى لخلقتهـا ثنيـن
جيـت اغازلهـا عبـارات المغـازل فنّشـت
شي شفتـه قبـل لاتفتـش يعذّبنـي سنيـن
الله اكبـر واعـذاب المشتقـي يـوم فتشـت


عذرتوني؟ .. بكيفكم عاد ..
بس انا عندي سؤال:




ودي ادري هيّ تشرب ميّ مثل العاطشيـن؟؟
او تطّعم ريقها العـدّ القـراح اليـا عطشـت


وتخمين ..



والله اعلم من يشاهد بسمة الثغـر الحسيـن
يجـزم ان الادميـه ذي ّ مايـوم طفـشـت




قالوا : لا مستحيل ..


قلت ..






كيف لا؟ والجمر ضـمّ الثلـج , والغمازتيـن
توحـي ان ايامهـا لاحزانـهـا مانبّـشـت


بس ..


هيّ لاخمّت معاها *سافرت تكسـر روتيـن*
والا انا اللي كل ماضاقت على باله * كشت *




المهم ..



ماعلينا خلنا فـي وصـف زاهيـة الجبيـن
ودي استطـرد مـادام ان القريحـه بلّشـت
خصرها الجوعان من وضع اقتصاده تستبيـن
انهـا بتعـدّي الميـة سـنـه مــا (.....)
..والخدود ورود تجمـع لـون فـلّ وياسميـن
لو تداعبهـا النسايـم تالـي الليـل خدشـت
لاوقفت وقفة زعيـم ٍ هـازم ٍ لـه معتديـن
والخزايـن بالغنايـم مـن معاديـه احتشـت
ولاجلست جلسة تواضع مـع لباقـه حبتيـن
ولامشت تقول مابه غيـر هالبنـت بطشـت



عاد..




صاحبتها وشوشـت برفـوق تبغاهـا تليـن
ولااخذت منها ولاارخت سمعها لو وشوشـت
يافهد وين (البلوتـوث) وطبايـع ذي ّ ويـن؟
عيطمـوس ٍ شفتهـا قدّامنـا كـم طنّـشـت
هي لو ابوها ردي يحسـب حسـاب الطيبيـن
ولو نسبهـا مـاش بقلـوب الاوادم عرّشـت
كيف عاد ان كان اهلها شوخ قوم وواصليـن
جـادلٍ تختـال وتجـوب البسيطـه ماخشـت




بصراحه ..



ودّي ابيّن لهـا انـي مـن اشـد المعجبيـن
بس عيني مثل ماهم خشيوا النـاس اختشـت
اسكت اطيب لي بدل ماتجرح القلـب الحزيـن
وين وجهي كان قلت ابرتبط فيـك ومشـت؟؟




وسلامتكم ..

(( من باب الاعتراف بالحق فضيله فقط )) :



[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
اي والله اخطيت.. واللي في يديّ اعمله=تقبّلي واستماعي للعتب والخصام

عليك سرد المعاتب والسكوت ازهله=ماعاد بالسالفه هذي نقاش وكلام

بقول لك شي واحد واعتقد تجهله=اكنّ لك مع شعور الحب كل احترام

كلي لك احساس واعجاب وغرام ووله=(مادام) .. توّك بكفي ماغديتي.. (مدام)

اليوم بامكاني افعل بالهوى ماافعله=لكن بكره بها عيب ونقاش وملام[/poem]

دايم يقولون لامريّتي :
(( الله لنا ))



وانتي تقولي للغيران : (( بدري عليك ))

[frame="7 80"][poem=font="Simplified Arabic,4,firebrick,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
شقا الخطا على بـرود اعصابـي=ياللي خطاه اصدق لي من اعذاره
اغلط ومدامك تحسـب حسابـي=ماهمنـي قـلّ الخطـا واكثـاره
لـو مالخطـا وارد ولاينعـابـي=ماكان حـط الدِيـن لـه كفـاره
اهم شي انـك كسبـت اعجابـي=والشخص يغني عن عطاه اصراره
لو ماحصل لـك تلتقـي تلقابـي=عاشق وشاعر لك جميع اشعاره [/poem][/frame]

تدرى متى اشعر بضيقه لاشعرت
( انك )

اشكي لك من الغرام ولاشعرت
( اني )

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ابيك واغليك واقدّرك واحنّك=لكن ماالله جعل ظنك على ظني[/poem]

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
اعطيك مافي طاقتي في .. حضوري=عشان تعرف قيمتي في ..غيابي

احيان اغيب بشغل ماهو ضروري=كله عشان ان جيت تحسب حسابي[/poem]

[frame="7 80"][poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
توّي صغيّر مير كثر التجارب=بدّت لي اللي ماتبدّيه الاصحاب

وان الرجل ماهو بلحيه وشارب=ولاهو بزوله.. لو مايدخل مع الباب

بين الرجل والشبه مابه تقارب=مير العتب على العوارض والاشناب

تجمعهم بسود اللحا والشوارب=وتفرقهم بفعل المراجل والالباب[/poem][/frame]

بداية ً من (عسـاك بخيـر وشلونـك)
مروراً بـ(صرت احس ّ بشوق لعيونك)
تعريجا ً بـ(ليتني عارفك من مبطـي)
نهاية ً في (عجزت اعيش من دونـك)




هـذي تفاصيـل لحكـايـه غرامـيـه
بيني وبينك وكيـف اصبحـت مجنونـك
يعني ماحبّيتـك مـن البـاب للطاقـه
ركّز معي زين جعـل البيـض يفدونـك



كنّـا نـدردش ونستسخـف علاقتـنـا
ماشي على هوني وماشي على هونـك
ابليـس مـالـه بسكّتـنـا ولانـيّـه
مانحسب حساب وظنوني هـي ظنونـك
[move=down]بنضيّع الوقـت ميـر الوقـت ضيّعنـا
فجـأه تغيّـر بعينـي شكلـك ولونـك[/move]
اصبحت احبك وافكـر فيـك واحتاجـك
واهتم ّ بك واشفق لشوفتـك واصونـك
واليا حزنـت بعيونـي تحـزن الدنيـا
والارض تضحك فرح من ضحكة سنونك


ابختصـر لـك علاقتنـا وترجمـهـا
قبل تعشقنـي وقبـل اصيـر مفتونـك
نسمـع بهـم الغـرام ولاشقينـا بـه
ونقول ياعشـق وش فيهـم يسبونـك؟
بنضيّع الوقـت ميـر الوقـت ضيّعنـا
[moveo=up]واصبحت مااقدر اعيش العمر من دونك [/moveo]