فصيلة ( هم ) .. !!

[poem=font="Traditional Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=left use=ex num="0,black""]
تقول لي عادي واقول إلك عادي =وجهة نظر لايمكن تفرق إثنين
الشعر ماعمره حظى بإجتهادي = مثل إجتهادي بالوفاء للوفيين
الشعر ماطول قصار الايادي = كم قاصر ذراعٍ بفمّه لسانين [/poem]

[poem=font="Traditional Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]
قناعة الانسان في بعض الاشياء = عين الصواب وحيها من قناعه
مثل رمضان الله يحييه لاجاء = الصح بأنه شهر قربى وطاعه
هذي قناعة من يسمون إصحاء = ناسً تفرّق بين ساعه وساعه !
[/poem]

[poem=font="Traditional Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تبسمي كل ماهبت هبوب الفراق =هذي هبوبً تهب ولاتحرك جبل !
دامك معي كل شيً مانطيقه يطاق = وإذا انقطع حبل وصل نجيب غيره حبل
الكون قبل إنتلاقى كان مر المذاق = والحين شوفي فروقه بين بعد وقبل [/poem]

شكراً لصديقي المصمم الرائع / متعب الشيباني

الى صديقي محمد السبيعي :-


[poem=font="Traditional Arabic,5,teal,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
في كل مره نلتقي ياصديقي = اقول لك زدني من ابداعك ابداع
استاذ في فن الشعور الحقيقي = وتلوي لك إعناقاً وتجذب لك اسماع
شورك ينور في حياتي طريقي = اخذت منك اخلاق واقوال واطباع
ايه افتخر لانك اخوي ورفيقي = زعلك صيف ومكسب ارضاك مرباع[/poem]

[poem=font="Traditional Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
الله يبيح احلامي المذبوحه =اللي رماها بالحقيقه رامي
كانت على جدار السعاده لوحه =ماتت وطاح إجدارها قدامي[/poem]

القصيده كامله هنا

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
بعض العرب مايعترف بالفوارق = يبي يصير فلان لو ماهو افلان
يبي اسم وقصور عز ونمارق =لو كان له في كل مترين ديّان [/poem]

[poem=font="Traditional Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ماخافت الضحكه الا من مطيح الدموع = وماطاحت دموعي الا من عذاب وقهر
ابكي من الجمعة ويضحك على الربوع = واحاول اضاعف اوقات اللقا بالسهر
ياليت للي بغيته من غيابه رجوع =ماهوب غالي وبس ، الا حزام وظهر
اقوم به واعتزيبه وانحني له خضوع* = لو كان فرقاه عام وشوفتي له شهر[/poem]


فارس اخوي ( طبعاً ماهوب اللي في الصوره ههه) ، الله يرده بالسلامه ويجعله يلقى نقل من عمله ويرجع للرياض

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
موبايلي لو عندها شوية انصاف =دفت برودة ليلينا بالحراره
مر الشهر مقطوع يا(خالد الكاف )*... =جوالي وزاد الخساره خساره
ماكن فيها ظلم وإذلال واجحاف = وانا فواتيري تعمّر عماره ؟[/poem]


* خالد الكاف رئيس شركة موبايلي

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
مد البحر مده بقافي ومعناي =ماختار لي حالي ولا اخترت حاله
يبدا وينهي عمر مبداه مبداي =فرق الكلام عن الشعور افتعاله
في صدر مجلس جيلي احط مركاي =واشرب فناجيله واحشّم دلاله
مانيب الاول بس مامنهم اعداي = اللي بعد جيلي وقبله رقى له
على حلال فلان مامد يمناي =مغنيني الله عن فلان وحلاله
وفلان متكبر بشعره ولولاي =زعلوا معازيبه وماتوا عياله
اقل مامديت له صايب الراي =وفتحت له درباً مشى من خلاله
صبحه تنفس حظ من بعد مسراي =ماتت جهودي والرضى والبقى له
ويوم اغتنى مابين بايع وشراي =نسى فضل من مد له حر ماله
وانا غني والرايح يعلم الجاي =ما اجهل ولا اخاصم شقيق الجهاله
يصحى على الطبله ويرقد على الناي=افزوعه اقدامه وخصمة ظلاله[/poem]



....

[youtube]

[poem=font="Traditional Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
ريماس وردة تحيي انفاسها الناس =عامين والدنيا تنفّس نفّسها
عذبه وإذا حطت يديها على الكاس =يفخر على الاشياء بـ.. أنه لمسها
في ضحكها كلمه وفــ.. عيونها إحساس =الغيم لو بدل ثيابه لبسها
ريماس كل الكون فـ.. عيون عفاس = الله من عيون الورود يحرسها [/poem]


.....

[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]
الحياة .. أيام / وأحلام / ومفاهيم / ومبادي=والظروف .. اعداء , والتوفيق .. نص الاستطاعه
والإراده .. هي عزاي أليا تنكر لي مرادي=والكساد من الاوادم .. ماهو بـ .. كيف البضاعه
الهدوء .. احيان , مايعني وجود إنسان هادي=والتعفف .. ( أقصر دروبه ) يؤدي لـ .. المجاعه
جيت يافيصل , وحزني بين مشروبي وزادي=ماجنيت الزود بعده ../ غير في نقص المناعه
كانت احلامي بلادي , وأنتهت بي في بلادي !=وأقتنعت إن ( المعالي .. كنز تفنيه القناعه ) ![/poem]

لـ ( عفاس بن حرباش )

[poem=font="Simplified Arabic,4,teal,bold,normal" bkcolor="transparent" bkimage="" border="none,4,gray" type=2 line=0 align=left use=ex num="0,black""]
الحياه .. إقدام / وأعلام / وصناديد / وأيادي = والظروف .. اشياء ، والتوفيق .. يحتاج لإشاعه
والإراده .. مصطلح يعني بأن الصعب عادي = والآوادم .. بين خوف اغراب ، ومحارَب جماعه
والهدوء ..إزعاج يجتاح الضماير ... لا إرادي = والتعفف .. وجه صادق في زمن يلبس قناعه
وانت (لاتحزن) ، وسل السيف من بين الهنادي = ماخبرت المجد يبنونه هله في ظرف ساعه
وابني احلامك على بلادك ، وضحّي بالأعادي = واعرف انّ الصقر جنحانه ضروره لارتفاعه [/poem]

لـ الرمز القدير ( فيصل السواط )

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياليت جوي من غيومه يصفي =وياليت قلبي مايشيل احلامه
الكذب يمرّض والصراحه تشفي=اللي تعب من كثر كذب ايامه
والجافي يبين عيوب المجفي =من قبل لاينلام من لوامه
واللي عيوبه للمفارق تكفي =والله مـاوقف بالرضى قدامه
واللي مضى ، فارض الندامه منفي =عامينه تناقض ثلاث اعوامه
راس السنه فيه الصداع النصفي =ماعالجه لو يربطه بعمامه[/poem]

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
انت طالب والمعلم طقّ جوله =وكان جاتك ضربة معلّم تحمّل
القصيد اللي تقوله لاتقوله =انت غالي ، مير شعرك مايجمّل
بس من باب الصداقه والرجوله =لاتكمل ، لاتكمل ، لاتكمل [/poem]

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الوقت يمشيبي معك ماحسبته = ليتك ترد الوقت ياسارق الوقت
والعمر يركضبي معك ماكتبته = لاتترك ايامي معك كلها سبت [/poem]

عم الهدوء ارجاء
[شبه المدينه] !

اللي ثراها حزن
[ واسوارها صمت ] !

جيت
اكتب
اخر كلام
فخاطري
[واستحيت ]


بعض الشعور الحقيقي عيبه انه



[يقال] !

[poem=font="Traditional Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
الحظ جابك والاماني تمنتك = وقاسي زماني لان من لين عودك
ايه اضحكي واضفي على الكون ضحكتك =إبراحتك انتي اميرة حدودك
ماهوب انا ، حتى لياليّ حبتك =الله لايحرم وجودي وجودك[/poem]

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]
باب الغلا ياغاليه مفتوح = مفتوح لك ..مقفول عن غيرك
اللي يحبك مابقى له روح =ماهوب في صالحٌه تاخيرك
لاتجبرينه بالغرام يبوح = الامر لاحساسك وتقديرك [/poem]

آثار بعد وحزن تحفظه الآثار
تقول للي يكره البعد [باقي]

في ضحكتك دمعه وفعيونك اسرار
من ساعة الفرقى لحلم [التلاقي!]

لاتحتفي بي، ولكن [لاتجاهلني ]
ياصاحب الامس خلك صاحبي دايم


الله يمهلك فالدنيا ويمهلني
حتى [تبين الفروق] ويفطر الصايم