ديوان غالب أبو كتيفه

وجوديـّه ..!




[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
يا وجودي كل ما اذكرك يالحلم الكبير= وجد من كبروا عياله ولا قاموا معه
يترجاهم من الطفل الاول للاخير= اربعه لكن ما الله نفع بالاربعه
يوم كبروا في عيونه وصار يظن خير= ما لقى غير الجفيّا وقلّ المنفعه
كانت احلامه متى يكبر الطفل الصغير= ما درى وش تخفي الايام تحت الاقنعه
كل ما امسى بالهقاوي غني يصبح فقير= النتايج كلها عكس ما يتوقعه
يا وجودي مثل وجده لو ان الوضع غير= سببي غير سببه وسنعي غير سنعه
سببي من جادل ٍ مال حضرتها خشير= عرش قلبي تنزله كل يوم وتطلعه
ايبست حلقي ودلوي على جال الغدير= والسعيره بين حدب الضلوع مولعه
واحسب اني صاحب ابداع منقطع النظير= واثرها من جد في كل حاله مبدعه
مبدعه بالحيل واذكر قليل ٍ من كثير= تنثر الكحل بمهب الرياح وتجمعه
تعطي وتمنع وانا عندها مثل الغرير= والغرير يمد للجمر يده وتمنعه
الطفل ماهوب مدرك خطورة ما يصير= ما يعرف اللي يضره من اللي ينفعه
والغلا تاليه كيـّه على الضلع القصير= والغلاوي قلبه رقاق وادنى ماجزعه
والحقيقه كل شي ٍ عليه الله قدير= كان ما طاعك زمانك يابو مشعل طعه
مالنا الا الصبر انا وانت يالعود الكبير= الصبر محمود والضيق تاليه السعه[/poem]



.,

7



[poem=font="Traditional Arabic,6,black,bold,normal" bkcolor="transparent" bkimage="" border="ridge,2,black" type=2 line=0 align=center use=sp num="0,black""]
حييت يا ضيف ٍ على الموعد ذلولك ناحرت = حزتك لا يمكن توخّرها ولا قدّمتها
وليا حضرت بدون شك وريب ضيفتك حضرت = عيب ٍ علي انك تروح ولحيتك ماكرمتها
انا ليا جتني تبي السمره ضيوفي وسمرت = كيفت مضرم روسها واشنابها دسمتها
ضرّيت عيني بالسهر يا حضرة الضيف وضرت = حببتها طول السهر ومن المنام احرمتها
عين ٍ ليا عاتبتها خيّل سماها وامطرت = وان لمتها جابت خفاها ليتني ما لمتها
كم ليلة ٍ شتوية ٍ مرت على العين وسرت = سهرتها لين الصباح اجتاحها مانمتها
كله على شان العيون اللي على بالي طرت = اللي قدرت اقرا تعابير الغلا في صمتها
والناس ما يدرون وش تخفي العيون وش اظهرت =سبحانك انت الله قدير انطقتها والهمتها
بغيت اكلمها لكن ادبرت صامت وادبرت = في صمت ما قدرت تكلمني ولا كلمتها
يا روح روحي قصة ٍ ما عمرها جات وجرت = اني كذا استسلم لعينك حين ما سلهمتها
واكيد ما ابقت شي من صبر الخفوق ولا ذرت = نار الغرام اللي ورا حدب الضلوع اظرمتها[/poem]





يتبع ،،

&




[poem=font="Traditional Arabic,6,darkred,bold,normal" bkcolor="transparent" bkimage="" border="inset,1,black" type=2 line=1 align=center use=sp num="0,black""]
شغل اللي حسنته في ّ تمحى سيّته=واعتبر ذبح المسافه على ميله دنا
ما تهيّا الا بعد قسمة الله هيّته=يالله الك الحمد والك الشكر والك الثنا
جيب ٍ ابيض يا ما شاء الله على شخصيته=تابس حلوق الرياجيل لا جوه زبنا
لا شراه المشتري تنخفض ماليّته=مير مال ٍ ما يضوّيه جعله للفنا
يوم روّح عصر ما قدمه الا فيّته=والجدد مع ساقته كن صايبها ونا
يطوي السبع المية ميل في عصريّته=واخوياي حمود وسعيد والسواق انا
يجعل الشاعر يغني على عفويّته=كل ما دكت طواريه قال الله لنا
منوة اللي مزعجه هاجسه ما بيّته=فيه من سطوة هل الخيل مروين القنا
مثل شيخ ٍ دون ربعه بذل جاهيّته=ناصي ٍ سلمان يبغى يفك اله سجنا
شيخ ما تدري المره وش يدور بنيّته=ابلج ٍ مليان راسه صعاطير و طنا
او كما اللي حط كفـّه على شبريّته=شايفٍ من يطلبه دم في زحمة منى
واترك اللي صاحبه ما يثمّن جيّته=واحد ٍ لن ما هدم مجد ربعه ما بنى
نصّه اللي ما قفل باب ديوانيّته=خالد الهماش والجدي وسهيل وزنا
من سجايا اهل الكرم وارثٍ سجيّته=ورث شيخان ٍ على قومة الحظ عونا
في محياه الكرم تصطلي ماريته=صيته اوضح من سنا الشمس جاي ٍ له سنا
الله يطوّل حياته ويرحم ميته=من فنا واله ولد ٍ مثل خالد ما فنا
والك من غالب سلام الثنا وتحيته=عنوته ما راحت بلاش يوم انه عنا
يالصحيب اللي صحيبك تثمّن جيته=يوم بعض الناس يهدم ولا عمره بنا[/poem]




يتبع ..،

الله الله

صحّ لسان المبدع والقدير / غالب ابو كتيفه

شاعر غني عن التعريف

ابن حامد احسنت الاختيار وبيّض الله وجهك على كل جهد عملته في خدمة نجوم الشعر

لاهنت وموفق خير بإذن الله

تحياتي لك

سعود بن مشعل

صح ّ بدنك والله لا يهينك على كلامك الطيـّب

تقديري لك ،،

7




[poem=font="Simplified Arabic,5,black,bold,normal" bkcolor="transparent" bkimage="" border="inset,2,black" type=2 line=0 align=center use=sp num="0,black""]
يـا ذكـر الله اللـي يفنـي الـحـي وهــوه حــي=ولا خـاب مـن يمسـي ويصـبـح عـلـى ذكــره
علـى الجـادل اللـي مشيهـا فيـه ثقـل وغـي=عنـود ٍ يصيـب العقـل مـن مشيهـا سـكـره
شـمـوخ وثـقــه واسـلــوب راقـــي وقـــد و زي=ولا فـيـه وصــف ٍ زيـــن مـاهـيـب تحـتـكـره
لــيــا شـفـتـهـا مــــا كــــن قــدامــي الا هـــــي=ولــو شافـهـا غـيــري تـشــوش عـلــى فـكــره
رمت لي شبكها مـن هـذاك النهـار ضحـي=ولا اقــول غـيـر الشـكـر لـلـي وجــب شـكـره
بـغـيـت اتـــداوى واثـــر مـانــي قـريــب شـــي=ولـــــو اتـــــداوى مـــــن هــنــيــا لـــيـــا بـــكـــره
يـقـول الطبـيـب انـتـه صـوابـك دبــل وثـــري=وش اللي حصل لـك ؟ قلـت لفتنـي المكـره
مـع اللـي كـوانـي بـيـن عــوج الحنـايـا كــي=بعيـن ٍ تشـادي عيـن حــر ٍ عـلـى وكــره
اخـذنـي بنـظـرات الـمـسـارق شـــوي شـــوي=وسلـهـم وصــد وشـفـت فـــي صـدتــه نـكــره
وقــــــام يـتـبـخـتــر ويــتــلــذذ بـفـعــلــه فـــــــي=وقـصــده يعلـمـنـي عـنــه وش مـــدى مـكــره
ولو ان مكـره سـي عنـدي مـا اشوفـه سـي=اشـوفــه شـويــة سـكــر ٍ فـــي لـبــن بــكــره
وانا ما احسب ان البدر يشبه لضيه ضي=ولا ادري وش ابــقــول لــكــن عــلــى فــكـــره
تـعـالــي تـعـالــي جــعــل تــفـــداك ذي و ذي=ويـفــداك خــفــاق ٍ لــيــا حــــب مــــا يــكــره [/poem]






يتبع ،،

قصيدة في حفل تكريم التربية والتعليم لـ الإستاذ / نقاء بن حسن بن خيشوم

[poem=font="Simplified Arabic,5,darkblue,bold,normal" bkcolor="transparent" bkimage="" border="solid,2,darkblue" type=2 line=0 align=center use=sp num="0,black""]
يالله ياللي بتدبيرك تسير الأمور=ارحم عبادك ليا خفت موازينها
يا عالم الغيب يا عالم خفايا الصدور=عفوك ورحمتك يا رحمن راجينها
سبحانك انت الغني وانت اللطيف الغفور=والناس خوف ورجاء ترفع لك يدينها
يا هاجسي بعد صار لكلمة الشعر دور=اصدح بها للبشر واثبت براهينها
اما حظور ٍ بما تعنيه كلمة حظور=أو غيبة ٍ تستر الرجال يا زينها
تراك لن ما سحنت لكل عين ٍ ذرور=ولا تقفتني الناس بسكاكينها
المرجله وكرها من فوق كل الوكور=من لا اعتلاها وطت فوقه برجلينها
والكلمه اللي نقشناها بصمّ الصخور=يبقى صداها على ذمة موامينها
والجهل سمي ظلام وسمي العلم نور=والعاقل اللي يعرف الفرق ما بينها
الجهل ساس التخلف والفشل والدبور=يثـّر على الناس حتى في قوانينها
كم عالم ٍ فوق الارض وكنها فالقبور=تروح ولا تجي ماحد ٍ درا وينها
اما حياة التطور من قديم العصور=العلم شريان اساسي من شرايينها
في حفل تكريم صقر ٍ من مواكر صقور=ليا زهمت القريحة جات في حينها
ياعنك يابو حسن مانته براعي قصور=سيرتك بالطيب فايحة ٍ بساتينها
والليله الحفل يبعث فالنفوس السرور=حفلة نشامىً على شانك مسوينها
ترقص لشوفك طرب بين الرضاء والغرور=والعقد في عنقها والكحل في عينها
فاعلى جبال السراه اللي كستها الزهور=تاخذ وتعطيك من نفحة رياحينها[/poem]

يتبع ،،

7


[poem=font="Traditional Arabic,6,black,bold,normal" bkcolor="transparent" bkimage="" border="solid,2,darkred" type=2 line=1 align=center use=sp num="0,black""]
مــن القصـيـده لـيـا مـنـي تصفـحـت بـيـت=امّــــــــــــــا تــمــعــنــتـــهـــا ولا تــعـــديـــتـــهـــا
وان جت على هقوتي والا ورا اللي هقيت=وقـــفــــت قـــــــدر ٍ لـقـايـلــهــا وحـيـيـتــهــا
ونقشتهـا فـي صخـور الذاكـره بيـت بـيـت=ولـيــا طـــرا مـــا طـــرا بـالـصــوت غنـيـتـهـا
حتى ليا شفت برق الوصل لاح وسريت=يـزيــن لـــي طـرقـهـا ويــزيــن لــــي بـيـتـهـا
لعيون راعي العيون اللـي عليهـا ظميـت=مـا كنـي اشبـعـت منـهـا العـيـن وارويتـهـا
اجـيـه كـلـي ولــه وآخــذ مـنـه مـــا بـغـيـت=الا حــــــــدود الــكـــرامـــه مــــــــا تـعـديــتــهــا
فـديــت هـــاك المـعـنـق والجـبـيـن وفـديــت=البـسـمـه الـلــي تـبـلــج كــــل مــــا جـيـتـهـا
مصيونـة ٍ سرهـا مـا بعـت فيـه وشريـت=سكّـتْ عــن عرضـهـا الطـاهـر شماميتـهـا
الله خـلـقـنــي كـــــذا زعــلـــت ولا رضـــيـــت=بـيـبـان قـلـبـي عـلــى مـــا فـيــه صكـيـتـهـا
والله لتبطـي بـي الذكـرى وانـا مــا نسـيـت=الــدلـــه الــلـــي عــلـــى نــــــاره تـقـهـويـتـهـا[/poem]


<< يبتسي

7



[poem=font="Traditional Arabic,6,black,bold,normal" bkcolor="transparent" bkimage="" border="solid,2,black" type=2 line=1 align=center use=sp num="0,black""]
يقول المثل للصبر والصابرين حدود = وانا صابر ٍ صبر ٍ عسى الله ينفع به
وجودي على شوفتك يالحاضر المفقود = عيوني سكنك وشوفتك بالنظر صعبه
ولا اقول غير الحمد للواحد المعبود = عسى من يلوم معذب العشق ياقع به
انا اللي ذبحني يا محمد غضيض العود = حميد السجايا يذهب اللي تولع به
ابو غرة ٍ يا بري حالي ونجل ٍ سود = وابو مبسم ٍ ماقط عطشان كرع به
وابو نظرة ٍ للعاشق اسطى من العبرود = حريص ٍ يضيع هقوتك حين تطمع به
وانا اعذل على روحي بروحي واقول يعود = عسى مثل ما قفى به الوقت يرجع به
وانا طبعي اصبر مثل صبر الجمل للكود = ولا عمر قلبي باح سر ٍ يودع به
لالا انك رفيق وعنك علم الوفاء مردود = لتسمع بموتي قبل ذا السر تسمع به[/poem]

يتبع ،،

اجيه كلي وله وآخذ منه ما بغيت
الا حدود الكرامه ما تعديتها

شاعر علم

ولا في الحكي فود

ولا هنت يابن حامد

حيـّاك يـ ابن سمران والقادم أجمل