نصوص مرقابية راقت لي

[align=center]الحزن .. يقسى على حالي .. ويثّر فينـي
يستفز اصدق مفاهيم الفـرح .. واغلاهـا

لو درى ان دموع عيني .. ما تداني عيني
ما تركني جالـسٍ .. ماغيـر انـا وياهـا

والا انا صوتي .. وبحّة صوتي .. وتلحيني
حطّمت حتى النخاع الشوكي .. بشكواهـا

لا الظروف مناسبه .. ولا السنين سنينـي
خل عاد جروحي .. ومن زاداها .. وادماها

غير جعل الشعر يفقد زولـي .. ويبكينـي
كان ما لبّسته من اغلا الحُلل .. واحلاهـا

شاعر .. ولا كل شيّ يمـر .. يستهوينـي
آتختّـل صيدتـي .. واضمّهـا وارفـاهـا

من خُلاصة فكري .. ومنهاجي .. وتكويني
حاجةٍ مخصوصه .. ومن شافهـا خلاهـا

اسهل من اللي تساومني .. وهي في ايديني
واصعب من الكلمه اللي مآحـدٍ .. طراهـا

وان خذاني الشوق للي .. كنهـا تدعينـي
كل ما بانت ملامـح صورتـي .. جواهـا

واكتشفت ان الظروف .. مقيّـده رجلينـي
كيف ابلقى لي حياةٍ .. فالحياه .. احياهـا

ايه انا المخطي وانا اللي فيني .. ما يكفيني
والا هي عن واقع الموضوع .. وش دراها

بلغوها .. من يطمـن قلبـي ويرضينـي
لا تباعدنا .. وطال الصمت .. بين شفاهـا

اتحرّى .. طيفها اللي كل ليـل .. يجينـي
واستلذّ بكل كلمه .. مـا اعـرف معناهـا

تمتمت صوت الغرام .. ونبرته .. تحيينـي
عقب موتي .. يوم حدّوني علـى فرقاهـا

وآدعتني .. واتركت لي .. حاجةٍ تلهينـي
عطرها .. وانفاسها .. وشوي من حناهـا

ليت لي حيله .. واخبّي دمعتي في عينـي
وليت عيني تقتصد .. فاللي بقى من ماها!



الله الله الله


للمبدع \\ خالد الحصيّن[/align]

ليت المطر يومنـه ينظّـف القـاع
ينظّف قلوب البشـر مـن عفنهـا
تنظف قلوب الناس وتزين الاطباع
وتطّهر قلوب المـلا مـن ضغنهـا
شفت الرجال اشكال وازوال وانواع
فيهـم فئـه مافيهـم اشـر منهـا
اللي تظنـه مطلـق حجـاج وذراع
والحيـه بـدربٍ سريتـه دفنهـا
لو رحت عنها تقضي العمر ملتـاع
غدر العزيز اقوى الهموم وفتنهـا
يومنهـا جهمـات جدانـي شبـاع
وعلى النقـاوه والمـرّوه سننهـا
واليوم في خيرات والذيب ماجـاع
وش غيّر نفوس الرجـال ولعنهـا
ماني بحاجة مـال ياقاصـر البـاع
لكنّ نفسـك ردوّا الخبـث عنهـا
الطيب لاقدّم على القـرم ماضـاع
والمرجله خابرك قاضـب رسنهـا
وش جنّبك والطيب في سيرتك شاع
صقطتك قبـر لمرجلتـك وكفنهـا



للمبدع
سلطان
بن بتلا ..

[frame="2 80"][align=center][poem= font="Traditional Arabic,7,deeppink,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أنت .. يا موهوب .. يبغى .. لـك .. صقـل = من .. رسولك .. يوم .. كلٌـف .. بالبـلاغ
المشاعـر .. كثرهـا .. يبـغـى .. نـقـل = للقلـوب .. اللـي .. عواطفهـا .. تــداغ
لا تعيـد .. ولا .. تـزيـد .. ولا تـقـلْ !! = أكشف .. البرقع .. وبـ(ا) .. طش الشمـاغ
أشتهيـت .. التـوت .. وكسـرْ .. البـقـل = لا سرى .. تطعيمها .. وسـط .. الدمـاغ !!
خوختيـن .. ووردتيـن ٍ .. فـي .. حقـل = لا تلـوم .. القلـب .. لا صـمْـل .. وراغ
هل .. علمـت أنـك .. بحسنـك .. لا تقـل = عن .. ذوات الحسن .. وأرباب الصبـاغ ؟؟
يا غنج .. يـا تيـه .. يـا ثقـل .. وعقـل = يا صياغه .. بس !! من ربـي ... تصـاغ
الرمـوش .. اللـي تشـابـكْ ... فالمـقـل = أستساغت ... شـي .. لا يمكـن .. يسـاغ
أخـذ .. منـي .. كلمتيـن ٍ مــن عـقـل = جملةٍ .. تغنـي .. عـن .. هـروجٍ مـلاغ
الطنـاش .. أحيـان .. يحسـب مـن ثقـل = والوصال ... أحيان .. يحسب .. من فراغ !! [/poem]


للمبدع
والمدهش


عبدالرحمن السمين ..
[/align][/frame]

[align=center]شيب .. عيني يوم أمر ويوم .. أشـوف
ما .. بدالـي خلـف سـور .. المقبـره

مرّ بي .. دربي علـى درب .. معـروف
مـاحـدٍ .. بـيـن الاوادم .. ينـكـره

ما قصدته .. بالمجي ميـر .. الظـروف
ساقت .. أقدامـي لـه و قالـت .. زره

لين .. وقفت بي على .. صرعى الحتوف
المكـان .. اللـي فجعنـي .. منـظـره

أعتبر .. و أشوف كم حنّـا .. ضعـوف
وأنظـر .. بحالـي لحالـي .. وأستـره

وأرجع .. وكنّي من الوقت .. محفـوف
مثل .. من ساقـوا فأبـوه .. المعـذره

الجسد .. مهدود و الوجـه .. مخطـوف
داخلـي .. ونّـه و فالعيـن .. عـبـره

مصرع .. أهل اللي نصايبها .. وقـوف
يقف .. جلد الرجـل منهـا .. وشعـره

مشهدٍ .. مفزع و يملا العيـن .. خـوف
فيـه .. لاصحـاب البصايـر .. تذكـره

عالمٍ .. في عالـم البـرزخ .. ضيـوف
شـدّوا .. وشالـوا لـدار .. الآخــره

جيتهم .. طرقي و لـي نيّـة .. نكـوف
أدعي .. إلهم و أحمـد الله .. و أشكـره

قبل .. أزاورهم و أنا فـوق .. الكتـوف
مـا معـي .. قـوّه ولا لـي .. مقـدره

ناس .. تحت ظلال دانيـة .. القطـوف
و نـاس .. يالله العفـو .. و المغفـره

أحد .. مشوار التعب معـه .. مخلـوف
و أحد .. في مالله كتب لـه .. واومـره

يلحق .. ابن آدم على الدنيا .. حسـوف
في .. ضحى يومٍ يجيب الـك .. خبـره

ساعـةٍ .. فيهـا يضيعـن .. الحـروف
وما عمل .. من خيـرٍ و شـرٍّ .. يـره




ماشاءالله قصيده اكثر من رائعه

للمبدع .,’ رحيّم الغنّآمي[/align]

[align=center]*


*


مفاتيح الكلم !



ياليل لـو ماثمنـت روحـي جمايلـك وعطـاك
ماكان من بـدري تقاسمنـا البسـاط الاحمـدي

ياليل يوم ابدي عليك اسرار قلبـي مـن غـلاك
لاتنتحـي عنـي وتتركنـي للامـر بمـفـردي

انت الوحيد اللـي لـه الحـق يتمتـع بأنتهـاك
ماطاب له من زاكي آلامي .. ومن فيض جهـدي

معك اقتل شعور الخجل .. واغتال عمر الارتباك
واجرّ صوتي لين احـرر كـل قيـد ٍ فـي يـدي

الله عطاني من مفاتيـح الكلـم .. والله عطـاك
رحابة ٍ تملا مقـام سهيـل فـي عيـن الجـدي

على جبينـك كـل ليلـه ودّي افـض اشتبـاك
جوارح ٍ بالوجد تمشـي بـي .. وبالهـم تعـدي

مالي ملاذ امرر اوجاعـي علـى متنـه سـواك
وانت اجودي .. لكن ضيق النفس ماهوب اجودي

يضفي علي من العنـا مايملـك الحـال امتـلاك
في حينهـا بـدءاً بروحـي وانتهـاءً بجسـدي

اصبحت مابين التعب والضيق كني غصـن راك
اقلّ شي يبيّـن اوراقـي .. ويخلـف مقصـدي

لله ياقلب ٍ كثر ما اعطيت مـن صـدق اعتـراك
جرح تهادى بك علـى درب الغيـاب السرمـدي

في ظل عاتية الرياح .. الصبر مايقوى الحـراك
والعين عيّـا دمعهـا للحـزن الامثـل يهتـدي

مافيه شـي ٍ يجعـل الانسـان عرضـه للهلاك
الا الشجاع ليا استطاع ..وخانـه الحـظ الـردي





ماشاءالله
تواصل ابداعي وتميّز غير


للرمز .,’ عناد النفيعي





*


*[/align]

[frame="7 80"][align=center]

[poem=font="Courier New,5,deeppink,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يافجر عمري ومصباحي ومشكاتـي = هل ليّ بشـئ ٍ تخلـده عباراتـي ؟
شيئٌ تُضئ لـه الدنيـا بمارَحُبـت = من صُلب ِ دمّي ومن همّي وابياتـي
انشُدكِ عُذراً بسمع ٍ منـك ِ ناتجـهُ = يُقايظُ الفقدَ عن توطيـن ِ أشتاتـي
دعي لي السهد أنى كُنـتِ نائمـة ً = فالسهـد ارض ٌ تعانقهـا براءاتـي
واستوطني بسـلام ٍ بيـن أروقتـي = إني على مُقلتيك ِ جِئتُ بالآتـي :-
ان لم تـري انـك الدنيـا بأكملهـا = وانك ِ ذات نبـض ٍ زُج فـي ذاتـي
ولم تري عنك اضلاعـي تراودنـي = من كل حدب ٍ لكي تقتـات زفراتـي
ولم تري غلظّـة الأيمـان حاملـة ً = اليك عهدي ووعـدي وابتهالاتـي
فما اقول ؟ وماقولي ؟ ومـا تعبـي = ومن تكون بحق الـرب مولاتـي ؟
ياربّة الحسن ِ .. يا أنثى ً تحاورهـا = في كل صبح ٍ ظنونـي واحتمالاتـي
متى تكفيـن عـن كبـر ٍ بـوادره = تُحاوِلُ النيل َ ظلما ً من قناعاتـي !!
اما علمتي بإني عشت في نصـب ٍ = يسومُ حالي لصدقي فـي اتجاهاتـي
قد اخسر الكـون اجـلالاً واكبـاراً = لفرطِ جـزء يسيـر مـن ولاءاتـي
لكِ من الروح ماللروح من جسـدي = ومستـقـرٌ تـداولَـه ُ كُريـاتـي
فلا تُطيليـن بُعـدا ً اننـي رجـل ٌ = أُطاولُ الغيم حتـى فـي انكساراتـي
تحرري من قيود الخوف وانتصري = لنا .. وللحب .. ان شئت ِ ملاقاتي ! [/poem]



للداهيه
والمبدع
والمثقّف
والمبهر
والجميل
والرائع
والمتدفّق
باالمختصررر


...عنــــاد النفيعي[/align][/frame]

[poem= font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
كم صيحةٍ منها تكدر صفو ذيب=وكم واحدٍ جت هقوته دون ضنّه
وارزاقنا في يدين من يعلم الغيب=اللي وعد خلقه بنار(ن) وجنّه
ما يحسد الشايب على كثرة الشيب=لو يحسد المولود في صغر سنّه
العمـر سـاعه والدقايق مناديب=وسود الليالي ما عطنّه خذنّه
ما به بشر ما انتابه الشك والريب=عذر الحياه حظوظ والموت سنّه
الجهل في غيب الأمل والمطاليب=علم اليقين وفاقد الشي كنّه
يعرف عن تريحيب شلفا تريحيب=ومعزب الضيفان نجره يدنّه
طيور شلوى مدميات المخاليب=تمسي ويصبح صيدهن في مغنّه
العرف زاد وملح ماله معازيب=مشروب فنجاله وهيله وبنّه
حنْ الولد من ترك فعل المواجيب=والاّ لفعل المرجله لا تحنّه
العيب برهان الردى والعذاريب=والطيب ماله في هل الطيب منّه
ياذيب لاجاك العشا في المراقيب=منك الرعايا عدها مطمهنه
كم صيحةٍ منها تكدر صفو ذيب=وكم واحدٍ جت هقوته دون ضنّه[/poem]

لــ فهد بداح السهلي ...

[poem= font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
انهزام النفس ينهي طموح الانتصار=والثقافه تثري الفكر وتزيد الوعي
والعقول النيره منبعٍ للابتكار=ثابتٍ مبدى الخبر يدّعي من يدّعي
الشعر له منهجيه ولافيه احتكار=كان قبل الاصمعي صار عقب الاصمعي
والدعايه شي والنشر باب الانتشار=والسعي لاصار له ساس ماخاب السعي
قرّت افكاري ورميي على الشاره قرار=باقي احيي نديمي وودع مضجعي
ودنا نختار لكن مافيها خيار=ياهواجيس اقبلي ياهواجيس ارجعي
لو بحور المعرفه تصطفق ليل ونهار=الحقيقه كل شربي على راس اصبعي
ماتعلمت المهازل ولا لعب القمار=اعرف ادروب الرجاجيل واعرف مرجعي
مار يادنيا الفنا للعمار وللدمار=يوم وجهك شان ما زان والشاهد معي
سافرتبي ذكرياتي على كل الديار=واصبح التفكير كنه مبنّج موضعي
يا إلهي فزعتك قبل تعطيل العشار=دايم اذكر مطمعي طاعة الله مطمعي
الكلام ابغايته والحقيقه باختصار=يالبيب القلب مصرعك والا مصرعي
الجهل لولاه ماصار للعالم وقار=والردا لولاه ماننعي الطيب نعي[/poem]

لــ صالح الناصر

[poem= font="Simplified Arabic,6,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
طاح العتب .. ما هيـب لحيـة مشاريـه=خل الكـلام .. و حبـل الأعـذار طـوّه

ما راح اقول أشلون .. او كيف .. او ليه ؟=تـرى السـؤال بـدون أجابـه مـشـوّه

العذر مااات .. و مـات همـه و رااعيـه=و الجرح جف .. و جـف غيمـه و نـوّه

صاحبك ضاع الهـرج مـن بيـن أشافيـه=مـا كنّـه اللـي كـان قبلـك .. مـفـوّه

يجمع لـك مِـن الشعـر فاخـر معانيـه=و يمـوت عنـدك قبـل فـيـه ايتـفـوّه

ليـه أنصـدم ؟ و تخـون قلبـي هقاويـه=و يطيح نجمـي .. و أنخـذل فـي علـوّه

أصدق مع الواحـد و احبـه .. و اثاريـه=طـوول الليـالـي معتبـرنـي عــدوّه

لا يـا بعدهـم .. و أول الغيـث تالـيـه=و أنت اتعرف قلبي .. و خيـره و سـوّه

يمكن لو انك قلت غلطـان .. قلـت أيـه=مير البـلا انـك قلـت .. ناقـص مـرّوه

قل لي متى شحيـت فـي شـي ٍ أعطيـه=و قل لي متى صـارت محبتـك .. خـوّه

يصعـب علـى الرجـال يثبـت مباديـه=و ان كانه اثبـت .. كيـف يثبـت سمـوّه

الله يبيحـك عــن خـطـاك و تمـاديـه=و يبيـح قلبـك عـن خـطـاه و غـلـوّه

ما دام حبـك خالطـه شـك .. مـا ابيـه=حب العتب و الشك .. مـا اعيـش جـوّه

ما كنّـي اللـي كـل مـا تلمـس ايديـه=يغمـرك بأحسـاس و حـنـان الأبــوّه

و ما كنـي اللـي كـل مـا مـر طاريـه=ضج الفضـا باسمـه .. و عكـر هـدوّه

يـا مرحبـا بالـجـرح .. و الله يحيـيـه=لا صـار مـن يمنـاك و الجـرح تــوّه

بعض الجروح ان صابـت القلـب تنهيـه=و بعض الجروح .. تـزوّد القلـب قـوّه

الله كتب .. و القـوس فـي كـف باريـه=و اللي تشوفه يا أبيـض الوجـه .. سـوّه[/poem]

لــ عبدالله ذويبان

المشاركة الأصلية كتبت بواسطة سداح

السلام عليكم ،






في من يستحق رغم تواضعها ،



[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]قرايح الشعر لا هبّت عليها الهبوب=أمّا أنهكت حيلها وإلاّ برت حالها
وأنا عليّ الهبوب تهبّ من كل صوب=ما قد قضت ليلة ٍ ما جيت في بالها
ما كنّها إلاّ عليّه من كبار الذنوب=تعدّني من هضاب الارض وجبالها
وأن جيت أدوّر على متن السحابه ركوب=يردّني رعدها عن بارق خيالها
لكن على الهون واللي في ضميري تجوب=أحطّها من ضمير ٍ حيّ وأشتالها
مع ضيـّقات الدروب ومع وساع الدروب=قلبي على فاله .. وعيني على فالها
يا طيـّب القلب يوم أنّي فتشت القلوب=الرفقه الوافيه يضرب بك أمثالها
كم صحبة ٍ لا أحتمت شمس القوايل تذوب=وصحبتك صم الصخر يكسر على جالها
المرجله تحت ظلك وأنت رجل محسوب=وأكيد ما للمراجل غير رجـّالها
يوم أنّها عند غيرك من نجاح لرسوب=عندك شهاداتها ما عاد يبغى لها
جنابك السمح ما شفنا به اللي يشوب=منك المكارم تبثّ ونلقط إرسالها
يا الغالي الوافي الشهم الكريم الرحوب=شخصيّتك في زمنـّا قلـّت أشكالها
سبحان من يلهمك عند اللوازم تنوب=حباك نفسٍ كسبت الناس بخصالها
تحمل مزايا كثيره يا قليل العيوب=جمايلك وأنت راعيها وجمّالها
مثلك وشرواك يثّر في حياة الشعوب=وأن قيل من قالها قل صاحبك قالها
يا ناصر الهاجري عسى فداك الكذوب=والله ما أحطّ المدوح إلاّ بمنزالها
عز الله انك زعيم مكمّلين الوجوب=ننشر لك البيض وانت موثٌق حبالها
تشهد لك أهل الشمال وتشهد أهل الجنوب=والكلمه الصادقه تذكر وحنـّا لها
ماهو علشان يوم أهديتني لاب توب=لو أنّ منك الهدايا سعد من نالها
إلاّ علشانها قامت في صدري تجوب= وأبديتها .. والخلايق مالي ومالها[/POEM]


وسلمتوا ،

لله درك يا دكتور

..

[poem= font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
وش بعدك امن العين يا بارق الصيف = الا ّ يدي وش بعدها يا سحابه
أفرطت في طرد المزون المراديف = واعذرت في حزم ٍ تقطّع سرابه
مافي هجوس الشعر والله معاريف = واشعور شاعرها ما تحسب حسابه
تجرح شعوره عند بدع المحاريف = وتلطم جروحه لا نوى بالكتابه
ما كنّي اللي في جميع المواقبف = جدد شباب البدع.. وأفنى شبابه
حب ٍ سقط بين الضلوع المهاديف = اللي تعيفني بقوس الربابه
لا شاله اللي فالمجارير حرّيف = خف الجمل شاله جناح الذبابه !
أقبل بصدر ٍ رحب .. وأعوّد امعيف = يا شقي عيني ، واقدمي يا عذابه
لو كان ما ضرّيتها بالمناكيف = أبدي و لو هي وقفة ٍ بـ . انقلابه
أقلع ثنايا هم مثل ( الشناضيف ) = وأرقع رباعيْته . وضرسه . ونابه
ذقت الوزى ما هوب ( من عرض ما شيف ) = وأوزيتها بين إنشراح .. وكآبه
وأزريت أغني بيت واحد على الكيف = حتى بيوتي صار فيها طلابه
تعومست روس الطوال المشاريف = عقب العمس فلـّى بروس الذيابه
هبّي عليّه نود والا ّ عواصيف = من حرّ مابي كلّبوها تشابه
ابن آدم معرّض لجور الصواديف = والشاعر موكّل عنه بالنيابه !
سم العقارب .. في قلوب المواليف = وسم الأفاعي .. في قلوب القرابه
أكبر مشاكلنا على رفّ الأرشيف = وأصغر مشاكل روسنا .. فالعصابه
أما جمعنا مال والا ّ سواليف = والا ّ تعلوقنا ضعيف الحزَابه
تعمي سديد الراي كثر التصانيف = والفاس تبغا راس راع الحطابه
ما يخلف الرجال .. غير التحاسيف = اللي تحوّل به على كل جابه
كسر الروتين .. يزعّل الجار والضيف = يا ضايقين امن الملل والرتابه
( خمسة عشر فنجال ما قهوت حنيف ) ؟ = ما هيب في نهج النبي والصحابه
كم جاهل ٍ ما فاد فيه ( أل ) تعريف = وكم عارف ٍ مجهول كل ٍ درى به
تمرجلن يا زاهيات النفانيف = الوقت ذا ما فيه شي ٍ ما جابه
اليا سلمنا من علوم الملاقيف = جعل المقدّر ما تونّي ركابه
ما دام ماني خايف و وضعي امخيف = وارجي ثواب الله .. واخشى عقابه
إن عشت في وقت الرخا .. ماني اضعيف = وإن متت .. ما تبكي عليّه ( عتابه )[/poem]

لــ عايض النفيعي

[poem= font="Simplified Arabic,5,purple,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
هبّت نسانيس الصبا/ والهم في صدري.. قطن= والرِجل ترقب للفرج/ واستسلمت لأمر القضا
النفس شالت ..حملها والقلب ماعيَّن.. وطن!!=والصبر سلّم رايته!! من عقبها ضاق الفضا
وشلون ؟ مدري!! لكن الدعوى /لها ضهر.. وبطن=من لا يهوز الكايده / يصبر على جمر الغضا
ألدْ عيني للجدي وسهيل وماري.. قطن= واثر الجدي وسهيل دونه درهمت عوص النضا
وش حيلة اللي خانته دنياه وجروحه ..سطن=أبطى يداوي نزفها والمشكله صبره قضا
لا خال برّاق الحيا ؟فكره عن العالم.. شطن!= أشملّ بها /واجنبّ بها والا الرضا ما من رضا
أثر الليالي ؟لا وطن! يامسندي.. وطن.. وطن = ما يرحمنّ المودماني / لا وطى درب العضا
اضحك مع اللي قد ضحك/ ورطن مع الي قد رطن=والنار شبّت فالضلوع ..الحدْب وشتد اللضا
لا زيح طنٍ داخلي!! يجتاحني عشرين طن!!=واللي مضا ما هو براجع/ ليت يرجع ما مضا
هذي دواليب الدهر/ يالجاهل اللي مافطن؛=اما كسبت الطايله / والا بها غيرك حضا[/poem]

محمد المورقي

[poem= font="Simplified Arabic,6,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
تكـررت عقـب البطـا والتقينـا=من عقب ما مرن سنينٍ طويـلات

في صدفـةٍ فيهـا حشـا مادرينـا=ولاهقينـا نلتقـي عقـب مافـات

لاشـك جابتهـا الليالـي وجينـا=رغم الفراق ورغم ذيك المسافـات

في موقـفٍ بـان التوتـر علينـا=لحظه تلين إبها القلـوب القويـات

قالت شلونك قلـت ربـك عوينـا=الحمد لله عاضني عقـب لوعـات

الله رزقنـي فـي هنـوفٍ تبينـا=احيت خفوقٍ كان بإعداد الأمـوات

هي نور عيني فرحتـي والضنينـا=ألقابها عن ضيقة الصدر سجـات

قالت سليت وقلت عقبـك سلينـا=لكن عقب مالاعنا الحـب مـرات

قالـت شلـون وقلـت لاتسألينـا=مافات فات ولا تفيـد الحسوفـات

قالـت تكلـم قلـت مهمـا حكينـا=الدمع ماينفع عزيـزٍ اليـا مـات

قالت نسيت وقلـت لامـا نسينـا=لكن قنعنا والقناعـه مـن الـذات

قالت أروح وقلت وش فـي يدينـا=روحي عسى في كل خطوه سلامات

بصبر على فرقـاك مهمـا حيينـا=ولا تشـوه صـادق الحـب زلات

قالت علـى ماكنـت دنيـا ودينـا=تكرم ونكرم عـن دروبٍ رديـات

قلـت اسمحيلـي قبـل لاترحلينـا=يم الديـار اللـي علينـا بعيـدات

تـراي ذخـرٍ لاحدتـك السنينـا=اجيك مهما واجهتنـي صعوبـات

من اليوم اخوك وغيرها ما بغينـا=كلي فداك ان صار بالوقت ميـلات

وتبسمت بإعجاب مـدري حنينـا=وتهشمت قـدام عينـي بعبـرات

قالـت فمـان الله قلـت انتهينـا=واقفت تكلم نفسها بـس بسكـات

وقفـت تقديـرٍ لهـا ثـم مشينـا=دربٍ مشوه اهل القلوب العفيفـات

امشـي واردد ليتنـا ماالتقيـنـا=وش جابها عقب السنين الطويلات [/poem]

سعود الردعان الهاجري

المشاركة الأصلية كتبت بواسطة محمد الفارس

اليكم - - أخواني في الله - - اليكم


[poem=font="Simplified Arabic,5,black,bold,normal" bkcolor="transparent" bkimage="backgrounds/1.gif" border="none,4,silver" type=2 line=1 align=center use=ex num="0,black"]
ياللي تنادينـي علـى راس سلـوم = وشفيك تعزمني على راس شيشـه؟

ما ظنتي تجهلـك عـادات وسلـوم = كان الزمن غطا على القلب خيشـه

ان كنت متضايق ومرمي ومهمـوم = نبي نحطـك فـوق هـاك العريشـه

ونسوق لك فنجال طيـب ومحكـوم = يجلـي عماسـك والتكـدر يطيشـه

عقب ٍ نجيب الك الشحم وأقطع اللوم = هاك السمين اللـي يشبعـك عيشـه

تمد بـه يمنـاك وتفـارق الصـوم = وتـذوق قرصانـه ولـذة جريشـه

أخير من رجل ٍ يضيّفـك ( حلـوم ) = عقب المجاعه والتعـب والكديشـه

ارتاح من فرقـاه وانحـاش وأقـوم = وأبيـع قعـدات الرجـال الوحيشـه

الطيب النشمـي معـزز ومحشـوم = والديش ما يرتاح لا غـاب ديشـه

الفرق واضح بينهم كوم عـن كـوم = مثل المسافة بيـن عرعـر وبيشـه

وانا احمد الله شاعر ٍ وأفرق السوم = ولا نبدع القيفـان لأجـل المعيشـه

رسام وارسمها على الرسم راسـوم = رسام معنـى دون لوحـه وريشـه

الشعر يكتبني وانا عنه مـا أشـوم = وأسخـر الابـداع وأقـود جيشـه

وأحب من بـد الغناديـر ( فطـوم ) = كهرب غرامي عنـك ماتـل فيشـه

ما أحب اواعدها وانا طيـب القـوم = من بيـن بابيـن ٍ كبـار ودريشـه

وأنته تناديني علـى راس سلـوم ؟ = وتقول ابا انومسك في راس شيشه ؟

أخاف من وقت ٍ يجي ننقـل البـوم = والحر عقب الحوم منتـوف ريشـه [/poem]

لـلمبدع / الفارس , محمد

[poem= font="Times New Roman,5,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الشرايد تزدحم والفكر صافي=ما بقى لي غير ترويض الصعيبه
الهزل يظهر وتسفيه السوافي=والجزل يبدا شبابه من مشيبه
والأدب وافي وانا رجال وافي=يعتني بي كل ما قمت اعتني به
تمشي الايّام وتبين الخوافي=ما لأحد صدّه عن امواجه نصيبه
لي زمان اغفى وانا مانيب غافي =وابعد الهقوات وتعوّد قريبه
الصدور تشاف والا ما تشافي=الحلوق اترجم النفس المريبه
ان وقفت أسرفت وان طحت امتعافي=ما حسبت حساب للذيب وقنيبه
فالدروب وفالبلاد وفالفيافي=مبصر وعميان ربعه تقتدي به
الرجل لا صار يسمع كل هافي=راحت الدنيا ولا عيّن صحيبه
والردا ثوبٍ لجسم اللاش ضافي=والمكارم للرجل حشمه وهيبه
أحترمت اسمي قبل طرقي وقافي=تربية من كل ربعه تعتزي به
من مشى مع شلّة الحافين . حافي=لو يمجّد لي علومه ويش ابي به
ما يسوق الضيق للصدر المجافي=غير من يستضعف اللي زاد طيبه
الأكيد اني ما احب انظر خلافي=والغريب ان اغلب العالم غريبه
يالسنافي خلّ صاحبك السنافي=لا ترد العلم فيه ولا تجيبه
ذمّة الطيّب من الناقص .! عوافي=وذمّة الطيّب من الطيّب مصيبه[/poem]


ناصر مناحي

[poem= font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
عدد ما لاح برق ورف جفن وسيقت مخيله=وعدد ما استبشرت عين وروت من سوق راعدها
وعدد وبل المراديم الثقال وما مشى سيله=وعدد فيض الخباري والحيام اللي تواردها
وعدد ما ضمن (السعدي) من الاريا بتاويله=وعدد ما خذ عنه ناس(ن) صحيحات(ن) عقايدها
وعدد ما بان مُبهم فـ.. العظيم الحقّ ترتيله=وعدد ما شاع من دعوى الضلال وجاء وبددها
وعدد ماينبغي للمرء فـ ..الإدراك تاصيله=منه وأسمى المعاني فيه رب الكون جسّدها
الا يامرحبا بالشعر واللي ثاقب(ن) ليله=عقب ماطاله من عسام دون(ن) ثارته يدها
عليها منه يوم أغشى مية خيبه وترزيله=وعليه من النجوم أضوى وبيّن في مراصدها
شكاني للغياب وقمت أنا ياغيابي أشكيله=من إجحاف المراصد وإحتكار العتمة أجودها
أضف إن الملل ينتابني وبجرمك أمليله=إذا ضاق الفضا باللي كبر وسعه تواجدها
وإذا أصبح شغلنا الشاغل هو إجماله وتفصيله=نحاول قد مانقدر له الصفحات نفردها
ولا جدّ فـ .. زمنا شي في علمه وتحصيله=مغير علوم هذيك الحقب دايم نرددها
وبدل مانجتهد والصعب نسعى لجل تذليله=تفاجأنا نفوس الله يعلم في مقاصدها
بحيث إن الجمال اللي غرقنا في تفاصيله=بعيد(ن) عن نطاق أفكارها واللي يراودها..
.. فقط رصد الخطأ وفـ .. أضيق حدود يتم تسجيله=كأن لم يُخلقوا إلا للأخطاء وترصدها
والأدهى نفي من عزّت على أغلبهم مواصيله=حشا في ساحته ماشفت امر من ذلك أو أدهى
وأنا في ظل هـ الاسباب وفـ.. ظل التداعي له=أشوح وباقة الأفكار في قمة توردها
مع إني لاعبث منفايه أشعر بإحتياجيله=وأسطر من خلاله صفحة الألآم وأسردها
عنيته بالحمول وخابره يستاهل أعنيله=من اللي لا كمن بالروح بذّ الروح وأجهدها
عقدها في وثاق الضيق وعن إلها الشقا خيله=وفاخت جملة حبال الصبر موثق معاقدها
وقصا متني وأنا متني يشيل ومضهده شيله=كأن إدلا الرشا فوقه تجذّب من مواردها
لك الله يالخفوق اللي حتوفه بيّدت حيله=تلحفه المواجع من رهاها ويتوسدها
لك الله لاغفا جفن السهاد بخدرتك ليله=على عرد الدروب أسرج ضلوعي وأنت قايدها
عذاب أدري تعب ممشاي لكن مابيدي حيله=خطير(ن) تتلف الخطوات بدروب(ن) تباعدها
وخطير إليا نهدت وصحت من شدة تهاويله=تفوق جفون في خدر الحنايا طاب مرقدها [/poem]

أخت من طاع الله ...

[poem= font="Simplified Arabic,5,crimson,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يا من تشاورنـي وبيّنـت خافيـك=ان قلتلك كلمة صحيـح احتملهـا
لاطالني مـرك ولاذقـت حاليـك=خوّة صدف وقتك جديـراً بأجلهـا
ومن واجب الخوه ابـرك واداريـك=واضغط على نفسي واخفي زعلهـا
ولابد ما تقفـي وغيـري يخاويـك=ويبين لـك نجاحهـا مـن فشلهـا
من خبرتي تـوّك تجـرب مساعيـك=وجديدها ما يخبـرك عـن سملهـا
اصبـر ودورات الليالـي توريـك=وتاخـذ عبـر بحداثهـا وتعقلهـا
لكن انا بعطيـك نبـذه ووصيـك=والباقيـات الله بغيـبـه كفلـهـا
من واقعـك لاتبنـي الا مباديـك=اللـي يجنبـك النفـوس وجهلهـا
ومن الخيال ابـن المدايـن بياديـك=وبعـد البنـا هـد المدايـن بهلهـا
وارفع مقامك لايجي فيك تشكيـك=ثقتـك فـي نفسـك يقلـل زللها
واحذر تجامل واحـدٍ مـا يدانيـك=لوحاجتك دونـه ضعيـفٍ أملهـا
ترى الدسائس بالعمل مـا تعليـك=اختر جـزال سمانهـا عـن هزلهـا
عملك بعيـون الرجاجيـل يحييـك=وان كلفوك بكلمـة الحـق قلهـا
ولاتلتفت للي مضى مـن لياليـك=ما فات مات وقولتـك لـو زلهـا
اللي يفوتك فات غيـرك وقافيـك=امـور وان فاتـتـك دوّر بدلـهـا
وخل الطمع دايم عـدوّك وتنبيـك=دنياك عـن نـاسٍ طمعهـا خذلهـا
رزقك مسجل وانت في الرحم ويجيك=وارزاق غيرك ماتجـي غيـر اهلهـا
كل الامـور مثبتـه عنـد واليـك=وروس القمم ما خلدت من وصلهـا
دنياك لوتضحك بوجهـك تبكيـك=والنفس ماتدري متى وقـت اجلهـا
انصحك لاتركض وراهـا وتغريـك=هـذا رحـل عنهـا وهـذا نزلهـا
اللي يمشي ركـب غيـرك يمشيـك=والباقيـات الصالحـات وعملـهـا [/poem]


مساعد بن جبران

المشاركة الأصلية كتبت بواسطة ناصرالأحمري

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الهواجس راويه والمهوجس ذاوي = والبحر محباس والقافيه محبوسه
يالقصيد السارح ويالقصيد الظاوي = المفالي كلها قبلنا معسوسه
وش يودينا لجاوه نجيب الجاوي = وربعنا الخالي نعرف إيش تحت طعوسه
مشكلتنا المحترف ما يحب الهاوي = ومجتمعنا شين وأوضاعنا محيوسه
والله إن نبطي على وضعنا المأساوي = ننتهي من حوسه ونبتدي في حوسه
دام روس القوم يلوي عليها اللاوي = أمحق أمحق قوم روسه تحب هيوسه
فضّـلو رابح على محمد المنشاوي = وقطـّعو المتراخيه وأرخو الممسوسه
وخلّو الشاعر يوقف مكان الغاوي = وعلمو المحروس يلعب مع المحروسه
ونطـّـقو الجداوي بلهجة الجهراوي = والخطط هذي على ما أعتقد مدروسه
شدّ حيلك يا إتحادي ويا نصراوي = وأعطي الجمهور يا بنت بقعا بوسه !
والنتيجه عان نجم الزهاري هاوي = وقام أبو كبّوس يمسح على كبّوسه
وقمت أنا متضايق وخاطري متلاوي = والسقوط المعنوي علةٍ محسوسه
وصيحة اللي يكتوي ما تهز الكاوي = وطيحة الغارس بعدها تموت غروسه
أسمع الواوي يواوي وأكب الواوي = ليه أدس الظاهره وأكشف المدسوسه
بيني وبين النقا والشموخ يساوي = والزمان يلقن الصابرين دروسه
من يعاف المزدوج يمسك الصحراوي = لايقول أن المسافه مهي مقيوسه
وأنت ياللي للمسافات دايم طاوي = موترك مضبوط ماهي تحن تروسه
حمّل الركّاب ياراعي التسعاوي = والمسافه تنقطع حسب وزن الدوسه
الزحول اللي معـك شلّـة الزحلاوي = لا تـراعيهم ترى جيوبهم متروسه
ولاتقول إن الجبل فيه ذيب عاوي = من بغى الطاله يدك الخطر ويدوسه
المراجل كايده والزمـن ما ياوي = لكن عقول العرب ناخرتها السوسه
يتركون العامر ويزبنـون الخاوي = والولد ملحوس وأخت الولد ملحوسه
كثرو المرضان يالربع ويش نداوي = ذا يكحّ وذاك تصلب عليه ضروسه
بس أنا لاني بقاوي ولا متقـاوي = وش علي لو رفرفت رايةٍ منكوسه
الروايه ما توفــّـت ومات الراوي = لا يدوس العلم من يجهله ويحوسه
موجزٍ قلته ولاني لشـرحه ناوي = والحـروف مرتـّبه والجمل معكوسه
هوبلة وبـّال مدري مغنـّي شاوي = بيّـنه واللي يقول إنها مطموسه
ماله إلا ينشد دغيـّم الظلماوي = عن علوم اللي شرى غايته بفلوسه؟![/poem]

صح لسانك ولا هنت

[poem= font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لاتبكين جعل الله يبكيّ من يبكيك = دموعك سبب حزني وهمي وغربالي

ذبحتيني بنبرة حنينك وانا احاكيك = تقولين ماكنك تمرين في بالي

وانا من كثر مااغليك ماني بطاوع فيك = يموتون ماوصلو لطاريك عذالي

احبّك ولا فكرّت في ساعه اخليك = وانا داري اني عندك اغلا من الغالي

مايحتاج ابرر لك مايخفيه لك مغليك = شواهد اقلوب البث من طيب الأرسالي

ركايز محبتنا ماتبنى على التشكيك = ماهي من ركايز مجتمع وقتنا الحالي

تراعيني بعينك وانا بعيني اراعيك = وتقولين هذا لي .. وانا اقول هذا لي

وتجيني تزفين اصدق العشق وانا اجيك = من اقصاي .. ماكنيّ بأحاسب ولا أبالي

عماوي هوى ماله مقدّي .. وبوش بريك = تخالف امبيراته .. سبب ضغطه العالي

مافي نبض في قلبه ماينبض على طاريك = تقول انّه مبرمج على ارسال جوّالي

وتقولين وينك فيه واقول مستنيك = على اول ضفاف الحلم يأخر أمالي

واقابلك والعن كوثر البعد واحييك = والومك وانا ماني بلومك على الخالي

واطوّف خطاك وسامح الله ترف يديك = تنسيني الاول قبل لا أذكر التالي

وانا أنسان والأنسان مابين ذيك وذيك = مايدري يجيب العيد والا يورالي

يضيع البنا ادم بين فديتك ولبيك = ومما تيسّر من ذوي يابري حالي

ياحلو الكلام الليّ يحرّك مافي خافيك = يترجم لك الحالي من السانه الحالي

ولا احلا من الحالي سوى جمرتينه تيك = تغربلك همستها جعل مالها والي

اكابر بعض الامرار ماكني اداريك = وانا ادرى عليك امن الهوى كل مامالي

علي نذر كان الله محييني ومحييك = مابدّل بزولك يابعد كل الأزوالي[/poem]

فالح بن قشعم

المشاركة الأصلية كتبت بواسطة مشعل حمود

اخواني اليكم هذه المشاركة المتواضعه
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

لاتحسبن النعم هين ليا قيل=لكل من قالو لك اسمه تقوله
ماهوب بالاسمى وكثر الدهاويل=ولاهوب في جبر البنادم وطوله
النعم تزهاه الرجال الحلاحيل=ولا الردي والخبل ماهم بحوله
اله شروطن ماعليها مداخيل=ومن كبها ماهوب ويا الرجوله
يزها رجل راعي صلاتن وتهليل=والحكي والقول الردي مايقوله
يزها رجل وقت القسى يذبح الحيل=يفرح ليا من الطراقي لفوله
يمسون ضيفانه على البن والهيل=ومفطحن حب البشاور كموله
ولاهو على الغرات راعي مخاتيل=ماشيف في غرات الاجواد زوله
ويدمح خطا ربعه ويجزع من الميل=على رفيقه من عدون يطوله
واله بقلب ابوه وامه منازيل= وليا اصبحو ولاليمسو دعوله
ويشيل حمل اللي عجز ماقوى الشيل=سعد الرفيق وعز للي عنوله
حلال عقد مشربكات المحابيل=لاعمست اشور العباد رجعوله
هذا شروط النعم من دون تفصيل=هذا مدى عرفي وهذامقوله
وارج السموحه يالرجال الدواليل=ومن اجتهد واخطا الرجال اسمحوله[/poem]

\
/

ولا أجزل صح لسانك

المشاركة الأصلية كتبت بواسطة سلطان بن بتلاء

السلام عليكم


جديده كالعاده اتمنى قبولها :




[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]

تغيرت نظرتي بأغلب علاقاتي=اصبحت احط الثقه بآخر محطاتي

من كثر مااسمع واشوف احداث بالدنيا =احيانا ً اخاف من ذاتي على ذاتي

احرص ولاكل من يحرص يبي يسلم =من ألسن الناس واشباع الملذاتي

نموذجية حياتي تعجب العالم =لو انها عكس رغباتي وعاداتي

دوامي .. وبيتي .. ودوامي ..وبيتي=هذا نظامي ولو ماهو بمشهاتي

الفوضويه بطبعي لكن اكبتها=والمشكله لاتزال تعيش بابياتي

ايقنت بأني اذا ابغى الصوره الحسنه=لابد مااعيش على موت نزواتي

احاول اعوّد اخلاقي على الاصلح=وابحث عن المفترض واسج خطواتي

انسان ولااملك الا قلبي الابيض =ولكاعتي.. ماتنافي حسن نياتي

تعالي وكل زله منك مقبوله =اذا حضورك يفك اسر ابتساماتي

تراي ويّاك ماني مثل مع غيرك =لان محد ٍ سواك يفك شفراتي

اخبر نفسي ثقيل وكل ماشفتك =اصير مثل الطفل تكثر حركاتي

(معك) اشعر ان القلوب نظاف مازالت=ومعك اشعر اني بديت اطلع من سكاتي

(وفيك) اكتب اعذب بيوت الشعر واشطبها =استصغر افكاري وتضعف عباراتي

(ومنك) اتعلم دروس العشق وادرسها =وقلبك هو اللي يناقشني رسالاتي

مدري وش اقول لك والا وش اترك لك =اهواك واشتاق لك في كل حالاتي

ومع ذلك ان جيت ابذكر خنت كم مره =من كثرها يمكن اجهل كم خياناتي

خنتك وحتى ضميري مايأنبني =ابطيتي بجيتك واحتلت حيلاتي

لكنها خيانة ٍ ماهي بمذمومه =مع طيفك اخونك بموطن خيالاتي

امزح معك وانتي احد يحبك يخونك؟=اصلاً كمال الجمال انتي بنظراتي [/poem]

صح لسانك ولا هنت

لحون الفراق
لـ المبدع / عفاس بن حرباش





[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ما آن لك عن حضورك تفهقين الغياب = الكون في حاجتك يا شمسه الشارقه
الشعر ماعاد ودى في غيابك وجاب = الا لحون الفراق ودمعتن حارقه
من غيبتك مابقى للشعر قافٍ شباب = قدح به الحزن شيب ولاح به بارقه
مراكب الحلم في بحرك تعيش اغتراب = شوفي مجاديفها في بعادنا غارقه
انا عشقت الرحاب ولا لقيت الرحاب = حتى ابتسامي من يدين الزمن سارقه
انتي تحسين بالراحه وانا بالعذاب = مشاعرً عن مشاعر فالهوى فارقه
كان الغلا شجرةً تسكن بقلب الخراب = من بين فقر الجفاف الشجره الوارقه
كلت يديني وانا اطرق للوصل كل باب = ولا يسمع الباب فالدنيا سوى طارقه
قلبي وانا في غيابك متعبين الركاب = نرافق الحلم يوم وعشره نفارقه[/poem]


..