بوح المشاعر..!حديث الذات..!

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
حتى صباح العيد شآحب بليآك = يشبه صبآح احزآن ( غزّه و يآفه )

آتنآسى الدمعة واحلم بلقيآك = واصحى على صوت الالم يا حسآفه

هآك القصايد انثر افرآحي هنآك = وخلنا نعآيد يا حبيبي..( المسافه )

( كل عآم وانت بخير ) يا درب ذكراك = اقسم ورب البيت كل عيد اخافه[/poem]

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
هبوا لنصرة دين الاسلام بالحال=بحكمة المعبود يسقط نظام بشآر
في همة الوافين وعزوم الابطال=احرار عشتم وان توفيتم احرآر[/poem]

[poem=font="Simplified Arabic,5,firebrick,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]
صباحك احلى من .. زهور البساتين=يا زهر قلبي .. يابساتيـن روحـي[/poem]

«التفاؤل يمنحك النجاح قبل إكتماله والتشاؤم يذيقك مرارة الفشل قبل حدوثه. هي أمور نفسية أنت من يحسمها!»

هاذي ثلاث حروف لو قلتهـا آآه
لييتك بوصل الحب تذكـر حبيبـك



الصبح لو يدري عن الشووق والله
قبل شروق الشمس ليّـه يجيبـك

يالهفتي مشتاق لك

قد البحر..!

قد النوآرس .. والاماني .. والشعر ..!

قد الحنين اللي غفى ..

امس المسى ..!

قد الاسى..

اشتقت لك مافي صبر ..!

[poem=font="Simplified Arabic,5,firebrick,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
لا زهمت الشعر حيّا وطش العباة = والله اني على قوله سخين رهاوي
ان بغيتو على الردات ولا الحداة = وان بغيتو على شيلات (..عذب النداوي..)
اعسف القآف ليين القآف يمشي ثبآت = والمعآني لذييذه مثل .. تمر الحسآوي[/poem]

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]

اصحابي اللي بوقت الضيق مالقاها = لا شانت ايامي وزادت مصايبهـا

ما عاد ابي قربهـا والا مخاواهـا = يلعن ابو صحبتن ما كنت حاسبها

رفقة صحيب الرخا ما عاد نبغاها = لا صار ماتوفي الصحبه ابواجبها

العين غطا عليها الحزن واعماها = والنفس هم الليالي من مكاسبهـا

والعيشه اللي نحاول ماصفا ماهـا = لو تصفي شوي جانا من يغثربها

( حالي على ربي المعبود مشكاهـا = ماني على غيره ابشكي متاعبهـا )

اخاف كلمه من العـدوان ملفاهـا = لن العدى ضيقتي بالحيل تطربهـا

والا ابزله ضعيفن مـا تحاشاهـا = خبلن يثرثر ولا حسب عواقبها[/poem]

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا ذابل الشفه اللي هرجها خدري = يا ناعس الرمش في نظره .. وسلهامه

الخد .. يزها جماله وجهك البدري = والقد .. يزها وصوفه فارع القامه

ان جيت مقبل تناثر ليلك الغدري = ضافي جديلك على الساقين واقدامه

ترمي بسهم العيون وكان ما تدري = قلبي صويبك وهذي طعنة اسهامه

الليل بعيونك النجلا حفر قبري = من اول احلام عمري لآخر ايامه

الوقت .. لا شفت زولك مر بي بدري = كن الدقايق توازي ماضي اعوامه

الشعر .. ما يوصفك لو انتثر حبري = على الورق يا (.....) جفّت اقلامه

لكن عزايه احبك واقبلي عذري = القلب سيف المحبه ناوي اعدامه

لو مات حبك ياحبي ما نزل قدري = اشوم بأسمي وراسي رافع الهامه

ما يكسر القلب غير البعد يا جبري = ولا ينزف الجرح الا .. غربة اوهامه

وشلون ابنسي غرام ٍ نبضه بصدري..؟ = يا هاجس البوح .. والاحساس .. وهيامه..؟

ويا ذابل الشفه اللي هرجها خدري = يفداك حرف ٍ رسمتي بصمة ابهامه [/poem]

«شيئان يؤذيان الانسان : الإنشغال بالماضي، و الإنشغال بالأخرين!»

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
صبآحي لو تجين انتي اكيـد انـه..صبآحـي غيـر = صبآحي معك ما يشبه سوى..(اصبوحة الاحلآم)..![/poem]

[poem=font="simplified arabic,5,darkblue,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]

ياقلبي اللي بالهوى لاعبٍ دور=ياللي على كأس المحبه اساسي
لو ينجرح بالحب والله معذور=ياليتني من عقب فرقاك ناسي
ذاك الحبيب اللي جبينه من النور=حور ٍعيونه ذابلات ٍ نعاسي
الشعر ليل ٍ بين الامتان منثور=فائق على كل الجمال القياسي
كنت احسب اني بعدها غارق ابحور=واحس اني واقع ٍ في مآسي
وين انت ياعطر ٍمن ورود وزهور=يادنيتي يا كل ربعي وناسي
مشتاق لك في حالة احزان وسرور=شوق الصحاري للمطر بالدماسي
يانبضي اللي كله احساس وشعور=ياليلة الشعار بأحلى الاماسيَ
يااجزل قصيده قلتها بأجمل الحور= واروع قصيده قلتها من حماسي
بيت الغزل برموشها ماخذ ٍ دور=( هي ملهمة شعر الغزل من اساسي )
لك شاعر ٍ ماحط بأبياته كسور=مثل الجبل يبقى مع الوقت راسي[/poem]

[poem=font="simplified arabic,5,teal,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]

الله وكيلك لو منا اغليك وابيـك = ما ينزف الحبر الهيامي مهآبـه

انا من الويلان وان قلت انا آبيك = تأكد اني مـا خدعتـك بأجابـه

اولاد عدنان ان بغينـا نخليـك = فوق السحابه فأنت فوق السحآبه [/poem]

[poem=font="Simplified Arabic,5,firebrick,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]

صباحك اييشش..؟ ما ادري ولكني .. بديت اشعر=بأن الصبح مـن دونـك .. يقفـل كـل بيبانـه [/poem]

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
جاوبته ام المعاني فـي كنفهـا سلسبيـل=الحلى كلّـه رحيـق ٍ تشربينـه يابعـدي
شعرك بليل ٍتحدر خلـف نجمـك ما يزيـل=لو رفعته في يمينك يا صل لنجـم الجـدي
ما تضيع بنور نجمـك لا مشيـت ولا تميـل=خـل عينـك للثريـا والخفايـا مقصـدي
يالقوافي بعثرينـي لا غـدى ليلـي طويـل= وايلـي ٍدهمشـي ٍ ماعلـى كفـه نــدي[/poem]

مدام كلن حـسـابه عـند [ ربه ] وش دخـل النـاس [ تـنبـح ] ورا غلـطـاتنـا

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
تدري وش اللي يغبن الرجال وانفاسه تضيق ؟=انك تشوف اقرب صديق لك يهاجمك اقلمـه!

تدري وش اللي يقهرك لاجاك بالسان ٍ رقيق ؟=يخفي لك الحقد الدفين..وينطق المدح بفمـه ![/poem]

[poem=font="Simplified Arabic,5,firebrick,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]

الزين مثل الدرر يا قـوت=ولا كما عقـود مرجانـه
الخد فيه الندى مفتـوت=والورد يذبل على اغصانه
بعيونها من سحر هاروت=والليل الاسود على امتانه
الورد في دربها مكتـوت=والخوخ يقطف على شانه
لا شفتها قلت انا بآموت=ياروحي الروح عطشانـه


[/poem]

[poem=font="Simplified Arabic,5,white,bold,normal" bkcolor="seagreen" bkimage="" border="groove,5,white" type=2 line=1 align=center use=ex num="0,black""]
بـديت بسم الله بدع المثايل = الواحد اللي يسأله كل سايل

سبحان ربي خالق الكون والبشر = في اجمل التصوير واعظم وسايل

وانا احمد الله دولة الدين موطني = دولة هل التوحيد واهل الفضايل

المملكة عـز المواطـن وعزها = من عز روسن طايله كل طايـل

الديره اللّي راية المجد بأسمها = نفدى ثراها عن خطآ كل عايل

حنا مقابيس الوغى دون حدها = وحكامها آل سعود من صلب وايـل

اخوان نوره ذخرنا بعـد ربـنا = اهل المواقف والعطاء و الجمايـل

وكم دولة حلت عليها الكوارث = زلزال او سيل المزون الهمايل

بأسم الملك والدين والشعب والوطن = تلقى جسور الخير فيها حصايل

الله خلقنا نعمر الارض بالوفاء = ولا ثارت الهيجاء نشيل الثقايل

وختامها مني صلاة على النبي = شفـيع خلق الله يوم الهوايل[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
يووم ذاب الشمـع .. بأنفـاس العبيـر=رحـت كلـي فدوتـه ماصرت غـيـر

شاعر(ن) في حضـن دافـي واسمعـه=يعـزف الاوتـآر .. لخيـوط الاثـيـر[/poem]

صوت وصدى .. تشرفت بها بيني وبين صديقي وزميلي الشاعر عويد كسار العنزي ..بحر القصيد


[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]





عينك تشوف اطباع روحك مع الناس = وكل ٍعلى اطباعه يشوف الخليقه

كانك صدى صديت لوبيدك ألماس = وكانك ذهب والــناس لمعة بريقه

دهامشه والنعم يامعرب الساس = من ورث ابوك وطيب جد العريقه

يزبن عليك الهم ماشاف الاتعاس = ويزبن عليك الضيق ماشاف ضيقه

يزبن عليك الفقر ماشاف الافلاس = وانت الطريقه بأنعدام الطريقه

وانت الفخر فيك افتخر يرفع الراس = وفيض المشاعر بالبحور العميقه

وانت القصيد اللي نبض كل الاحساس = وعز الصديق اليا اعتزى في صديقه

مابغا امدحك في بيت يبقى بكراس = قلبك ذهب والناس لمعة بريقه

كان الفرج بالأرض يمشي مع الناس = انت الفرج من بعد رب الخليقه[/poem]


ردي له ..

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]



الصاحب اللي خوته ترفع الراس = مثل الذهب في معدنه في بريقه

اللي بنا بيت القصيده على ساس = مثلك حرام يشوف شي يضيقه

يا صاحبي حذراك تشكي على الناس = الله كريم ولا قطع بالخليقه

شمس القصيد وصبح غيم بالانفاس = شاعر وضوح ومنهجه له طريقه

اللي ملا روح المشاعر بالاحساس = بحر من القيفان قاعه عميقه

ما هو بها مصنوع شاعر بكراس = لو ضاعت الشعار تسلك طريقه

نجم القصيد اللي ضوي ليل الادماس = مثل العسل والحرف زهرة رحيقه

يا صاحبي لاهنت يا معرب الساس = عز الخوي لا قيل مثلك صديقه[/poem]