 |
 |
 |
||
 |
 |
|
|
|
|
||
|
|
|
27-12-2010, 02:05 PM
|
#133 | |
|
(*( عضو )*)
|
يـارب تهدينـي بلطفـك للصـراط المستقيـم
عفت الطريق الملتـوي وأقـدام رجلـي ملّتـه يا أجود جواد أعوذ بك .. وألوذ بك يا أكرم كريم قلبـي مبلـلّ بالخطـا والنفـس زادت بلّـتـه أنا اشهد أنّ لا إلـه ألاّ أنـت رحمـن ورحيـم وأنّ النبـيّ المصطفـى عبـدك وتابـع ملّتـه وهبتني نظم الشعر وأصبحت في الوديان أهيـم من هاجس ٍ عرّض على صفق الهبـوب وتلّتـه يجّرنـي وأخـاف يرمينـي لسانـي بالجحيـم أرجـوك يـا ربـيّ بغفرانـك تسامـح زلّتـه في كل ليل .. أبليس يجمع لي من الذنب العظيم ويحطّهـا فـي سلّتـي وأردّهـا فـي سلّـتـه وأكثر ما يربكني و يكسر عزمي عيون الحريـم وأنا معي سيف ٍ يذلّ أطلق شنـب مـن سلّتـه أستغفرك وأنا الضعيف اللي من ذنوبـه سقيـم يدوّر التوبه عسـى التوبـه تـداوي علّتـه ! من مربع شاعرنا القدير/ سدآح وصح لسآآنك مليوون يآدكتور 
|
|
ياخوي أنا أعلمك , وأبغا أتعلٌم=لني أنا قبلك : ( خطيت , وتعلمت ) أليا هرج واحد ردي لاتكلٌم=ماتستفيد أي حاجه أليا : تكلمت ! عبدالعزيز هادي الجش 
|
|
27-12-2010, 08:28 PM
|
#134 | |
|
(*(عضو)*)
|
لازال قلبي حي واحساسهـا حـي
وحبٍ بدون احساس ، حبٍ مشوه ! ماحب احد يستخدم القـوه بشـي الا هي ، ان قالت احبك ( بقوه ) ! للي احب بدعه بعشرين قوه الرائع / عفاس بن حرباش ، |
|
|
|
|
28-12-2010, 11:04 AM
|
#135 | |
|
(*( مشرف )*)
|
[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ألهميني لين أحصّـل فـي هـواك إلهامـي=وأسعفيني قبل يشحب مـن غرامـك لونـي أيـه أحبّـك .. والمحبّـه نورهـا مترامـي=ظلّها مايل وراي .. وشمسهـا مـن دونـي كيف أفسّر لك حلومي .. يا فتـاة أحلامـي=أنشـدي طيفـك لعلّـه يخبـرك وشلونـي كل ما جاعت عيوني .. قلت قلبـي ضامـي=وأنتي أبخص في ضما قلبي .. وجوع عيوني تستريـح الـروح وانتـي جالسـه قدامـي=لا تطرّيـن الغيـاب اللـي يثيـر شجونـي ما بقا لي من حلالـي غيـر جـرح ٍ دامـي=وأن برا .. جعل الجروح المقبله يفدونـي ![/poem] سداح الله درك |
|
|
|
29-12-2010, 02:27 PM
|
#136 | |
|
(*( عضو )*)
|
حاولوا .. طرح الثقه .. والثقه عيّت تطيح
ثابتـه والبيـرق اللـي تشيلـه تنصبـه لو سموّ الشيخ ريّـس حكومتنـا صريـح كـان مـدّ الإستقالـه .. وخـلاّ منصبـه حلالاه  للقدير/ سدآح.. صح لسآآنك عدد اللي تجمعو لحضور الجلسه
|
|
|
|
|
01-01-2011, 08:08 PM
|
#137 | |
|
(*( عضو )*)
|
خطاك السـوّ يـا المرقـاب
عسى ( الدوت نات ) يفدونك دخليلـك لا تصـك الـبـاب فـي وجـه اللـي يحبونـك أي والله ان صادز ياسدآح.. أمسك بس أمسك
|
|
|
|
|
03-01-2011, 12:11 PM
|
#138 | |
|
(*( مشرف )*)
|
[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
متضايقه ماني على بعضي اليـوم=شف لي طريقه وخّر الضيق عنّي ! مافيني اعاتب ولا اشره ولا الـوم=سكّرت باب عتابك اللـي غبنّـي ! احيان احس انك من الحس معدوم=واحيان اقول احساس قلبه فتنّـي ! مدري غلا مدري عما مدري حلوم=بس الاكيد ان الهـوى يمتحنّـي ! يا ساليٍ في البعد منتـا بملـزوم=تبدي لعين الوصل عذر التجنّـي ! تبي تفارق ؟ فارق الوضع محسوم=تبي تجي ؟ حيـاّك منـت امْتعنـيّ مات الفرح في دنية الحلم مظلـوم=ماعاد فيها شي يسوىْ التمنّـي ! متضايقه ومحارب ٍ عينـي النـوم=وعيّن سنيني حسب طوعي يجنيّ ![/poem] وجد صح الله السانك × صح الله السانك وحياك الله بعد طول الغياب والحمدالله على السلامه
|
|
|
|
|
03-01-2011, 12:19 PM
|
#139 | |
|
(*( عضو )*)
|
من
( تـــنـــــاقــــيـــــع ) [poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""] الوقـت مـا يـرجـع ورى .. مــا عـنـده ألاّ لـلأمـام=والعمـر ينقـص مـا يزيـد ولا مشـى .. يمـشـي ورى شف / كل يوم .. يجر يـوم ،، وكـل عـام .. يجـر عـام=سرى ، سرى ، سرى ، سرى ، سرى .. سرى يردف سرى كـم طـاب للأحيـا ..علـى وجـه البسيطـه مـن مقـام ؟=وأرواحهـم فـوق السمـا .. واعظامهـم تحـت الثـرى !! [/poem] للـمبدع / عايض النفيعي ..
|
|
|
.
. .الركن الهادي ^ ^ ツ】ઇ需 بعثرة .. محبرة .. 需ઇ【ツ  ^ ^ إشادة من مبدع توّجتني ، للرائع / سيف صالح الدلحبي ،. . . Twitter@M_Almoqati.  http://ask.fm/msfer
|
|
04-01-2011, 04:51 PM
|
#140 | |
|
(*( عضو )*)
|
الصورة اللي تلهم الشاعـر إلهـام
وتفتح صناديق الهجـوس الحبيسـه أشلاء الجثث فيها على بعضها أكوام من عقب قام الشرّ يرقـص بليسـه يـا الله تكافينـا صواديـف الايـام البغض زايد في القلـوب النحيسـه وأهل التعنصر حطّموا كـل الأرقـام ومن مرّ بالرقـم القياسـي يقيسـه يا مرهبين الناس في دين الاسـلام الدين ما يفتـح للارهـاب كيسـه افكاركـم متشبّعـه ظلـم وإجـرام ولقت لها بيـن الفرايـس فريسـه شد الحزام الناسف وقوم يـا غـلام واطلع من المسجد .. وفجرّ كنيسه ! انتم خراب الصالح الخاص والعـام وقال النبي دين الفتى مـن جليسـه لا تحذفون الدين في بحـر الاوهـام أخسوا خسيتوا يا الوجيه الخسيسـه ل / سدآح.. وهذي حقها متصفح كآآآمل..
|
|
|
|
|
06-01-2011, 11:56 AM
|
#141 | |
|
مستشار إداري
|
يا قلبي أسمعني عسى الله يعافيك
دمك ثقيل و علتك باطنيّه يا سرع دقاتك لا زادت طواريك أهدا هداك الله وخفف شويّه ابسط على صدري يدي قبل احاكيك واقول بسم الله عليك وعليّه يا كثر ما خابت وصابت هقاويك مثلك مثل باقي قلوب البريّه مستقبلك ما روّعه غير ماضيك اللي كتبته في ملف القضيّه ونظرات عيني ناشبه في دعاويك ماهيب والله من همومك بريّه حضرة معاليها .. وحضرة معاليك كل ّ على الثاني يرد الخطيّه للمقبله حاول تفك الشبابيك وان مرتك عطها سلام وتحيّه مانيب دايم عايش ٍ لك واراعيك وصيّتك وليتك حفظت الوصيّه سداح لله درك وكفى |
|
|
|
07-01-2011, 03:17 PM
|
#142 | |
|
(*(عضو)*)
|
انا كسرت البيت مره ( شبه عمد )
ولا انت كاسر خاطر الشعـر كلـه السيف سيف بغمد ولا بـلا غمـد الفود من فعله ماهو من محلـه ! عندك: ليامن قلت يالله لك الحمـد تقدر تغيرهـا الـى الحمـد لله ! للمسكون بالإبداع / عفاس بن حرباش ، .. |
|
|
|
|
09-01-2011, 04:04 PM
|
#144 | |
|
(*( عضو )*)
|
قالت فديتك .. وقلت النـاس يفدونـك
يا اميرة العشق .. شيخة شمل خلانـي ختم الإمـاره تشيلـه نظـرة عيونـك ورموشها السـود تآمرنـي وتنهانـي تمخطري وأخطري وامشي على هونك وخليّ خطاويك تعزف عـذب الألحانـي الله يكافيـك شـرّ اللـي يحسـدونـك ما فان زولك .. وفيك الزين ما فاني !! تلفنتـك وجاوبـت رنّــة تلفـونـك ( مافيه داعي تهل الدمع من شانـي ) عـز الله أنّ القصايـد مـا يكفوّونـك عطيني الحـبّ وأخـذي كـل ديوانـي كلّك على بعضك .. اليا غنّت لحونـك قصيدة .. وكلّ بيت أحلى مـن الثانـي للقدير / سدآح صح لسآآنك مليووون.. وهذي مكآنها الأصلي الموآهب
|
|
|
|
|
11-01-2011, 03:47 AM
|
#145 | |
|
(*( عضو )*)
|
أنا مع رابط المرقاب مثـل الذيـب والجنّـي
ليا منّي ضغطته هـجّ بالصفحـه ولا جانـي . أطق أنتر وأحدّث صفحتـه وأصيـح وأغنّـي وتعلّق شاشته وأرجع على الرستارت عجلاني . سرا ليلي علـى شغّـل وطـفّ الله يعاونّـي أدوّر رابط المرقـاب وألحـق مـن تعدّانـي . أظنّ الداعم الفنـيّ يبـي لـه داعـم ٍ فنّـي لعـلّ الداعـم الأوّل يدفّـه داعـم ٍ ثانـي ! الله الله من مربع الدكتور / سداح وصحّ لساااانه ملايين |
|
|
♥
آحبّها و اودّها و / الحقيقه ! كلّ المشاعر ما توصّف غلاها حبيبتي و الوصل ما له / طريقه ! إلاّ تحمّل للجروح و شقاها قلبي رهين الثانيه و الدقيقه ! يشقى و روحه ما يهوّن بلاها وأنتي على وصلك نفوسٍ تعيقه ! لكّن بموت ولا حصلّي رجاها ♥
|
|
11-01-2011, 03:34 PM
|
#146 | |
|
مستشار إداري
|
قرقيعان .. وقرقيعـان
بيني .. وبين الخـلان .. عطونـا الله يعطيـكـم من المحبّـه صفطـان .. يا مـا معكـم قرقعنـا وطقّينـا كـل البيبـان .. وشاب الغـرام وشبنـا وطار الحبّ بلا جنحـان .. وصدورنـا لازالــت تشيل قلوب الورعـان .. والذاكـره مـا تنسـى محرومه من النسيـان .. لكن يـا قلبـي هانـت قل بسـم الله الرحمـن .. لا تخدعـك الغشّاشـه والخوّانـه والـخـوان .. و لا تنشد وين حقوقـك ما للحبّ حقوق إنسان ! سداح |
|
|
|
|
12-01-2011, 04:44 AM
|
#147 | |
|
(*( عضو )*)
|
يا آل البيت حنا خابرين البيت وأهل البيت // ونبي الله محمـد مـا جهلنـا بيتـه وآلـه
تسمّيتوا بحزب الله بـلا حجّـه ولا تثبيـت //ورفعتوا بيرق الحق وظهر للباطل أبطالـه ! حسن نصر الله اللي كل يوم يكبرّ المانشيـت // بنى له فرقة ٍ تمشي علـى رايـه وتبرالـه يغشّون العباد وبالخديعه يكسبـون الصيـت // على درب الخميني بيـن رجليّـه وخيّالـه عمايمهم سوات قلوبهم سودا لعلّ .. وليـت // ما يكثر جنسهم والشرّ فـال الله ولا فالـه بعد قامت عقيدتهم على التفريق والتشتيـت // عسى ربيّ يفرّقهم وكـل ٍ يلطـم لحالـه ! روافض والروافض قنبله ما تقبل التوقيـت // عليها سيّدٍ لا هز راسـه يكبـس الآلـه ! نورّدهم لبير الماء .. ونظرتهم لبير الزيـت // سياستهم قديمه وأصبحوا بين العرب عالـه بعد كثروا وجونا ينقلون القـاز والكبريـت // طبيعي لو تشوف النار وسط الـدار شعّالـه ولو قالوا مفاعلنـا توفّـى لا تعـدّه ميـت // سفير إيران لاتآمن يجيك الصبح مشتالـه !! لله دررررك يآسدآح.. وصح لسآآآنك مليووون.. وعسى الله مايضرررك.. ودمت للشعر..
|
|
|
|
|
12-01-2011, 10:31 PM
|
#148 | |
|
(*( مشرفة )*)
|
-
.................برضو لِ سَــدّآحْ صحّ لسانه يا خليّ القلب .. قلبك من يلاحـي ..........................واهنيّـك .. بالحيـاه و واهنيّـه ما شكيت الوجد ولا عشت الكفاحي ..........................ولا سمرت مع اللحون السامريّـه كل ما هبـت ذعاذيـع الرياحـي ..........................جنّبت عنـك الريـاح الموسميّـه أنشد اللي ذاقوا السـمّ الذحاحـي ..........................فـي الليـال التاليـه والأولـيّـه وأدرس الموضوع من كل النواحي ..........................قبل تدخل فـي علاقـه عاطفيّـه والغزال اللي معه قرن الوضاحـي ..........................أنتبه لا ينطحك والشمـس حيّـه البخيت اللي من الحبّ استراحـي ..........................ما تـورّط قلبـه بعشـق بدويّـه - |
|
|
+
الجنَة | وطَن مؤجّلْ .............فَ اللهُمّ إجعلنَا من أهل الفردوسْ . ،
|
|
14-01-2011, 05:12 PM
|
#149 | |
|
مستشار إداري
|
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black""]
يا حيدر الوتار .. حيدرت فـي النـار=الكاولـي بالحقـد زايـد حمـاسـه وجهه ودر .. ولسانه أنجس من الفار=وقلبه يغيـض ويمتلـي بالخساسـه من كثر غبنه قام ينقز علـى الجـار=كبّ الرياضه وأنحـرف للسياسـه ! يا بـارد الغمّـه تـرا دمنـا حـار=أربض مكانك يـا زبـون النجاسـه زادت تحاليلـك بنشـرات الأخـبـار=وكل ٍ على ما قيـل يعـرف مقاسـه منته كفو تنطـح طويليـن الأشبـار=عوّد على حـيّ الطـرب والوناسـه مع طير ابن برمان عشريـن منقـار=ينقر علـى مشهـاه ويهـزّ راسـه عـز الله ان الوقـت جـايـر ودوّار=على النمور أستذيبـنّ البساسـه !![/poem] لـ / سداح |
|
|
|
|
14-01-2011, 05:32 PM
|
#150 | |
|
مستشار إداري
|
[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=1 line=0 align=right use=sp num="0,black""]
ياقلبي لك شهر لا انته بلا ميّت ولا انته حي=تلاوعك الضروف وتلحق الونه ورى الونّه ! شغلت الفكر وازعجت المحاني وانت وضعك سي=ولا لك فضل في ماصار فيك ولالك المنّه ! ماتشكي من صواديف الغرام ومن دروب الغي=عليك الله وامانه والقدر ماعنّك وعنّه ! تعبت ومعك عنيّت المشاعر والتعب منسي=وهاجوس القصيد يضيع كله لا اختلف ضنّه ! سلامة قلبك الطاهر وعمرك ياحياة الحي=سلامة روح من تحيي الفروض وتحيي والسنّه ! عسى عمرك طويل وباقيه دايم ظلال وفي=ولاتشكين من لفح السموم ولاهب الكنّه ! وعساك ابخير وايامك فرح والله يديمك لي=وانا فدوة ثراً رجليك بالاقدام ياطنّه ! ياكثر اللي يبا يفقدك لانك في سمانا ضي=وياقلّ اللي بماسويتي امثالك يسونّه ! غياب الام يطوي حالة ابناها لاغابت طي=نساء الارض طول وعرض والله مايسدنه ! ياويلي كان حظي ماكسب لي من رضاها شي=وانا دوّر تحت ماطا قدمها بارد الجنّه !![/poem] آلمتنا يبو مالك
الله يشفي والدة الجميع ويمدّها بالصحة والعافية .! |
|
|
|
|
16-01-2011, 04:00 PM
|
#151 | |
|
مستشار إداري
|
[poem=font="Simplified Arabic,5,firebrick,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
نظرتي لك .. تبيّن لـك غـلاك=تبعـث الحـبّ .. لا ناظرتنـي أنشـد عيونـي وعلّـم شفـاك=تعتـق الصمـت لا خدّرتـنـي كل نظـره تعبّـر عـن هـواك=وانـت ساكـت ولا خبرتـنـي طرت بك .. واستدارت بي سماك=ويـن أوّقّـع بعـد طيّرتنـي ؟ قـوم درّجنـي .. ودرّج خطـاك=مـع قيـود الـغـلا حيّرتـنـي طاحت اشواق قلبي فـي يـداك=عقـب مـن سجنهـا حررتنـي كان ما زرتني .. طيفـك كفـاك=زارني .. وأعتبرتك .. زرتني ![/poem] [blink]لـ المجرم : سداح [/blink] |
|
|
|
|
17-01-2011, 06:50 PM
|
#152 | |
|
(*( عضو )*)
|
يا وليّ الأمر .. وأمير البلـد .. حلمـك عليّـه
طال عمرك وانت والدنـا ونبـراس النجاحـي مالك إلاّ السمع والطاعه عسى أيامـك مديّـه مير عندي كلمتين وطالبـك فيهـا السماحـي عقب جات الاستقالـه مـن وزيـر الداخليّـه شف لنا وزير غيره .. صاحي من آل الصباحي جابر الخالد ما ضوّاا خير .. يـا زبـن الونيّـه المشاكل يوم جانا .. جات مـن كـلّ النواحـي قـام يسحبنـا بحبـل التفرقـه والعنصـريّـه و عوّد الممنوع يقطع دابـر الفعـل المباحـي عابس ٍ وجهه على البدوان مـن كـل البريّـه عادة حجاجه ما يضحك .. غير للوفد السياحي ! يآمـر الشرطـي علينـا بالعصـى والبندقيّـه والعصى هاذي عصاك وباقي انواع السلاحـي تدفعـه سـوء البطانـه بالعـزوم العنجهيّـه وأن تكلّمنا قمعنـا فـي زمـان الانفتاحـي !! والنتيجه شف بعينك في ملـف آخـر قضيّـة دم واحد من عيالك ما نشدته كيـف ساحـي ؟ طال عمرك وش تسّمي ذبحة النفـس البريّـه جرّة المجرم تلاشـت مـع ذعاذيـع الرياحـي يا عسى الله يرحم ( محمد ) ويشفع لـه نبيّـه وحسبنا الله في مثيريـن المواجـع والجراحـي الله الله الله الله الله الله الله والله ثم والله انها تستاهل متصفح لحالها يآرجل.. مبدع يآكبييير.. وصح لسآآآآنك مليووووون.. وعسى الله يرحم محمد المطيري ويسكنّه الجنه.. عقب جات الاستقالـه مـن وزيـر الداخليّـه شف لنا وزير غيره .. صاحي من آل الصباحي اي والله
|
|
|
|
|
18-01-2011, 02:13 AM
|
#153 | |
|
مستشار إداري
|
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
جتني رساله ثـلاث سطـور=باحت .. ولا بيّحـت سـدّي عنوانها .. حضـرة الدكتـور=ومضمونها .. خلّـه يعـدّي ! يا المرسل المعنـي المذكـور=أقـبـل تحـيـاتـي و ودّي وأبشر بردّي وأنـا مسـرور= الله يعيـنـك عـلـى ردّي مانيب دكتـور .. جالـي دور=ومـدح المحبيّـن متـعـدّي متعلّـم ولا علـيّ قـصـور=وعندي شهـادة علـى قـدّي وش لازمك لا شقحت السور=يـا بـارد العيـن والخـدّي خابرك مـا تفهـم الخابـور=حظك مـع الشّعـر متـردّي من فوق راسك تحوم طيـور=تجيـب الأخبـار وتــودّي خشمك كبير .. وعيونك عور=ولسانك أملـس .. وممتـدّي أن جيت .. ولّع وطفّ النـور=وأن رحت .. مرواح أبو جدّي [/poem] سدّاح لا بالله الا دكتور ونصّ .gif "SnipeR (69)")
|
|
|
|
|
19-01-2011, 11:05 PM
|
#154 | |
|
(*( مشرف )*)
|
 صورة امير البلاد وصورة بلادي مع اربع ابيات من راسي مسويها مدموجة ٍ مع سفينة بحرها الهادي وإسمي على جنبها والحرفنه فيها جتني بتصميـم فنّــي ماهو بعادي هديــةٍ .. بيّض الله وجه مهديها دكتور الشعر وملك التواقيع 
|
|
|
|
 |
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
| أدوات الموضوع | ابحث في الموضوع |
| انواع عرض الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| تواقيع الأعضاء .. [ 25 ] | نادر العنزي | ..: الأرشيف :.. | 167 | 09-08-2010 03:35 AM |
| تواقيع الاعضاء -( 23 )- | طلال الجميلي | ..: الأرشيف :.. | 208 | 19-04-2009 11:06 AM |
| تواقيع الاعضاء -( 22 )- | عفاس بن حرباش | ..: الأرشيف :.. | 192 | 24-02-2009 12:31 AM |
| ( تواقيع العابرين ) | ناصر مناحي | ..: الأرشيف :.. | 148 | 06-02-2009 12:51 AM |
| (( تواقيع الاعضاء - 19 - )) | فالح المصعوك | ..: الأرشيف :.. | 128 | 20-09-2008 01:31 PM |
 |
 |
العرض العادي
