الأمير سعود السديري ومطر الحريري

هذه .. قصيدتيين .. جمعت بين الأمير سعود السديري .. أمير الباحه .. في ذلك الوقت
والشاعر مطر الحريري .. رحمة الله .. وجدتها واتصور جامعها .. نواف الحريري

كان .. مطر الحريري كثيرا مايطلبه رخصه (اجازه) وكان الأمير قليلا مايسمح له في هذا
يقول ( الحريري):
يالله يارب نخافه ونرجيه
ياعالم ماكان صدري يكنه
افرج لمن في قلبه الهم شاويه
ويون مما شاف تسعين ونه
اميرنا كانت من اول عطاويه
في الرخص تاجي على غير منه
واليوم الا ياويل منهو يخاويه
يحسب التنكيد فرضاً وسنة
كم من خوي لاشتكى مايشكويه
وكم كسر من خاطر دون ظنه
بغى مطر رخصة يودي مقاضيه
رجل شويب تستحي الناس منه

فرد عليه الامير :
يقول من ذالقيل يفهم معانيه
ماهو سوات الي يقرقع بشنه
وشفي مطر ذاليوم كثرت دعاويه
محد(ن) يميز بين صدقه وظنه
يوم(ن) يقول الزرع وقفت نواميه
نبي نحصد اسبوع مازيد عنه
ويقعد شهر ماحد يجينا بطاريه
ويقول جاني علة مستكنه
ويوم(ن) يقول الورع فيه الذي فيه
اباصله والحان ربي يحنه
إما انتهى لابد عمه يربيه
بعصية والا بقطله يرنه

كان الامير سعود السديري يقول له دائما بان لحيتك طويله وفي احدى المرات قال له بان لحيتك تنقسم على عشرة انفار. وقال له اذا تبي رخصه (اجازه) احلق لحيتك...

يقول الامير سعود السديري:
كان باكر جيت والدقن محلوق=
=ابشر لك برخصه عريضة طويلة

في عرضها من بيت محفوظ للسوق=
=وفي طولها من داركم للمثيله


فرد عليه مطر بقوله:
اميرنا يقصد على كل طاروق
مرتاح والمعتاز ياعزتي له
وحلق اللحى عيب على كل مخلوق
وان كان ماهو عيب عطنا دليله

( جامعها نواف الحريري )

ودمتم
نمشه

وحلق اللحى عيب على كل مخلوق
وان كان ماهو عيب عطنا دليله





سلمتي يا نمشه وسلم نواف الحريري

رحم الله مطر والامير السديري



دمتي بخير ..