.. معذور ياوقتي ليا صرت غلاب .. << عوده بعد الغياب ..

السلام عليكم ورحمة الله وبركاته..
مساكم /صبحكم .. الله بالخير
بعد الغياب ..اضع هذه المتواضعه بين ايديكم وعساها ان تنال على رضاكم ..



[poem=font="Simplified Arabic,5,darkblue,bold,italic" bkcolor="transparent" bkimage="" border="none,4,gray" type=1 line=1 align=center use=ex num="0,black""]
يادمع عيني وش تسوي بالاهداب = حدر وبيح لليالي كنيني
ماعاد بي طاقه على ردة الباب = الي رياح الضيق منه تجيني
ماني بلا حاير ولاني بمرتاب = مير البلا سبة جروحي يديني
أزريت لاعدي مشاريه الاصحاب = وازريت اسامح من حسبته عويني
لاجيت ابين للمشاريه الاسباب = ماكنها الا قاصده تبتليني
معذور ياوقتي ليا صرت غلاب = ويالذة الفرحه بعد سامحيني
دام الهوى جرحه له اعوام ماطاب = والهم باقي فالحنايا دفيني
وش حيلتي دام الحضور اصبح غياب = حاضر ولكن غاب عن شوف عيني
الي له الخفاق ينبض بالاعجاب = مير العجب وشلون بعده سنيني
لاقلت ابسلا ابتدت حرب الأعصاب = مابين ابيه وبين هو مايبيني
وشلون ابسلا دامه الشوق مخلاب = يقطع شراييني وينزف حنيني
الصبح بان وليلي اقفت به ركاب = والعين ترجي شوفته كل حيني
والله ليبقى وسط قلبي ولاغاب = ويبقى غلاه بمهجتي محتويني
[/poem]

وسلامتكم