خلف بن هذال

قصيدة لشاعر الوطن : خلف بن هذال
فى الامسيه الاخيرة بدوله الكويت


[poet font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]

سلام الله على شعب وحكومة وامراء وأميـــــــــــر=على جابر وابن عمه سعد والحفل وضيوفــــــــــــه
سلام من الصدور وبالجمهور معطر تعطيـــــــــــر= على صحن المحبه مع طلوع الفجر مقطوفــــــــــه
تقطف من مهانيع الغصون ولا سقتها بيــــــــــــــر= سقتها الناشيات الممطرات وجات زخروفـــــــــــه
تزخرفها فراشات النبات وحط فيها الطيــــــــــــــر= على اوتار النشيد يردد الالحان معزوفــــــــــــــــه
سعودي يعبر عن مشاعر دولته تعبيــــــــــــــــــــر= من الشعب السعودي جاء يضم الورد بكفوفـــــــــه
يشارك ليله الذكرى بالاستقلال والتحريــــــــــــــر=نحبك يا كويت ولك عروس الشعر مزفوفـــــــــــه
نزف اسمى التهاني والنفوس تعود بالتذكــــــــــــير= تعيد الذاكرة ما تطوي الأيام ونشوفــــــــــــــــــــه
تمر الاربعين العام والعشر السنين تسيــــــــــــــــر= موثقة الخطى بالعز والناموس محفوفـــــــــــــــــه
نهنيكم باهل دار بنعمتها ربيت صغيـــــــــــــــــــر= ولا انساها ولا انسى فضل اخو مريم ومعروفــــــه
صحيح الملح يقنى كل حر ولا يبي تفسيــــــــــــــر= نروح ونلتفت وقلوبنا بالدار مشغوفـــــــــــــــــــــه
انا من ناس تقلط ماتهاب وتحسن التدبيــــــــــــــــر= مواقفها ما هوب اليوم قبل سنين معروفـــــــــــــــه
بطولات نسطرها على وضح النقا تسطيـــــــــــــر= صفحات الشرف مثل الدلال الصفر مصفوفـــــــه
سمعنا بالاذاعة علم طاري والكلام يثيــــــــــــــــر= بعد ما صرح القايد شقيقة نجد مخطوفـــــــــــــــه
تسابقنا ولبينا الندا واللي يصير يصيــــــــــــــــــر= عوايدنا ولو راحت علينا غبن وحسوفــــــــــــــــه
تجهزنا وجهزنا لباس الحرب والتحضيــــــــــــــر= شوي بنبرة القوات والاعتاد مصروفـــــــــــــــــه
تقدمنا بعون الله وراس الخيره التبكيــــــــــــــــــر= مباشرة الهدف تردع هوى الطماع وشفوفــــــــــه
طلايع قوةٍ صكت على الجبهة ضحى وعصيـــــر= تواليها بوايلها سوى ماهيب منصوفـــــــــــــــــــه
فهد فينا وعبد الله مثل عنتر ومثل الزيـــــــــــــــر= الياحل الخطر بحدودهم تطابحو جوفــــــــــــــــه
فطاحله الملوك اللي تدور المعركه وتديـــــــــــــر= رحى التوجيه وتبرمج جهاز الحرب وصنوفـــــه
زعامتنا لها الصدر ولها القدر ولها التأثيــــــــــــر= الاصحاب القرار وهم جدار العرب وسقوفــــــــه
لنا في الملحمة حق ووجود ومرتبة تقديـــــــــــــر= نهار تصبّح الجاره وتفجع كل غطروفــــــــــــــه
حشدنا ما قعدنا واتخذنا موجز التقريـــــــــــــــــر= وجازفنا بحكم تعدل الغلطات بسيوفــــــــــــــــــه
دخلناها بضرب النار والتهليل والتكبيـــــــــــــــر= وركزنا بها الرايات والفزعات مشيوفـــــــــــــــه
صواريخ تساقط بالغضب والطايرات تغيــــــــــر= كرابيس الظلال بسابقات الصوت مقصوفـــــــــه
حصل رزق النسور وما بقي ياطابها الجنزيــــــر= على ارقاب العدا تمشي جيوش الحق مرصوفـــه
من الجيران والصدقان أمانه ما جرى تقصـــــير= وفوا بالواجبات وخطة العدوان مكشوفــــــــــــه
حماقات تصدرها البشر منها العقول تحيــــــــــر= مهلوس الزعامة بالأذى والشر مكلوفــــــــــــــه
من المخرب تخرّب ما اكتمل في نهضة التطوير= وجدنا المنشآت ومعظم الحارات منسوفـــــــــــه
حرايب تشتعل وافعال نكرى مالها تبريـــــــــــر= قريب الظهر قطعة ليل كن الشمس مكسوفـــــــه
طبايع تقشعر بها الجلود ومبشع التصويـــــــــــر =تقول ان الكويت بفوهة بركان مقذوفـــــــــــــــه
طعنّا جارنا من خلف طعنه ما طعنها الغيـــــــر= يمين لطخة بالخزي والاجرام مندوفـــــــــــــــه
تنجس من يصافحها واقول انجس من الخنزيـــر= وعن بيض الايادي بالشيال السود ملفوفــــــــــه
كويت العرب لا ترهب من الانذار والتحذيــــــر= وراك البر صامد والسفن في البحر مجدوفــــــه
هبت والله شوارب من غزاك وسبب التدميــــــر= شوارب ما تصون الجار مطليه ومنتوفــــــــــــه
نظام ما يراعي حف جيره طبه التغييـــــــــــــــر= يجي غيره نظام يستتب الامن بصفوفــــــــــــــه
على الكرسي غبي ومكابري ومغامري شريــــر= ملا راسه بنشوة كبرياه وطق بالطوفـــــــــــــــه
عمى ما يستشير ولا يشير ولا يطيع مشيـــــــــر= وقع في فخ موت ومات من ذله ومن خوفــــــــه
كويت العرب يا بيت العرب ما حركك معصيــر= صفا جوّك وطاحت ريح اخو مره عاصوفــــــه
تحوّل للعراق وفي سباق الذبح والتهجيـــــــــــر= دمر شعبٍ على الله يشتكي بلواه وظروفـــــــــه
يا كثر الرعب والارهاب في الاحزاب والتطهير= تفرس في الجرايم واصبحت عاده ومألوفـــــــه
بساطوره يقطع باللحم متحضنٍ له كيـــــــــــــر= يشبه طاغيه بغداد في بغداد وضعوفــــــــــــــه
كويت ارسي وبنّي واطمئني وانسي التفكيــــــر= على شط الخليج مثبته ما انتي بمحذوفــــــــــــه
تواعيده وتهديده يمر بها الهوى وتطيـــــــــــــر= طموحاته ورغباته بخشم الزند موقوفــــــــــــه
هذا خبلٍ يمرر لعبته من جعبته تمريـــــــــــــر= يبي يضحك على العالم وهو صدام بوصوفـــه
ما عاد الا يجيب المتر ويمتر لنا تمتيــــــــــــر= يحسب ان الكويت وخية العشار والكوفـــــــــه
ما هي شيك يوقع في البنوك وقابل التجييــــــر= بلادٍ عنها الايدي باشهب البارود مكفوفـــــــــه
عليها خارطه ما تقبل التعديل والتزويـــــــــــر= ثلاث مية سنه من يمسح التاريخ وحروفـــــــه
تبي ترقد على اليمنى وبامان ودونها الحجيـــر= على صهوة جواده ناسف رمحه على كتوفــــه
للراعي ما غدى ناقه ولا ضيّع عقال بعيـــــــر= عيونه من وراها لو يحوف القوم وجفونــــــــه
صباحية وقادتها الصباح قيادة التعميـــــــــــــر= بنوها واخدموها خدمة بالفعل مخلوفــــــــــــه
صباحية مبارك خص وعياله احداة العيــــــــر= شيوخ حصونها وارتمت بالحضن مضفوفــــه
تتالت بالعهود وتوّجت بالنصر والتيسيـــــــــر= مذللة الصعاب تقودها بالدرب معسوفـــــــــــه
هل العادات اهل دسمان قصر ولا بنوه قصيـر= تلافاه الركايب من بعيد الدار مردوفــــــــــــه
طوو ساسه وشدوا بالسواعد لبنة التسويـــــــر= ورى البيبان سور مزبن اللاجين بكفوفــــــــه
كويت المستجير ومن ترعرع في ثراك يجيـر= عسى الأحداث عنك بقدرة الرحمن مصروفه
على ارضك ترجع الاسرى وتلتم الشمول بخير= فرح طفل يغرد به حمام الورق برفوفـــــــــه
يسر الام ويعود الولد عاجل بلا تأخيـــــــــــر= وتبصر عين كانت من دموع الحزن مكفوفه


[/poet]

هلااااااا هلاااااااا

ياخالد

صح لسااااانك

ولساااااااان شاعر الوطن خلف بن هذال


تحياتى لك

قصيده اكثر من رائعه
لشاعرنا خلف بن هذال العتيبي

تسلم على هذا الاختيار

اخوي / خالد الذيابي









مشكور على هذا الأختيار لشاعرنا الكبير ابو هذال

صباحية مبارك خص وعيالـه احـداة العير
************ شيوخ حصونها وارتمت بالحضـن مضفوفه


بيت في مكانه و مقامه, اجمل بيت قرأته في هذه القصيده.

تحياتي لاخي خالد الذيابي

خالد مشكوووووور
إختيار موفق واكثر من راااااائع

لشاعر الوطن الغالي ابو هذال

تسلم ياخالد

أرررحب يا محمد




وجودك فخر



لاعدمتك



تحياتى

خالد الذ يا بي





صح السا نك والسا ن ابوهذال


والف شكر ياخالد

مشكووووور

يا بو يزيد

اختياااار نقل راااائع

لشاااعر الخليج

خلف بن هذال

سلم بنااانك ولسااانه