من <<<< ؛؛؛>>> إلـــــى

[poem=font="Simplified Arabic,5,darkblue,bold,italic" bkcolor="transparent" bkimage="" border="none,4,gray" type=1 line=1 align=center use=ex num="0,black""]
احلام كانت لي منا واحلام ماكانت مناي = يامن تحقق له منا حظ السعد ينقاد له
ون كان مالي حظ (ب) ارضك ونت حضك في سماي= الله عطاك وقام حضك ونت ماتحتاج له
لو ينكشف قلب الغلا ماشفت فيه الا غلاي= مالك مكان وقبل هذا منت قادر تاصله
قصه يطول شرحها ويزيد سبتها عناي= يحتار في حسم امرها حتى القضاه العادله
المدعي روحي وروحي مالها خصم(ن) سواي= وشلون اوقف ضدها صارم بدون امجامله
كان الخطى الاول خطاها والخطى الثاني خطاي= وكبر خطاي اعطيت جرحه فوق مايستاهله
وفيت ياجرح الزمن ودري ولا همك وفاي= حتى فتحت الباب للي كان عني قافله
لي فيك مع يوم السعد ميعاد ساعه مع شقاي= والهم لو ماجا على ميعاد مثلي راح له
ون ضحكت الدنيا معي ساعه ونسنتني عناي= استفزع القلب الشقي بالهم ولا صاح له
واليوم تكفى ياغريب ان كان ماعندك دواي = مابي تذكرني جروحي كل شي اتجاهله
تبرى مع طول المدى لكن لاتبحث خفاي = ارعا رعاك الله ونا ماكل برق آخايله
وحقك عليه ياغريب اباترك الماضي وراي= هيا وحث السير لايهدا مسير القافله
ون كنت تبغى خوتي وبتكون في صفي معاي= ابيك قبل الرد لا جتك ( الرسايل عاجله) [/poem]