بعد ( تونس و مصر و ليبيا ) .. مظاهرات السعودية !!

[align=center]السلام عليكم ورحمة الله وبركاته

نعم انها مظاهرات .. لكن ليست كـ مظاهرات الشعوب الناقمة من حكامها
بل و رب الكعبة انها مظاهرات الحب والولاء و الالتحام بين الشعب والقيادة وهذا ما رأيناه جليا يوم الاربعاء الماضي بقدوم ملك القلوب وحبيب الشعب الوالد القائد خادم الحرمين الشريفين
وهذا ماهو الا رد ملجم على كل من شكك او حاول بث الاشاعات ,,
فنحن شعب لا نرتضي الا الاسلام ثم ال سعود حكّام لهذه الارض على نهج الكتاب والسنّة ..
اللهم احفظنا من كل سوء و احفظ عبدالله بن عبدالعزيز والبسه لباس العافيه و اصلح له البطانه ..
من هذا المنطلق اقول :
[poem=font="simplified arabic,5,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
لاحت بروق الخير في عرض السحاب = وقامت تدن من الحنين رعودها
هلّت على جرد الفيافي والهضاب = وغنّت لها من بعد يابس عودها
استبشرت ( بالفيصلي ) دمث الجناب = ليث المعارك لا اشتبك بارودها
يا مرحبا يا سيّدي بعد الغياب = يا مرحبا بك عد هبّة نودها
حييت يا المقدام يا الرجل المهاب = ياللي كفوفك ما بخلت بجودها
يا مرحبا والشوق لا غنّى و ذاب = شوف الرياض تعانقه بورودها
يا النادر الزحزيح يا العدل الصواب = ياللي ليا كبرت تفك قيودها
يا الحاكم المنصور يا فصل الخطاب = لك وقفة ٍ روس الرجال شهودها
لا طبت يا وجه الغناة الشعب طاب = شعب البلاد اللي غلاك يقودها
ديرة فخر ماهيب تخضع لـ (انتخاب ) = ديره على هام السحب مقصودها
تمشي على نهج النبوه و الكتاب = تفخر بعزّتها و بآل سعودها
وحنّا لها لا ولّعت روس الشهاب = حنّا على وجه الحياة جنودها
نكرم و تكرم .. دونها حنّا الحجاب = نموت فيها ما تداس حدودها
ناطى على روس المشاكل و الصعاب = لا ضحكت الطمعه على مقرودها
الله خلقنا ما نحيد و لا نهاب = حوض المنايا بالسلاح ورودها
ثلاث فالذمّه على نهج الكتاب = واهل الذمم تخشى سخط معبودها
الله ثم العاهل و حب التراب = نموت ما خنّا وثيق عهودها [/poem]
لكم تحيتي [/align]

حضور أول ..

للشعر .. أهله

ثــــلاث فـالـذمّــه عــلـــى نــهـــج الـكــتــاب
واهـــل الـذمــم تـخـشـى سـخــط معـبـودهـا
الله ثـــــــم الــعــاهـــل و حـــــــب الــــتــــراب
نــمـــوت مـــــا خـــنّـــا وثـــيـــق عــهــودهــا

الله الله الله ياجزاء ..

هكذا يكون الولاء ..

وهكذا هو الحب ..

وهكذا هو الشعر ..

إعجابي ..ومحبتي ..وصح لسانكــــ

( لاطبت ياوجه الغناه الشعب طاب )

جزاء البقمي

طيب الله فالك

و أظفى على خادم الحرمين لباس الصحة والعافيه

و صح لسانك مدد بلا عدد

و أنا أرى ان العنوان لا ينسجم مع النص

و النص ليس بحاجه الى عنوان كهذا و شاعريتك كذلك

( رأي شخصي )

تحياتي لك

رجل وافي وشاعر مبدع يا جزاء البقمي

وهذا ديدينك لاعدمناك

صح لسانك مدد ،

..

.
صح لسانك ياجزاء
.
ولائك وفائك غير مستغرب
.
كتبت فأجدت يالذيب
.
إحترآآمي
.

.

قصيدة تجسد مشاعر الملايين



لله درك يا جزاء ولافض فوووك

مرحبا يا جزاء

صح لسانك وبيض الله وجهك
لاعدم

.
.


الله الله الله
لله دررك

صح السانك ملااايين
على هذه الرائعه

تحيتي ومحبتي وتقديري

المشاركة الأصلية كتبت بواسطة مستور الذويبي

حضور أول ..

للشعر .. أهله

مستور



ارحب و حضورك شرف



لك تحيتي

الله الله الله
متميز ووافي

صح السانك مليارات
على هذه الباهيه الشامخه النادره في معانيها ومفرداتها

تحيتي ومحبتي وتقديري


اخوك \ وليد العمودي

ياسلام ياجزاء

شاعر ولا فيك حيله

صح لسانك على كل حرف صاغته اناملك هنا

تقبل مروري وودي

الله واكبر عليك


عزالله وافيه من وافي



ابدعت يامبدع



والله يحفظ دولتنا من كل مكروه



صح لساااااااااااااانك حتى ترضى

الله الله يا جزاء ,
شاعر عملاق وحضورك بنص كهذا يشفع لغيابك يا مبدع ,
مودتي لك .

تمشي على نهـج النبـوه و الكتـاب

تفخـر بعزّتهـا و بـآل سعـودهـا

وحنّا لها لا ولّعـت روس الشهـاب

حنّـا علـى وجـه الحيـاة جنودهـا

نكرم و تكرم .. دونها حنّا الحجـاب

نمـوت فيهـا مـا تـداس حدودهـا

جزاء بيض الله وجهك على ذا القصيده والله انه ابداع

ولاهي غريبه على شاعر مثلك يسبيكها ويحبكها

الله يعطيك العافية ولاتحرمنا من جديدك



نايف

ابومتعب حبيبنا


وانت ياجزاء حبيب الشعر الراقي

لاهنت

وولاء غير مستغرب

وشاعريه فذّه ياصديقي

والشهاده مجروحه

المشاركة الأصلية كتبت بواسطة مستور الذويبي

ثــــلاث فـالـذمّــه عــلـــى نــهـــج الـكــتــاب
واهـــل الـذمــم تـخـشـى سـخــط معـبـودهـا
الله ثـــــــم الــعــاهـــل و حـــــــب الــــتــــراب
نــمـــوت مـــــا خـــنّـــا وثـــيـــق عــهــودهــا

الله الله الله ياجزاء ..

هكذا يكون الولاء ..

وهكذا هو الحب ..

وهكذا هو الشعر ..

إعجابي ..ومحبتي ..وصح لسانكــــ

الله يطول بعمرك يا مستور ..


هكذا انت دائما كريم في كل شي حتى في اطراءك ..


صح بدنك و لا هنت يا صديقي

ثلاث فالذمّـه علـى نهـج الكتـاب=واهل الذمم تخشى سخـط معبودهـا
الله ثـم العاهـل و حـب الـتـراب=نمـوت مـا خنّـا وثيـق عهودهـا

الله يصح لسانك

ولاهنت على هـ الوطنيه الواافيه


اللهم احفظنا من كل سوء و احفظ عبدالله بن عبدالعزيز والبسه لباس العافيه و اصلح له البطانه ..

اللهمم آميين..اللهم آميين

تقديري واحتراامي لك,’’