خلف هذال

اخي العزيز .. نايف أحمد

الله يطول عمرك يا نايف ولا يهينك

شكرا لك ولا عليك زود ،


..

المشاركة الأصلية كتبت بواسطة سداح

السلام عليكم ،


شاهدت الشاعر العملاق خلف هذال ليلة البارحه في افتتاح مهرجان الجنادرية الثقافي لهذا العام ، واستوقفت عند أمرين .. كثرت نسيانه للأبيات وشطر ( ليا شال الجمل حمله يقوم الرجل بحموله ) ..

ظهرت هذه المتواضعه عن رجل أحبّه وأفتخر به ..






[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
يشعّ النّور والظلمى تلاشى .. والصحيح يقال=ومن يكذب بكلمه .. كلمته ماهيب مقبوله

لو أنّ الحقّ ما يظهر يعيش الباطل البطال=على زيف الحقايق للخلايق يقرع طبوله

حفظك الله وبسم الله تقدّم يا خلف هذال=رعاك اللي عطاك من القصيد سيوف مسلوله

على متنك مقصّ .. وفي عيونك هيبة الرجال=ولك وقفه لها حتى الملك يآقف على طوله

تشيل الأوسمه والأوسمه لولاك ما تنشال=عليك البزّه اللي بالفخر والعزّ مغزوله

طليق حجاج ولسانك فصيح ولا عليك جدال=تهزّ المنبر وصوتك يهزّ اللي توحّوا له

ثلاث عقود وأنت الشاعر اللي يبدع الأمثال=هوّيتك القديمه باقيه ماهيب مجهوله

شربت البحر من صغرك .. ولازال البحر لازال=يقدّم لك على ما تشتهي مرجانه ولوله

كلامك من ذهب يا اللي نظمت العقد والسلسال=ملاحم والحروف الأبجدية معك مكفوله

نردد ما تقوله حكمة ٍ تعقل بها الجهال=( ليا شال الجمل حمله يقوم الرجل بحموله )

توصيّنا على حبّ الوطن وتعلّم الأجيال=فحل شعر .. وتحت كمّه يضفّ الشّعر وفحوله

علم ما له من الأعلام في كل البلاد أشكال=بطل .. يا كم بطل غيره .. بطل فعله ومفعوله !

لو الدوله تغيض وتمتلي شعّار عال العال=يا عال العال كلّ الشّعب يعرف شاعر الدوله

كسبها ما ترجّاها من التصويت بالجوّال=شهر صيته لو أنّ الناس بالتصويت مشغوله

نحبك والعيون اللي تراقب عالي المنزال =تشوفك كوكب ٍ ثابت تدور نجوم من حوله !

كبرت وزاد قدرك يا عسى تبقى سنين طوال=على مرّ الليالي سيرتك بالمجد محفوله

لو النسيان خان الذاكره ما ينقص المكيال=على البدع المباشر خابرينك تكسب الجوله

نماري بك عسى شمسك ما تغرب يا خلف هذال=و لنا حقّ الفخر يا اللي تقول الفخر من هو له ![/poem]


وسلمتوا ،،

/


سداح .....انت شاعر العصر الذي ينقل لنا مايصير من حدث


مباشر ويعبر عن مافي قلوبنا اتجاه اي حدث


فانت الصوت المعبر والمسموع بشعره دائما عن مافي مشاعرنا


دائما اجد قصيدتك تعبر عن مايدور بداخلي اتجاه اي حدث


فانت مدرسه ذات منهجيه خاصه ..يجب ان يستفيد منها الجميع


انا وغيري


وفقك الله ياسداح

/



/


/

ليت الله فكك من هالبيت

كسبها ما ترجّاهـا مـن التصويـت بالجـوّال
شهر صيته لو أنّ الناس بالتصويـت مشغولـه

على العموم صح لسانك ولا هنت على كل حال

الله اكبر الله اكبر




عسى شمس ابن هذال ماتغيب وعسى شمسك ماتغيب ياسداح


والله يعز قدرك طال عمرك


وجهك ابيض ورايتك بيضاء


صح الله لسانك ملايين


لاهنت

تقبل تحياتي

يشعّ النّور والظلمى تلاشى .. والصحيح يقـال
ومن يكذب بكلمه .. كلمتـه ماهيـب مقبولـه
لو أنّ الحقّ ما يظهر يعيـش الباطـل البطـال
على زيف الحقايـق للخلايـق يقـرع طبولـه
حفظك الله وبسم الله تقـدّم يـا خلـف هـذال
رعاك اللي عطاك من القصيد سيوف مسلولـه
على متنك مقصّ .. وفي عيونك هيبة الرجـال
ولك وقفه لها حتى الملك يآقف علـى طولـه
تشيل الأوسمه والأوسمه لـولاك مـا تنشـال
عليك البـزّه اللـي بالفخـر والعـزّ مغزولـه
طليق حجاج ولسانك فصيح ولا عليـك جـدال
تهزّ المنبر وصوتـك يهـزّ اللـي توحّـوا لـه
ثلاث عقود وأنت الشاعر اللي يبـدع الأمثـال
هوّيتـك القديمـه باقيـه ماهيـب مجهـولـه
شربت البحر من صغرك .. ولازال البحر لازال
يقدّم لك على مـا تشتهـي مرجانـه ولولـه
كلامك من ذهب يا اللي نظمت العقد والسلسـال
ملاحم والحـروف الأبجديـة معـك مكفولـه
نردد ما تقولـه حكمـة ٍ تعقـل بهـا الجهـال
( ليا شال الجمل حمله يقوم الرجل بحمولـه )
توصيّنا علـى حـبّ الوطـن وتعلّـم الأجيـال
فحل شعر .. وتحت كمّه يضفّ الشّعر وفحولـه
علم ما له من الأعلام في كـل البـلاد أشكـال
بطل .. يا كم بطل غيره .. بطل فعله ومفعوله !
لو الدوله تغيض وتمتلي شعّـار عـال العـال
يا عال العال كلّ الشّعب يعرف شاعـر الدولـه
كسبها ما ترجّاهـا مـن التصويـت بالجـوّال
شهر صيته لو أنّ الناس بالتصويـت مشغولـه
نحبك والعيون اللـي تراقـب عالـي المنـزال
تشوفك كوكب ٍ ثابت تدور نجوم مـن حولـه !
كبرت وزاد قدرك يا عسى تبقى سنيـن طـوال
على مرّ الليالـي سيرتـك بالمجـد محفولـه
لو النسيان خان الذاكره مـا ينقـص المكيـال
على البدع المباشر خابرينـك تكسـب الجولـه
نماري بك عسى شمسك ما تغرب يا خلف هذال
و لنا حقّ الفخر يا اللي تقول الفخر من هو له !


عز الله انك صدقت يا سداح

لله درك والله لا يضرك

صح لسانك مليون

ولا هنت يالامير

الغالي عبدالاله بن شلواح

كل ماذكرت من نقاء سريرتك ولا عليك زود الله يطول عمرك ويبارك فيك

شكرا لك مدد على المدح المتعديّ صراحه

واتشرف بكل ما ذكرت

لاهنت يا الغالي ،

..

بندر التركي

مرحبا وشكرا لك

الغالي عادل ا لعتيبي

مرحبا بك

وشكرا لك لاعدمتك

الغالي

متعب فهد

مرحبا بك ومسهلا

وشكرا لك لاعدمتك

شرفني حضورك الطيّب ،