( مقتطفاتي )

[poem=font="Simplified Arabic,5,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يابنت قلبـي ثقيـل وفـوق كرسيّـه=ماحركه مـن مكانـه غيـر محبوبـه
اللي ملكني وهـو ملكـي وأنـا فيّـه=مشاعـري كلهـا لامـره ومطلـوبـه
قولي ل/هاجوس قلبك يطْفِـي ضْويّـه=واللي على بالك ( أُقسم ) ماني ابْصوبه
أكتب قصيدي وأغنـي لاطـرى ليّـه=واسجل حْروف شعري فـنّ وعْذوبـه
وأجـاري الحـرف لازانـت معانيّـه=وأنا لي اسلوبي..وكـلٍ لـه اسلوبـه
والنت ماهـوب حصـري يالهواويّـه=وزمالة الحـرف بالصفحـات مكتوبـه
علـى النقـا بيّنـه ماهيـب مخفيّـه=وكلٍ حسـب منزلـة قـدره وماجوبـه [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياحروف القوافي جاوبي وش يبـون=جاوبي وامطري لو ماقصَدْكْ ابنـداه
جاوبي وسعي صدري بْعذب الفنـون=لاحي اللي يسرّ السمع لامـن طـراه
أبدعي واصنعي من كل شكٍل ولـون=واطربيني ترى قلبي تهيـض عنـاه
من زمان وقصيدي نايمٍ في سكـون=ياعساه ايتهيّـض ياعسـى ياعسـاه
يابراد المساء معك العرب يسهـرون=في برادك يطيب الليل واللـي سـراه
وبالحروف الشريفه ماتخيب الظنـون=والطريق النقي مايختلف من مشـااه
القوافي ترى غصبٍ علي يحضـرون=لالمحت القصيد العذب يبـرق سمـاه
كيف لولى الخيال الناس وش يكتبون!=وكيف لولى الخيال الشعر محدٍ بنـاه!
ياحروفي تعالـي والمـلأ يطربـون=والقصيد الجزيل العذب زيدي حـلاه
واستعدّي وصفي..كل شـيءٍ يهـون=في صدى الحرف لامن طاب للي قراه [/poem]

أبيات من قصيدهـ..جديدهـ..لم تكتمل..

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مها..تكفيـن مافينـي يكفّـي=أنا من العام دمعـي مايجفّـي
كفايه كفـي دْموعـك كفايـه=يكفي مابقلـب أختـك يكفـي
أراعي خاطرك وأمسح دموعك=واضمّك وأبلع العَبْرَه وأخفّـي
تقولين الدرااسـه مـا أبيهـا=أبويه غاية امـرادي وشفّـي
وأنا مثلـك فديتـك ياحياتـي=ولكـن القـدر عيّـا يوفّـي
ومادام إنّك على أبويه حزينه=تعالي وافتحي صفحـة ملفّـي
تعالي واقْرَي أشعاري وشوفي=قصيدٍ أكتبه من يـووم أقفّـي
أنا من يوم أقفي مـن دْيـاره=ودْموعي فوق خدي ماتكفـي [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يانفسي اللي عجزت ألحق مناويها=عيّت تْطاوع لهـا دورات الأيامـي
جارت علي مـن بدايتهـا لتاليهـا=مازان وقتي معاها غير ب/أحلامي
ياقّو نفسي وأنا لاجيـت أقاويهـا=قامت تْكسّر اضلوع الصدر قدامـي
أسوق هاجوس فكري كيف بَْرضيها=وتعبت وأتْعَبت حتى ريشة أقلامـي
ياحاكم النفس قللي ويـن قاضيهـا=ياليت يَقضي و لا يحكم بالاعدامي
[/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
عبري يالمشاعر واكتبـي يالحـروف=وامطري ياسحابه من جزيـل القصيـد
داام عين المتابع..(بوح روحي) تشوف=سجلي واحذري الوااشي ولو من بعيـد
واعذريني ترى ياعين عندي ظـروف=تمنع البوح..بس الرمز جـاب المفيـد [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يَدْمووع عيني ذا تبين الصرااحه=ليتك قبـل تاااتيـن تستأذنينـي
سبّبتي إحرااجي وهـذا وقااحـه=داايم على الخدين ماتستحينـي
وابوي قد له عام هذا مطاحه=فيه الخبيث الشين والحزن فيني
مافادني كثر البكاء والمناحه=لوسالت الوديان من دمع عيني
دامه على حاله فلا فيه راحه=ياكثر حزني والاسى والحنيني[/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
بعض القصايد يثير البوح مطلعهـا=وتمطر على خافق الظميان بالهوني
والود ودي..اشموع الشعر..أولّعها=اواجاري اللي على حرفي يغنونـي
لاشك أخاف العواقب وش توابعها=والنفس من طاعها بيموت مغبوني [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياصاحبي الصبـر مـا عـاد ينطـاق=وشكواي لله واشتكـي لـك احزونـي
جسمي معك واروح من غير سـواق=ويسري بي الهاجوس مـا تعلمونـي
يا ناظري جوي تـرى مـا بعـد راق=ودْموع عيني مثـل وبـل الْمزونـي
والى ضاق صدري جيت افتّش بالاوراق=واقرأ واكحّل من قصيـدي اعيونـي [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياسما فكري تغطت نْجومـك بالسحـاب=وثار هاجوس المعنـاة شـوف بْروقهـا
أرسل المرسول يمّـه ولاجانـي جـواب=اثر مرسـول الخيانـه فتـح صندوقهـا
ليه ماواصلت ياشيـن يامـال الذهـاب=وليه غيّرت المراسيـل مـن منطوقهـا
ليت لي جنحان واسري ولو جوّي ضباب=وافتح الصفحه لهم وابتـدي طاروقهـا
واثقه لاشك ما اقبـل ولاكلمـة عتـاب=وأعشق القمه واسجّل حْروفـي فوقهـا [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أنا كل ماجازت لـي القافيـه غنيـت=قصيدٍ عن هْروج المخاليـق مغنينـي
على صفحة المرقاب لامن طرالي جيت=أبعثر على الكيبـورد شـيءٍ يسلينـي
لو أقرأ نهاري كايف الشعـر مامليـت=يداوي جْروحٍ في ضميري ويشفينـي [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
كـلٍ يغنـي علـى ليـلاه=قال المثل صاحبـه قبلـي
عـزاه ياخافقـي عـزاه=الهـم والحـزن ناشبلـي
أكتب قصيد الشقى واقراه=من غيـر محـدٍ يعقّبلـي
حرفٍ اتْعَرْف العرب معناه=وعشره بْصدري ترقّبلـي
محتجبةٍ ف/القفص باقصاه=لـو قلتهـا مايناسبـلـي [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ماهوب ذنب الحمامه لو يزيد اللهيـب=ياسامعيـن الحمـامـه لاتلومونـهـا
سجع الحمامه مع البكره وقبل المغيب=وقتين فيها تهيض وتسجـع لْحونهـا
نعم حمامة سلام وحس سجعي غريب=سحرٍ لكـل المشاعـر لـو يكنونهـا
تثيرني نسمة النسناس وابْدع واجيب=من صادق الروح مايشعـل بغليونهـا
وأثير من يسمع لْسجعي بعيد وُقريـب=والله عطانـي صفـاتٍ ماتعرفونـهـا
فيني من الحزن مايذهل وربي حسيب=وفيني بعد من هوى ليلى ومجنونهـا
لاصار جرحي أنا مافاد فيـه الطبيـب=وشلون أراعي جْروح الناس وشْجونها
الله عطاني من الابدااع فـنٍ عجيـب=ولي نغمةٍ يذهل العشـاق مضمونهـا [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مانخيتك من عطاني إيـاك ربـي يالقصيـد=غير ماترمي الشماغ..ءوتقول ارقي سنـود
ياونيسـي ياجليسي..تـرى دربـي بعيـد=أسرج خيولك..سرينا ولا تخشـى الرْقـود
لاتهاب ءمْن المسافـه ولا الـدرب الجديـد=مع بـراد الليل..لوطـال يقصـر مايـزود
وأنت عبّر عن شعوري..وأنا أفعل ماتريـد=واخذني لو في خيالك..مـعَ ذيـك النفـود
أخذنـي فــرّج هْمومي..ولوماتستفـيـد=تكسب أجري..لاتغرّك سواليـف الحسـود
أخذني لو صار دربي مـن أشواك..وجليـد=لا اهتوى قلبي..غدى الشوك في دربي ورود
أخذني واسترسل القاف..وارسـل عالبريـد=وانثر حْروفي كذا...مانبـي فيهـا قيـود!!
خلها تسري مـع الليل..والخاطـر سعيـد=عـلّ قلبـي ينتعش..لوتعديـت الْـحـدود [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أنا اللي في حروفي والمعاني من سـواد الليـل=واجامل والخفايا في صميـم القلـب مستـوره
وأنا اللي كل ماهب الهـوى زوّد علـي الكيـل=ولاطفني وقال بهمس صوت الحـزن! معـذوره
وأنا اللي لاتهيض خاطري جتك القصايد سيـل=يحوّل بالحجر..حتى الشجر ويقشّـع جْـذورهـ
أنا اللي من قوافيها يطيـب الكيـف والتعليـل=ورود الفل والجوري على القيفـان منثـورهـ
أنا اللي حطها الله شاعره..هذا عـذاب الحيـل=الا ياليتنـي شاعر..يعبّـر صـادق شْـعـوره
أنا اللي ودي أكتب..بس أخاف القال واهل القيل=أخاف اللي على التحريف مفتونه ومسعـورهـ [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أنا لامن سرى قاف المغني جيت الاحي له=بشعرٍ يخرج النفس الكئيبه من بلاويها
أنا يطربني الشاعر الى زانت مواويله=فصح الله لسانه..والحزينه خَذْ لَـجرْ فيها[/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أنا لامن سرى قاف المغني جيت الاحي له=بشعرٍ يخرج النفس الكئيبه من بلاويهـا
أنا يطربني الشاعر الى زانـت مواويلـه=فصح الله لسانه..والحزينه خَذْ لَجرْ فيهـا
يطيب الجو لامن ادلهمّ الغيم واخيله=أخيل ابروقه اللي تلتعج والسيل قافيها
أنا لاضاق صدري بالمكان وقلّة الحيله=أروح لْصفحة الابداع واقرأ من قوافيها[/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
سريت واهل الدار ممسين ياسعود=عشان معهـم جثتـي مادروبـي
تسري هواجيسي بلا سبق ووعود=ربـي رجيتـك لاتعطـل دْروبـي
أرووح مع وحي المتاهات واعود=هواجسي لاحباب قلبي سروبي
عسى سماهم تمتلي سحب ورعود=في قربهم لذّة هناي وشروبي[/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أتوووب مْنْ الأغاني..واعتصم بالله من الشيطان=ولكن..بَعْضَهـا يثّـر علـى قلبي..ويغريـنـي
لأنـي يايبه..مهمـا أكابر..بالأخير...انـسـان=ضعيف..ويقـدر الشيطـان بالحيلات..يغوينـي
واحاول لاتهيّض خاطري...أبدع مـن القيفـان=وافضفض..مع قصيدي..وسأل الرحمن يهدينـي [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
حسبي على ظروف البشر ما اقساها=كلٍ شكـى مـن جورهـا واذاهـا
كنت أحسب ان ظْروفي اللي شينـه=ايليـن غنّـى الشاعـر وهجاهـا
وكنت أحسب انها بالعنا تقصدنـي=والناس مبسوطـه ولاشـن جاهـا
وكنت أحسب اني بس أنا التعبانـه=وظْروفـي اللـي عجهـا غبـاهـا
وكنت أحسب اني بس أنا المهمومه=والناس ترتع فـي ربيـع أجواهـا
ولقيت كـلٍ مـن ظروفـه يشكـي=والرابـح اللـي صابـر ويَقْواهـا [/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أرد ابخاطري وأجحـد همومـي=وأكابد ضيقتـي وأجحـد كدرهـا
وأقـول إنـي سعيـده واتَحَّـدى=غموض النفس وأسمر في سفرها
وأكحّل من سـواد الليـل عينـي=ومن نور القمر يضوي بصرهـا
وأحب الورد وألوانـه وعطـره=وعبير الفل نقطف مـن زهرهـا
وأسابق في البحر وألطم بموجـه=وأصد الريح وأحذر من غدرهـا
وأصنّع ضحكتـي وأبـدو كأنـي=ملكت الكون مـن بـر وبحرهـا
وأحط الأرض خضـرا بالأمانـي=ولوكانـت معذبـهـا دهـرهـا
واجامـل واتحـمـل واتصـبّـر=وألوم العيـن لوطّـول سهرهـا
همومي والهواجيـس اظلمتنـي=تعاصرني وهي قلبـي عصرهـا
كفايـه إرحمـي حالـي ترانـي=ظلمت النفس وأسرفت بقهرهـا
هواجيس ارحلي أرجـوك يكفـي=عذاب النفـس ياهمـي دمرهـا
شموخي مايهز مـن العواصـف=تهب الريح وأصمـد وأحتقرهـا
تحديتـك هواجيسـي ونفـسـي=قـويـه بالله وبـيـده قـدرهـا
[/poem]

يقول الشاعر/محمد الزوري

[poem=font="Simplified Arabic,5,seagreen,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
صباح العسل والورد والمستكى والشيح=وهلا مرحبا ولكـم تراحيـب اغنيهـا
وبعد التحيـة والتراحيـب والتصبيـح=الى النجمة اللي دوم تنضـم قوافيهـا
انا من قبيلة ماتحـب الهـدر والبيـح=وعلوم السفاهـه والـردى ماندانيهـا
اعاف الكذب والـذم فالشعروالتجريـح=قصيدي لـزوم الكـل يفهـم معانيهـا
اناقصدي اتبادل معاك الشعـر وازيـح=همومٍ سـوا قـول الشعـر مايداويهـا
اذاكان مابة مانع اعطينـي التصريـح=ويشهد على حسن النوايـا مسويهـا [/poem]

فقلت..

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
هلا ياصباح الخير يالشاعـر الفصيـح=وصـح لسانـك عـد ماهـب ذاريهـا
هلا بالقصيد اللي وصلني مع التوضيح=أبياتٍ جزيلـه صاغهـا ذوق راعيهـا
أبياتٍ على وضح النقى مابهـا تلميـح=تفنن بها اللي صاغها واجتهـد فيهـا
أنا من محبيـن المجـاراة والترويـح=عن النفس..بس اسلومنا وين أوديهـا
أسابق على بدع القصايد هبوب الريـح=واعطّر حْروفي من شذى الورد واهديها
ولاشك ممنوعه ولا في يدي تصريـح=ولا كـل ماجتنـي قصيـده باجاريهـا
[/poem]

[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياهبوب الريح هبـي بطـارووقٍ جديـد=علّ تدله نفسـي اللـي تريـد أحبابهـا
يطرب الخافق صدى القاف لوهو من بعيد=وانتعـش بالقافيـه لابـدت واحيابـهـا
مادري والله علامي ولا أدري ويش أريد=المهـم الشعـر نفسـي يزيـل أتعابهـا
ودي أكتب طول ليلي وأنا قافـي عنيـد=إمتنـع يطلـب إثـاره وربـي جابـهـا
ذعذع العطر المركز على بـدع النشيـد=مع نسيم الليـل والليـل جـاب أطيابهـا
جتني حْروف الجزالـه ومنهـا نستفيـد=والصـدور المغلقـه ماطرقنـا بابـهـا
ياجزيل القاف يالله عسى وقتـك سعيـد=النوايـا السـود ماتهلـك الا أصحابهـا
أستعين بخالق الكـون والـرب المجيـد=يفرج هْمـومٍ بصـدري طغـى شبابهـا
جيت مابين اللواهيب والـزرب الهميـد=وبين دمعٍ حرّ عينـي وقـص أهدابهـا
وان رفعت الصوت عوّد علي حسي يعيد=حظ حوى مقشـره لـو خسـر طلابهـا
والله أن الليل لوطـال كنّـه ليـل عيـد=مع صدى القيفان ياسعْـد مـن يحضابهـا
أشكرك يابادع القاف والطـرق الفريـد=والحروف اللي سرت عطرها يزهى بهـا [/poem]