حلوااا

السلام عليكم ورحمة الله وبركاته

بعد مطالبة الكثيرين لقصيدة غزلية

إقبلوها

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]




ياربة الحسن رباته ملاييني=لكنّ مالك شبه فيهن ولا شروى
كملك ربي من الحسن وملكتيني=لوتاخذ الناس نصفه منك كان أشوى
ياكثر الأزوال لكن ما ملا عيني=غيرك ولاكل زولٍ قلت له " حلوى "
لدي علي بالعيون السود وأحييني=عيونك ألقابها عن وحدتي سلوى
أنا صويب العيون ولا تخليني=دنقت مافي يدي لمواصلك جدوى
مالي شعورك بصدك لاتماليني=إن كان لي خاطرٍ يستاهل الملوى
وتلفتي بالضروف وفكري فيني=من يستحق الروى ياحامي المروى؟؟
مالله بحاديك للفرقى وحاديني=بكون صادق معاك/ النفس ماتقوى
غيابك العام لو ما أكفاك يكفيني=سنه ومرت ولكن عكس مانهوى
وشلون أبضيفها من حسبة سنيني=وأنا أعتبرها سنه بالعمر ماتسوى
صفحة بما تحتويه إمن العناويني=طويتها غصب والمفروض ماتطوى
تماكنيني ترى ماعاد يمديني=القلب شد الرحال ليمّتك وأنوى
بجاه من كملك بالزين راعيني=من باب كسب الأجر والبر والتقوى
مدي حبال الوصل لو يوم وأعطيني=مايجعل الحلم في حبل الرجا يلوى
الأمر بيدك ولو الأمر بيديني=ماصار حبك عذاب وغيبتك بلوى
[/poem]

وسلمتوا