عندي تعدّيت الملوك و وفاها ..! ( إهداء الى ابن ناحل )..!

جميع اعضاء و زوار منتديات المرقاب .. طابت اوقاتكم بالخير والسعاده

(( ومن لا يشكر الناس لا يشكر الله ))

من خلال هذا الصرح الشامخ والراقي اتقدم بالشكر الجزيل

للأخ العزيز والغالي / محمد بن متعب بن ناحل الحربي ..

على ما قام بهِ تجاهي من وقفة صادقه والله يبيّض وجهه ويجمّله .. و ابن ناحل و حرب عامه آهل للطيب ولا نستغرّب الطيب من اهله ..


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
يا صاحبي واليا لحق صدري هموم=خليتها بين الضلوع و حشاها
ما جيت لك شاكي ولا انته أ/بملزوم=تعرف ظواهر حالتي من خفاها
مثلك يجيب علوم // ويودّي // علوم=مالك ومال النفّس واللي شقاها
خل المعزه جوف صدّري لك تدوم=ولا تخالف هقوته لا هقاها
واليا بدى لك ما حداني عن القوم=رايك يعزّ النفس واللي حواها
آبرخي اسموعي وعنّ غيرك آشوم=حيثك بروحي ما تخيّب رجاها
لكّن أنا واليا ثنت فيني عزوم=معاد أميّز مرّها من حلاها !
آقفي مع همومٍ تطيّر لي النوم=و آضيع فالدنيا لآ دارت رحاها
وآعيش معطئ للآماني ومحروم=تحقيقها ورى القلوب وسحاها !
يوم ان غيري لا نوى البيع والسوم=دون الكلايف كلّ رغبه لقاها !
وأنا ارقب أ/لحظٍ من الطيب معدوم=والحظ علّه ما يحصّل دواها
لوّ كان ميّت ما تكاثرت مرحوم=تركت غايات النفوس وهواها
مير البلا طايح وأنا آطيح وأقوم=أ/ يزوّد أ/همومي وأنا آبّعد مداها !
هو علةٍ في داخلي دايم الدوم=ما غيرته أيامي و محتواها
ما هي حكاية هجر // و معاتب // و لوم=و لوّ تزعل الدنيا ما همّي رضاها !
إلاّ انت تبقى يا مقدّر ومحّشوم=لو كان نفسك ما نبيّن غلاها
إتعيش يا محمد سنافي و زيزوم=لك وقفةٍ ما كلّ رجلٍ حماها
يا ذخر حرب اللي لها الطيب مقسوم=قبليةٍ فوق الثريا ثراها
الناس عندي كوم .. ومّعزّتك .. كوم=محدٍ قدر ياصلّ ليا مستواها
ومحبتك ما جات في ساعه و يوم=آبّطت بجوف القلب تعمر بناها
ما تجّني الاّ طيب عادات وسلوم=يوم ان غيرك عاجزٍ ما جناها
لوّ كان ما في يدك امارات وختوم=عندي تعدّيت الملوك و وفاها !
غنيت بك من هاجسي وأنت شغموم=وحلفت أوصّلها ليا منتهاها
اسمك ليا من صار بالطيب معلوم=زاد القصايد جزلها لآ زهاها
إتعيش يا زبن الونيات و تدوم=يا اللي تعدّيت الملوك و وفاها ![/poem]

وسلامة الجميع